Calcavecchia með 5 högga forystu

Bandaríkjamaðurinn Mark Calcavecchia hefur 5 högga forystu þegar keppni á Opna kanadíska mótinu í golfi er hálfnuð. Calcaveccia erá 8 höggum undir pari en annar er Bandaríkjamaðurinn Lukas Glover á 3 undir pari. Fimm kylfingar eru höggi á eftir Glover, í þeim hópi Svíarnir Jesper Parnevik og Mathias Groenberg. Evrópúrvalið í golfi hefur forystu í Solheim-bikarkeppninni eftir fyrsta keppnisdag. Evrópuúrvalið er með 5 vinninga en bandaríska úrvalsliðið þrjá. Útlitið var dökkt hjá Evrópuúrvalinu í fjórmenningi en góð spilamennska evrópsku kvennanna tryggði Evrópuúrvalinu 3-1 forystu. Þær Suzanne Petterson og Anika Sörenstam voru fjórum holum undir í baráttunni við Michele Redman og Lauru Diaz þegar 12 holur voru búnar. Þær sneru taflinu við og unnu leikinn á 17. holunni.