Ólöf keppir í Portúgal á morgun

Ólöf María Jónsdóttir mun hefja leik klukkan 10.40 í fyrramálið á Opna portúgalska mótinu í golfi, sem er liður í Evrópumótaröðinni. Mótið fer fram á Gramacho Pestana golfvellinum í Algarve og er heildarverðlaunaféð í mótinu 300 þúsund evrur, eða 2,4 milljónir króna. Sænska stúlkan Cecilia Eklund vann mótið í Portúgal í fyrra og mætir nú til að verja titilinn. Leiknar verða 54 holur að þessu sinni, eða þrír hringir. Ólöf María byrjar á 10. teig á morgun og er í ráshópi með Lynn Kenny frá Skolandi og Monicu Cosenza frá Ítaliu. Þetta er sjötta mótið sem Ólöf María tekur þátt í og hefur hún komist í gegnum niðurskurðinn á tveimur þeirra.