Els þakkar þjálfara sínum

Suður-afríski kylfingurinn Ernie Els þakkar þjálfara sínum stórbætt gengi sitt að undanförnu og segir hann manninn á bak við 13 högga sigur sinn á opna Asíumótinu um helgina. "Eitt af því sem hjálpaði mér hvað mest var þegar  þjálfarinn minn, David Leadbetter, sendi mér myndir af sveiflunni minni þegar hún var að heppnast vel. Hann sýndi mér fram á eitt og annað í tækni minni sem við löguðum lítillega," sagði Els, sem einnig eignar kylfusveini sínum Ricci Roberts hluta af heiðrinum fyrir framlag hans á æfingum undanfarið.