Orðrómurinn ekki réttur 27. febrúar 2005 00:01 Halldór Ásgrímsson fékk 78% atkvæða, þegar öll atkvæði eru talin, í formannskjörinu á flokksþingi Framsóknarmanna um helgina. Hann fékk 97% atkvæða á flokksþinginu fyrir tveimur árum. Aðspurður hvort honum finnist vegur sinn innan flokksins hafa minnkað segir Halldór svo ekki vera. Þetta sé afgerandi kosning og líta beri til þess að kosningaþátttakan sé meiri en verið hefur. Það liggi þó ljóst fyrir að nokkur erfið mál hafi verið innan Framsóknarflokksins og á hans vegum. „Ég lagði mikla áherslu á það að við skýrðum afstöðu okkar til Evrópumálanna og það er náttúrlega ekki allir sáttir við það. Og það er nú þannig að þegar menn eru að bera fram mál sem skipta máli þá hefur það áhrif,“ segir Halldór. Afstaðan til Evrópusambandsins reyndist stærsta deilumálið á flokksþingi Framsóknarflokksins. Stuðningsmenn aðildar Íslands virtust hafa öll vopn í sínum höndum fyrir flokksþingið þegar þeim tókst að koma inn í fyrstu drög að ályktun, texta þar sem sagði að stefnt skyldi að því að hefja aðildarviðræður við Evrópusambandið á þessu kjörtímabili, það er innan tveggja ára. Í dag var ályktunin orðin á þá leið að á vettvangi Framsóknarflokksins skyldi halda áfram upplýsingaöflun og vinnu við mótun samningsmarkmiða og undirbúning aðildarviðræðna við Evrópusambandið. Niðurstöðu þeirrar vinnu skyldi bera undir næsta flokksþing - til samþykktar eða synjunar. En andstæðingar héldu áfram að reka flóttann. Í lokasamþykkt var búið að þynna orðalagið enn út með því bæta við „hugsanlegs" undirbúnings og niðurstaðan yrði borin undir næsta flokksþing til kynningar, en hvorki til samþykktar né synjunar. Miðað við þau sjónarmið sem Halldór hefur haft til Evrópusambandsaðildar má segja að þau hafi orðið undir. Hann kveðst hins vegar alls ekki upplifa það þannig. Það hafi t.a.m. legið ljóst fyrir að hans mati að fyrstu drögin að ályktuninni gengju ekki upp. „Hins vegar er þetta í fyrsta skipti sem hugsanleg aðild að Evrópusambandinu er komin á dagskrá hjá Framsóknarflokknum með svona afgerandi hætti,“ segir Halldór. Athygli vakti að tveir fyrrverandi forystumenn flokksins, Steingrímur Hermannsson og Páll Pétursson, beittu sér gegn sjónarmiðum Halldórs í Evrópumálinu. Spurður hvort hann sé sáttur við það segist Halldór bera mikla virðingu fyrir sjónarmiðum þeirra beggja. Það sé ljóst að hann og Steingrímur hafi ekki alltaf verið sammála í þessu máli, ekki einu sinni þegar þeir voru saman í ríkisstjórn, og það sé óbreytt. Steingrímur hefur gagnrýnt aðgerðir Halldórs í ýmsum málum undanfarin misseri. Aðspurður hvernig hann kunni við þessar síðbúnu, pólitísku innkomur Steingríms segir Halldór að það sé hans mál. Hann sætti sig við þetta þó það sé stundum ekkert sérstaklega þægilegt fyrir þá sem starfi í stjórnmálum í dag að þeir sem eru löngu farnir frá komi fram með ákveðnar skoðanir. Halldóri finnst hann ekki vera að missa stjórnina á Framsóknarflokknum, þrátt fyrir að fylgi flokksins og hans persónulega fylgi hafi dvínað undanfarið samkvæmt könnunum. „Það liggur ljóst fyrir að sá sem er í forystu fyrir ríkisstjórn og flokk eins og Framsóknarflokkinn má búast við því að sitja undir gagnrýni. Það kemur engum á óvart og þannig hefur það alltaf verið,“ segir Halldór. Halldór segist ekki öfunda Davíð Oddsson af því að allir virðist þramma í takt innan Sjálfstæðisflokksins en ekki innan raða framsóknarmanna. „Það liggur vitanlega ljóst fyrir að það eru skiptar skoðanir innan Sjálfstæðisflokksins eins og í öllum öðrum flokkum,“ segir Halldór. Sumir af forystumönnum Framsóknarflokksins liggja ekkert á þeirri skoðun sinni, a.m.k. í einkasamtölum, að Halldór hafi einangrast með einhverjum hætti innan flokksins og það komist helst ekkert aðrir að honum en „Bræðurnir og Björn Ingi“, þ.e. Árni og Páll Magnússynir og Björn Ingi Hrafnsson, aðstoðarmaður forsætisráðherra. Halldór segist ekki kannast við að hafa tekið einhverja tiltekna einstaklinga að brjósti sér og úthýst öðrum. „Ég kannast við þennan orðróm en hann er einfaldlega ekki réttur,“ segir Halldór. Í heildina segist Halldór mjög ánægður með flokksþingið. „Ég fór inn í það með flensu og svolítinn hita. En það er svo skrítið að hún hefur heldur skánað,“ segir Halldór hlæjandi að lokum. Framsóknarflokkurinn Fréttir Innlent Stj.mál Mest lesið Ökumaður dráttarvélarinnar fluttur með þyrlu Innlent Fjögurra ára martröð Karlottu lauk með sýknudómi Innlent „Af hverju sit ég einn af öllum þessum mönnum fyrir framan dómara?“ Innlent Vill fá úr skorið hvort „annarlegar hvatir“ liggi að baki sniðgöngunni Innlent Stærsti óttinn varð að veruleika á þriðja degi af 90 Innlent Verzlingar settu upp húfur og skelltu sér til Krítar Innlent Lét öllum illum látum og fær engar bætur Innlent Tjaldaði á túni í miðborg Reykjavíkur Innlent Náðar raunveruleikastjörnur sem sviku tugmilljónir dala út úr bönkum Erlent Fólk flytur á landsbyggðina fyrir ódýrara húsnæði og rólegra umhverfi Innlent Fleiri fréttir Átta nemendur með ágætiseinkunn Margt til fyrirmyndar á Íslandi en gerir athugasemd við einangrunarvistun ódæmdra fanga Oscar fluttur úr landi á þriðjudag Sveitastjóraskipti í Reykhólahreppi Stærsti óttinn varð að veruleika á þriðja degi af 90 Fasteignamat fyrir 2026: Seltjarnarnes hástökkvarinn á höfuðborgarsvæðinu Tjaldaði á túni í miðborg Reykjavíkur Samrunatillögur bankanna og sjóveikur sundkappi Ökumaður dráttarvélarinnar fluttur með þyrlu Viðja bar sex lömbum takk fyrir „Af hverju sit ég einn af öllum þessum mönnum fyrir framan dómara?“ Dúxinn greip í saxófóninn Fjögurra ára martröð Karlottu lauk með sýknudómi Bein útsending: Uggandi yfir breytingum á Heiðmörk Úrslit hjá sósíalistum nær nákvæmlega eftir leiðbeiningum Dró vélarvana fiskibát að landi nærri Grindavík Bein útsending: Norðurslóðir í breyttum heimi Verzlingar settu upp húfur og skelltu sér til Krítar Óttast að stefna Trump-stjórnarinnar fæli námsmenn frá Bandaríkjunum Ísland verði að hafa skoðun á vörnum NATO við landið Fasteignamatið hækkar og áhyggjufullir námsmenn Staðfesta byggingaráform á Fannborgar- og Traðarreit Fólk flytur á landsbyggðina fyrir ódýrara húsnæði og rólegra umhverfi Kanna hvort ástæða sé til að endurvekja kjörstað í Fljótum Vill fá úr skorið hvort „annarlegar hvatir“ liggi að baki sniðgöngunni „Vestfirska efnahagsævintýrið“ í hættu verði veiðigjöldin hækkuð „Allsvakalega vímaður og ölvaður“ kallaði lögreglumenn „fagga og tíkur“ Sparnaðurinn bitni á fjölskyldum Málið alvarlegra en stjórnmálamenn gera sér grein fyrir Frystir Facebook hópinn og rýfur tengsl við Sósíalistaflokkinn Sjá meira
Halldór Ásgrímsson fékk 78% atkvæða, þegar öll atkvæði eru talin, í formannskjörinu á flokksþingi Framsóknarmanna um helgina. Hann fékk 97% atkvæða á flokksþinginu fyrir tveimur árum. Aðspurður hvort honum finnist vegur sinn innan flokksins hafa minnkað segir Halldór svo ekki vera. Þetta sé afgerandi kosning og líta beri til þess að kosningaþátttakan sé meiri en verið hefur. Það liggi þó ljóst fyrir að nokkur erfið mál hafi verið innan Framsóknarflokksins og á hans vegum. „Ég lagði mikla áherslu á það að við skýrðum afstöðu okkar til Evrópumálanna og það er náttúrlega ekki allir sáttir við það. Og það er nú þannig að þegar menn eru að bera fram mál sem skipta máli þá hefur það áhrif,“ segir Halldór. Afstaðan til Evrópusambandsins reyndist stærsta deilumálið á flokksþingi Framsóknarflokksins. Stuðningsmenn aðildar Íslands virtust hafa öll vopn í sínum höndum fyrir flokksþingið þegar þeim tókst að koma inn í fyrstu drög að ályktun, texta þar sem sagði að stefnt skyldi að því að hefja aðildarviðræður við Evrópusambandið á þessu kjörtímabili, það er innan tveggja ára. Í dag var ályktunin orðin á þá leið að á vettvangi Framsóknarflokksins skyldi halda áfram upplýsingaöflun og vinnu við mótun samningsmarkmiða og undirbúning aðildarviðræðna við Evrópusambandið. Niðurstöðu þeirrar vinnu skyldi bera undir næsta flokksþing - til samþykktar eða synjunar. En andstæðingar héldu áfram að reka flóttann. Í lokasamþykkt var búið að þynna orðalagið enn út með því bæta við „hugsanlegs" undirbúnings og niðurstaðan yrði borin undir næsta flokksþing til kynningar, en hvorki til samþykktar né synjunar. Miðað við þau sjónarmið sem Halldór hefur haft til Evrópusambandsaðildar má segja að þau hafi orðið undir. Hann kveðst hins vegar alls ekki upplifa það þannig. Það hafi t.a.m. legið ljóst fyrir að hans mati að fyrstu drögin að ályktuninni gengju ekki upp. „Hins vegar er þetta í fyrsta skipti sem hugsanleg aðild að Evrópusambandinu er komin á dagskrá hjá Framsóknarflokknum með svona afgerandi hætti,“ segir Halldór. Athygli vakti að tveir fyrrverandi forystumenn flokksins, Steingrímur Hermannsson og Páll Pétursson, beittu sér gegn sjónarmiðum Halldórs í Evrópumálinu. Spurður hvort hann sé sáttur við það segist Halldór bera mikla virðingu fyrir sjónarmiðum þeirra beggja. Það sé ljóst að hann og Steingrímur hafi ekki alltaf verið sammála í þessu máli, ekki einu sinni þegar þeir voru saman í ríkisstjórn, og það sé óbreytt. Steingrímur hefur gagnrýnt aðgerðir Halldórs í ýmsum málum undanfarin misseri. Aðspurður hvernig hann kunni við þessar síðbúnu, pólitísku innkomur Steingríms segir Halldór að það sé hans mál. Hann sætti sig við þetta þó það sé stundum ekkert sérstaklega þægilegt fyrir þá sem starfi í stjórnmálum í dag að þeir sem eru löngu farnir frá komi fram með ákveðnar skoðanir. Halldóri finnst hann ekki vera að missa stjórnina á Framsóknarflokknum, þrátt fyrir að fylgi flokksins og hans persónulega fylgi hafi dvínað undanfarið samkvæmt könnunum. „Það liggur ljóst fyrir að sá sem er í forystu fyrir ríkisstjórn og flokk eins og Framsóknarflokkinn má búast við því að sitja undir gagnrýni. Það kemur engum á óvart og þannig hefur það alltaf verið,“ segir Halldór. Halldór segist ekki öfunda Davíð Oddsson af því að allir virðist þramma í takt innan Sjálfstæðisflokksins en ekki innan raða framsóknarmanna. „Það liggur vitanlega ljóst fyrir að það eru skiptar skoðanir innan Sjálfstæðisflokksins eins og í öllum öðrum flokkum,“ segir Halldór. Sumir af forystumönnum Framsóknarflokksins liggja ekkert á þeirri skoðun sinni, a.m.k. í einkasamtölum, að Halldór hafi einangrast með einhverjum hætti innan flokksins og það komist helst ekkert aðrir að honum en „Bræðurnir og Björn Ingi“, þ.e. Árni og Páll Magnússynir og Björn Ingi Hrafnsson, aðstoðarmaður forsætisráðherra. Halldór segist ekki kannast við að hafa tekið einhverja tiltekna einstaklinga að brjósti sér og úthýst öðrum. „Ég kannast við þennan orðróm en hann er einfaldlega ekki réttur,“ segir Halldór. Í heildina segist Halldór mjög ánægður með flokksþingið. „Ég fór inn í það með flensu og svolítinn hita. En það er svo skrítið að hún hefur heldur skánað,“ segir Halldór hlæjandi að lokum.
Framsóknarflokkurinn Fréttir Innlent Stj.mál Mest lesið Ökumaður dráttarvélarinnar fluttur með þyrlu Innlent Fjögurra ára martröð Karlottu lauk með sýknudómi Innlent „Af hverju sit ég einn af öllum þessum mönnum fyrir framan dómara?“ Innlent Vill fá úr skorið hvort „annarlegar hvatir“ liggi að baki sniðgöngunni Innlent Stærsti óttinn varð að veruleika á þriðja degi af 90 Innlent Verzlingar settu upp húfur og skelltu sér til Krítar Innlent Lét öllum illum látum og fær engar bætur Innlent Tjaldaði á túni í miðborg Reykjavíkur Innlent Náðar raunveruleikastjörnur sem sviku tugmilljónir dala út úr bönkum Erlent Fólk flytur á landsbyggðina fyrir ódýrara húsnæði og rólegra umhverfi Innlent Fleiri fréttir Átta nemendur með ágætiseinkunn Margt til fyrirmyndar á Íslandi en gerir athugasemd við einangrunarvistun ódæmdra fanga Oscar fluttur úr landi á þriðjudag Sveitastjóraskipti í Reykhólahreppi Stærsti óttinn varð að veruleika á þriðja degi af 90 Fasteignamat fyrir 2026: Seltjarnarnes hástökkvarinn á höfuðborgarsvæðinu Tjaldaði á túni í miðborg Reykjavíkur Samrunatillögur bankanna og sjóveikur sundkappi Ökumaður dráttarvélarinnar fluttur með þyrlu Viðja bar sex lömbum takk fyrir „Af hverju sit ég einn af öllum þessum mönnum fyrir framan dómara?“ Dúxinn greip í saxófóninn Fjögurra ára martröð Karlottu lauk með sýknudómi Bein útsending: Uggandi yfir breytingum á Heiðmörk Úrslit hjá sósíalistum nær nákvæmlega eftir leiðbeiningum Dró vélarvana fiskibát að landi nærri Grindavík Bein útsending: Norðurslóðir í breyttum heimi Verzlingar settu upp húfur og skelltu sér til Krítar Óttast að stefna Trump-stjórnarinnar fæli námsmenn frá Bandaríkjunum Ísland verði að hafa skoðun á vörnum NATO við landið Fasteignamatið hækkar og áhyggjufullir námsmenn Staðfesta byggingaráform á Fannborgar- og Traðarreit Fólk flytur á landsbyggðina fyrir ódýrara húsnæði og rólegra umhverfi Kanna hvort ástæða sé til að endurvekja kjörstað í Fljótum Vill fá úr skorið hvort „annarlegar hvatir“ liggi að baki sniðgöngunni „Vestfirska efnahagsævintýrið“ í hættu verði veiðigjöldin hækkuð „Allsvakalega vímaður og ölvaður“ kallaði lögreglumenn „fagga og tíkur“ Sparnaðurinn bitni á fjölskyldum Málið alvarlegra en stjórnmálamenn gera sér grein fyrir Frystir Facebook hópinn og rýfur tengsl við Sósíalistaflokkinn Sjá meira