Hornfirsk hljómsveit í útlöndum

Sá einstæði atburður varð um helgina að Hornfirsk hljómsveit lék í útlöndum. Samkvæmt vefsíðunni horn.is er þetta í fyrsta sinn sem hljómsveit starfandi á Hornafirði er fengin til að spila erlendis. Hljómsveitin KUSK var fengin til að leika á þorrablóti Íslendingafélagsins í Stokkhólmi og æfði hún stíft fyrir tilefnið stóra. Haft er eftir trymblinum Ólafi Karli Karlssyni að sveitin sé í sínu besta formi. Er stefnan sett á hljóðver til upptöku á nýjum lögum. Samkvæmt Horni hafa þorrablót Íslendinga í Stokkhólmi verið í lægð undanfarin ár og fáir mætt. Nú var hins vegar leigðu glæsilegur salur og fengin alvöru hljómsveit frá Íslandi. Að auki var Ómar Ragnarsson fenginn til að fara með gamanmál.