700 milljóna tekjutap

Íslendingar verða hugsanlega af 700 milljónum króna vegna brunans í fiskimjölsverksmiðju Samherja í fyrradag að mati sjávarútvegsráðherra. Þetta kom fram á fundi Árna Mahiesen ráðherra með Ólafi Erni Ólafssyni, bæjarstjóra í Grindavík, Guðjóni Hjörleifssyni formanni sjávarútvegsnefndar Alþingis og Þorsteini Má Baldvinssyni, forstjóra Samherja í gær. Ráðherra sagði að í ljósi afkastagetu verksmiðjunnar og ríflegum loðnukvóta mætti gera ráð fyrir að tapið yrði þetta mikið. Á fundinum kom þó einnig fram að Þorsteinn Már er bjartsýnn á að hægt sé að vinna hrogn og frysta loðnu í Grindavík. "Þetta er auðvitað mikið áfall fyrir bæinn og búsifjar fyrir hafnarsjóð ," segir Ólafur Örn Ólafsson. "Það jákvæða í þessu er þó að Samherji virðist reiðubúinn til að leggja nokkuð á sig til að frysta loðnu hér og það tapast því vonandi ekki ekki jafn miklar tekjur og störf og voru í hættu."