Akademían fagnar framtaki Eimskips

Stjórn ReykjavíkurAkademíunnar hefur sent frá sér tilkynningu þar sem hún fagnar því framtaki Eimskipafélags Íslands að styrkja Háskóla Íslands með því að veita 500 milljónir króna til að byggja upp háskólatorg og 100 milljónir króna árlega til styrktar doktorsnemum við skólann. Greint var frá því á fundi í Háskólanum í gær að efla ætti Háskólasjóð Eimskipafélagsins sem Vestur-Íslendingar stofnuðu 1964, en hann hefur það að markmiði að stuðla að velgegni Háskóla Íslands og styrkja efnilega stúdenta til náms. Boðaði Björgólfur Thor Björgólfsson, stjórnarformaður sjóðsins, nýja tíma í gær þar sem ætlunin væri að breyta sjóðnum þannig að hann þjónaði hagsmunum Háskólans betur. Hluti af þeim áformum er 500 milljóna króna framlag til háskólatorgs og 100 milljónir króna sem verða árlega veittar doktorsnemum við skólann.