Skorinn á háls en fær ekki bætur

"Ég er breyttur maður eftir árásina," segir Ásgeir Elíasson sem varð fyrir hrottafenginni árás þegar hann var leigubílstjóri í afleysingum. Eina nóttina komu fjórir menn inn í bíl til hans. Þegar kom að greiðslu var Ásgeir skorinn á háls. Ofbeldi gegn leigubílstjórum er algengt og vekur því furðu að þeir séu ekki tryggðir í starfi. Andleg líðan Ásgeirs hefur ekki verið söm eftir árásina. Hann þjáist af kvíða og áfallastreitu. "Það er skrítið," segir hann. "Ég er ekki eins félagslyndur og öruggur og ég var og stundum finn ég fyrir hræðslu." Rætt er við Ásgeir í Helgarblaði DV og hann sýnir örið hræðilega sem fylgja mun honum þann tíma sem hann á ólifaðan.