Rúðuþurrkurnar endurnýjaðar

Annir hafa verið á bensínstöðvum síðustu daga þar sem fólk hefur streymt að til að skipta um rúðuþurrkur, eða vinnukonur eins og sumir kjósa að kalla þær. "Þetta byrjaði bara um leið og fór að hlýna og rigna í síðustu viku," sagði starfsmaður á einni bensínstöðinni í samtali við Fréttablaðið. Hann segir fólk gera misjafnar kröfur til þurrkanna, sumir vilji að þær sópi hverjum einasta dropa af framrúðunni en öðrum nægi að sjá sæmilega vel út. "Ef vel á að vera þarf að skipta um þurrkur á hálfs árs fresti," sagði annar. Þurrkan leggur sig á rétt tæpan þúsundkall og kostar parið því innan við tvö þúsund krónur.