Snorri á förum frá Großwallstadt

Þýska handknattleiksliðið Großwallstadt mun ekki framlengja samning sinn við Snorra Stein Guðjónsson sem leikur nú sitt annað tímabil með liðinu. Sama á við um tvo aðra leikmenn liðsins sem tilkynnti þetta með fréttatilkynningu í dag en í henni kemur einnig fram að þjálfaraskipti standi fyrir dyrum. Samningur Snorra rennur út í vor en hann hefur leikið 52 leiki með liðinu og skorað í þeim 173 mörk. Großwallstadt er í 14. sæti Bundesligunnar í handbolta, aðeins tveimur sætum frá fallsvæðinu.