Dómtekið í Héraðsdómi

Mál Valgerðar H. Bjarnadóttur, fv. framkvæmdastjóra Jafnréttisstofu og formanns leikhússráðs Leikfélags Akureyrar, gegn félagsmálaráðherra um greiðslu launa út ráðningartímabil sitt sem framkvæmdastjóri Jafnréttisstofu hefur verið dómtekið hjá Héraðsdómi Reykjavíkur. Málið verður flutt 1. apríl og má búast við dómi í lok mánaðarins. Valgerður var framkvæmdastjóri Jafnréttisstofu og formaður leikhússráðs Leikfélags Akureyrar þegar ráðning leikhússtjóra var tekin fyrir. Karl var ráðinn og kona kærði ráðninguna. Kærunefnd jafnréttismála komst að þeirri niðurstöðu að jafnréttislög hefðu verið brotin. Sama gilti í Héraðsdómi. Valgerður hafði hætt sem framkvæmdastjóri Jafnréttisstofu að vilja félagsmálaráðherra. Þegar dómnum var snúið í Hæstarétti voru forsendur þess að hún var látin hætta brostnar og ákvað hún því að fá það viðurkennt og krefjast greiðslu til loka fimm ára ráðningartímans. Ekki náðist í félagsmálaráðherra.