Bílvelta á svörtum bletti

Ökumaður missti stjórn á jeppabifreið sinni í hálku og endaði í hrauninu utan við þjóðveginn austan við Kirkjubæjarklaustur um miðnætti aðfaranótt föstudags. Á þessu svæði er símasambandslaust og því ekki hægt að gera viðvart. Fáir eru á ferli á þessum slóðum á þessum árstíma en vegfarandi tók ökumann og farþega upp í bíl sinn og kom þeim á heilsugæsluna á Höfn. Þau sluppu með minniháttar meiðsli en bíllinn skemmdist mikið. Svæðið þar sem óhappið varð er kallað "svarti bletturinn" af lögreglu enda hafa mörg óhöpp og jafnvel banaslys orðið þar. Þar er eins og áður sagði ekki hægt að nota farsíma.