Kynmök við dýr leyfileg

Dómsmálaráðherra Danmerkur vill ekki setja skilyrðislaust bann við af hafa kynmök við dýr. Þetta kemur fram í svari ráðherrans til Dýraverndunarsamtaka Danmerkur. Lene Espersen dómsmálaráðherra segir í svari sínu að nú þegar liggi refsing við því að hafa kynmök við dýr ef dýrin hljóti skaða af athöfninni, en hún segir erfitt að framfylgja algeru banni við kynmökum fólks við dýr. Tilefni þess að Dýraverndunarsamtökin sendu ráðherra beiðnina er að dýraníðingur hefur að undanförnu beitt á þriðja tug hesta grófu kynferðislegu ofbeldi, svo grófu að sjö hestar hafa drepist vegna áverka sem níðingurinn hefur veitt þeim. Þá er kynferðislegt ofbeldi gegn einni kú til rannsóknar.