Byrlað eitur?

Banamein Yassers Arafats gæti hafa verið eitrun, segir fulltrúi ríkisstjórnar Palestínumanna í Frakklandi, þar sem leiðtoginn geispaði golunni. Fulltrúinn segir að í líki Arafats hafi fundist ákveðin eiturefni sem vanalega finnist ekki í veiku fólki. Þó séu engar sannanir fyrir því að eitrað hafi verið fyrir Arafat, en læknar hafi heldur ekki útilokað það. Í yfirlýsingu frá fulltrúanum segir að Ísraelsmenn hafi áður ráðið menn af dögum með því að eitra fyrir þeim og vel sé hugsanlegt að sú hafi einnig verið raunin nú.