Kynskiptingar mega ekki giftast

Kynskiptingar mega ekki ganga í hjónaband í Flórída, nema þeir hneigist að eigin kyni. Þetta kom í ljós þegar yfirvöld neituðu að staðfesta hjónaband Michaels Kantaras og unnustu hans. Þau sögðu að þar sem Kantaras hefði fæðst sem kona væri hann enn kona þrátt fyrir kynskiptaaðgerðina. Kantaras gekkst undir kynskiptaaðgerð árið 1987 og giftist tveimur árum síðar Lindu sem var eiginkona hans til fimmtán ára. Það var ekki fyrr en Kantaras kvæntist aftur að babb kom í bátinn. Yfirvöld neituðu að staðfesta hjónabandið á þeim grundvelli að hann væri lögum samkvæmt enn kona þrátt fyrir kynskiptaaðgerðina og þar sem hjónabönd samkynhneigðra eru bönnuð í Flórída má hann ekki kvænast konu. Samkvæmt laganna hljóðan ætti karlmanninum Michael, sem telst enn kona þrátt fyrir kynskiptaaðgerðina, að vera heimilt að kvænast karlmanni.