Átök í kjölfar mótmælakeðju

Sex Palestínumenn voru drepnir í átökum við ísraelskar hersveitir á Vesturbakkanum í gær. Þá sendu ísraelskar þyrlur flugskeyti á byggingar í Gazaborg í kjölfar árásar vígamanna á félagsmiðstöð landtökumanna þar sem sex börn særðust. Nokkrum klukkustundum síðar hófu ísraelskar hersveitir skothríð á ný. Kostaði hún eina konu lífið sem lá sofandi í rúmi sínu þegar átökin brutust út. Óeirðirnar brutust út eftir að um hundrað þúsund Ísraelar mynduðu mótmælakeðju á sunnudag vegna áætlana Ariel Sharon forsætisráðherra um að leggja niður landtökubyggðir gyðinga á Vesturbakkanum.