Sjálfstæðismenn sitja hjá

Bæjarstjórn Dalvíkurbyggðar kom á mánudag í fyrsta sinn saman aftur, eftir endurnýjað stjórnarsamstarf Sjálfstæðisflokks og Framsóknarflokks. Þar samþykktu framsóknarmenn að setja á fót þriggja manna vinnuhóp til að útfæra nánari gögn varðandi framtíðarskipan grunnskólamála í Dalvíkurbyggð og framtíð Húsabakkaskóla. Vinnuhópurinn á að skila áliti sínu fyrir 31. janúar 2005. Sjálfstæðismenn sátu hjá við afgreiðslu málsins. Í nóvember slitnaði upp úr meirihlutastarfi framsóknar- og sjálfstæðismanna vegna ágreinings um framtíð Húsabakkaskóla.