Jólakort í tölvunni
Danski Pósturinn býður fólki að búa til jólakortin sín í tölvunni, skrifa jólakveðju og senda kortið rafrænt til Póstsins sem prentar út á pappír og kemur honum hratt og örugglega til viðtakenda. Pósturinn hefur á boðstólum ýmsar gerðir af jólakortum á netinu, en fólk getur líka sótt eigin ljósmyndir. Póstinum er mjög í mun að vera í takt við tímann, enda stöðugt færri sem senda jólakort og velja einfaldlega að senda tölvupóst eða SMS. Slíkt kemur sér afar illa fyrir póstsins menn, sem eiga mikið undir jólaviðskiptunum.
