Jóakim tekinn fyrir hraðakstur

Jóakim Danaprins, hefur verið kærður til lögreglu fyrir háskalegan akstur á hraðbraut í gærkvöldi. Synir Jóakims, prinsarnir Nikolai og Felix, voru einnig í bílnum. Prins Jóakim er einu ári yngri en krónprinsinn Friðrik. Mikið hefur verið fjallað um Jóakim í dönskum fjölmiðlum, frá því að skilnaður hans og Alexöndru prinsessu var gerður opinber í október. Gula pressan hefur fjallað á opinskáan hátt um líferni Jóakims, og hefur haldið því fram að áhugi hans á skemmtanalífi hafi leitt til skilnaðarins. Ökumaður á Helsingør hraðbrautinni, tilkynnti til lögreglu í gær að Jóakim hefði ekið á 160-170 kílómetra hraða á leið suður til Kaupmannahafnar. Ökumaðurinn segir í samtali við Ritzau fréttastofuna að prinsinn hafi farið svo geyst inná frárein hraðbrautarinnar að bíll hans hafi verið við það að fara út af og hafi aðrir ökumenn verið í hættu. Háskaaksturinn náðist á myndband, af sjónvarpsfyrirtækinu LocalEyes. Þar á bæ segja menn að myndirnar sýni Jóakim við stýrið og að þrír farþegar hafi verið í bilnum; synir hans og Alexöndru prinsessu, prinsarnir Nikolai og Felix, og er þriðji farþeginn sagður hafa verið kvenmaður, en ekki Alexandra. Samkvæmt fréttum danska ríkisútvarpsins var Jóakim prins vís að svipuðum hraðakstri árið 1997. Danska lögregan segir að kæran fari sína leið til dómsmálaráðuneytisins. Sú leið er reyndar ekki mikið lengri þar sem danska stjórnarskráinn tryggir prinsinum nýtur friðhelgi, eins og öðrum meðlimum