Jólasveinaþing í Kaupmannahöfn

Hundrað og sextíu jólaveinar alls staðar að úr heiminum eru samankomnir á jólasveinaþingi í Kaupmannahöfn. Þingið er það 41. í röðinni og fer fram í skemmtigarðinum á Bakkanum svonefnda. Sveinkarnir koma m.a. frá Bandaríkjunum, Venesúela, Japan og Grænlandi. Jólasveinar vekja alltaf mikla athygli, þó sérstaklega í júlí. En þar sem flestir þeirra þekkja snjó hófst þingið á „jólavetrarólympíuleikum“ þar sem m.a. var keppt í snjóþrúguhlaupi og hver kæmist fyrstur niður strompinn. Meðal þess sem rætt verður á jólasveinaþinginu í Danmörku er hvaða dag eigi að halda jólin hátíðleg og hafa Spánverjar farið fram á að jólin verði færð til 6. janúar sem er aðalhátíðisdagurinn í jólahaldi Spánverja.