11 látast í árás Bandaríkjamanna

Bandaríkjaher felldi ellefu Íraka í loftárás á hús í Fallúja í morgun. Upplýsingar um tölu fallinna komu frá lækni á aðalsjúkrahúsi borgarinnar og Bandaríkjaher hefur staðfest að hafa staðið fyrir loftárásinni. Hann hefur að undanförnu sprengt hús í borginni þar sem grunur leikur á að uppreisnarmenn úr liði hins eftirlýsta Abu Musabs al-Zarqawis haldi til í. Sjónarvottar í hverfinu segja að árásin hafi komið í kjölfar átaka á milli bandarískra hermanna og Íraka nálægt húsinu í morgun. Þeir segja fjölskyldu hafa búið í húsinu. Sjúkrahúslæknirinn segir börn og konur hafa verið á meðal hinna föllnu.