Súkkulaðikreppa

Súkkulaðikreppa gæti verið í nánd sökum hækkandi verðs á súkkulaði ef sveppasýking sem lagst hefur á kakótré í Suður-Ameríku berst til Afríku. Margir óttast að kakóbaunauppskera bregðist algjörlega í Suður-Ameríku í ár vegna sýkingarinnar en Brasilía er einn helsti kakóbaunaræktandi heims. Jurtafræðingur við Walesháskóla, Gareth Griffith, er mjög hræddur um að sveppasýkingin berist til landa eins og Gana, Nígeríu og Fílabeinsstrandarinnar, þar sem kakóframleiðsla er mikil. Ef það gerist mun heimsmarkaðsverð á kakói eflaust hækka verulega og þannig einnig verð á súkkulaði. Í Evrópu borða Bretar mest allra af súkkulaði en þar er keypt súkkulaði fyrir jafnvirði um 360 miljarða króna á hverju ári.