Keith Richards hjálpar sjálfum sér

Keith Richards er einn þeirra sem hafa látið bóka sig á minningartónleika um kántrý-rokkstjörnuna Gram Parsons. Meðal þeirra sem munu koma fram á tónleikunum sem verða þann 9. og 10. júlí, eru Norah Jones, Steve Earle, Lucinda Williams og Dwight Yoakam. Allur ágóði af tónleikunum mun renna til hjálparstarfs tónlistarmanna sem styður tónlistarmenn í baráttu þeirra við fíkniefni og alkóhólisma. Gram Parsons er af mörgum talinn fyrsti tónlistarmaðurinn til að blanda saman kántrýtónlist og rokkmúsík. Sjálfur náði hann engum sérstökum vinsældum í heimalandi sínu þó að hann hafi haft mikil áhrif á hljómsveitir eins og the Eagles, the Byrds, Elvis Costello og fleiri. Hann lést árið 1973