Gefur 150 milljóna lottóvinning

Óþekktur lottóvinningshafi í Japan hefur ákveðið að láta þær rúmu 150 milljónir króna sem hann vann á föstudaginn renna óskiptar til fórnarlamba nýlegra flóða í Japan. Vinningshafinn, sem virðist búa yfir einstakri gjafmildi, segist vonast til þess að fórnarlömb flóðanna verði aðnjótandi sömu heppni og fylgdi miðanum. Yfirvöld í borginni Fukui, þar sem vinningurinn vannst, segjast ekki geta gengið úr skugga um það hver sendi miðann þar sem hann hafi verið sendur á röngu nafni. Þó sé öruggt að vinningurinn sé ósvikinn.