Yukos býður 7 milljarða dollara

Nýr yfirmaður Yukos olíufélagsins rússneska hefur boðið þarlendum stjórnvöldum rúmlega sjö milljarða dollara, eða sem samsvarar rúmum 500 milljörðum króna, upp í meintar skattaskuldir félagsins sem eru til rannsóknar ásamt svikum fyrrverandi forstjóra þess, Mikhails Khodorkovskys. Réttarhöld í málinu héldu áfram í dag og krefjast stjórnvöld þess að eignir fyrirtækisins verði gerðar upptækar vegna skulda. Dómari vísaði frá kröfu lögfræðings Khodorkovskys um að hann yrði látinn laus úr fangelsi vegna lélegrar heilsu.