Bannað að auglýsa ruslfæði

Auglýsingar fyrir ruslfæði verða bannaðar í bresku sjónvarpi á barnatíma, það er að segja á milli klukkan sex og níu á kvöldin. Heilbrigðisráðherra Bretlands vill að skyndibitastaðir og matvælaframleiðendur gangist inn á reglur þessa efnis, en hótar ellegar lagasetningu. Hann vill að matur sem er feitur eða með hátt hlutfall salts eða sykurs falli undir þessar reglur. Hamborgarar, súkkulaði, snakk, franskar og sykraðir drykkir myndu falla undir reglurnar, en jafnvel líka saltar súpur, morgunkorn og fiskifingur, ein að uppistöðu fæðutegundum Breta.