Destiny´s Child saman á ný

Stúlknahljómsveitin Destiny´s Child kemur aftur saman næsta haust eftir tveggja ára hlé. Þær stöllur Beyoncé Knowles, Kelly Rowland og Michelle Williams eru um þessar mundir að vinna að nýrri plötu sem á að koma út í nóvember. Að sögn Matthew Knowles, föður Beyoncé og umboðsmanns sveitarinnar, hefur hún aldrei hljómað betur. "Ég hlustaði á fyrstu upptökurnar og þær voru frábærar," sagði hann. "Það er gaman að þær séu að byrja aftur á svona jákvæðum nótum. Við gerðum sex til sjö ára áætlun og að fara hver í sína átt var hluti af henni. Það er ekki hægt að gefa út plötu með Destiny´s Child á hverju ári." Eftir að síðasta plata sveitarinnar, Survivor, kom út árið 2001 hafa allar stúlkurnar gefið út sólóplötur, en með mismunandi árangri. Beyoncé hefur átt bestu gengi að fagna og hefur plata hennar, Crazy in Love, selst í milljónum eintaka.