Háhyrningur tryllist

Gestum í skemmtigarðinum Sea World Adventure Park í borginni San Antonio brá heldur betur í brún þegar háhyrningur réðst á dýratemjara sinn í miðri sýningu. Háhyrningurinn reyndi í sífellu að berja manninn ofan í vatninu og reyndi svo að bíta hann. Dýratemjarinn komst upp úr lauginni og voru meiðsl hans ekki talin alvarleg. Starfsmönnum tókst síðar að róa hvalinn og var sýningunni frestað. Talið er að hvalurinn hafi brugðist illa við vegna þess að hann er nú kynþroska og á þeim aldri sem hvalir venjulega maka sig.