Bowie klemmir taug

David Bowie var lagður inn á spítala í Þýskalandi eftir að hafa kvartað undan klemmdri taug í öxlinni. Í kjölfarið þurfti að aflýsa tónleikum sem áttu að fara fram daginn eftir. Söngvarinn kom fram á Hurricane-hátíðinni í Þýskalandi um helgina en var lagður inn á spítala eftir að hann fann fyrir miklum verk í öxlinni. Honum var haldið yfir nótt á sjúkrahúsinu þar sem hann var skoðaður og undirgekkst meðferð. Bowie þurfti að hætta fyrr en ráðgert var á tónleikum í síðustu viku vegna verksins en þá tók hann til að byrja með 10 mínútna hlé. Hann ætlaði ekki að gefast upp í það skiptið og sneri aftur á svið og náði að ljúka tveimur lögum í viðbót. Bowie bað þá áhorfendur afsökunar og sleit tónleiknum. Ekki er gert ráð fyrir að meiðslin hafi frekari áhrif á tónleikaferð Bowies um Norður-Ameríku og Evrópu. Ekki fyrir löngu síðan meiddist Bowie eftir að hafa fengið sleikibrjóstsykur í augað sem kastaðist til hans frá aðdáanda. Þrátt fyrir að myndir hafi sýnt prikið á brjóstsykrinum í auganu hélt hann tónleikunum áfram í það skiptið.