Aðdáendur fúlir út í Britney

Britney Spears hefur sætt gagnrýni vegna frétta um trúlofun hennar og dansarans Kavin Federline. Unnusti Britneyjar var áður kenndur við leikkonuna Shar O. Jackson og gengur hún nú með annað barn þeirra undir belti sem von er á í júlí. Á spjallrásum MTV-sjónvarpstöðvarinnar lýsa aðdáendur hennar því yfir að hjónabandið muni lílegast ekki endast lengur en 55 klukkutíma hjónaband Britneyjar og æskuvinarins, Jason Alexander, í janúar. Einn aðdáandi sagðist hafa líkað vel við söngkonuna þar til hún frétti af trúlofuninni og enn annar heldur því fram að hún verði ekkert sérstök stjúpmóðir. Eitthvað er um veðmál á netinu um það hvort hjónabandið endist lengur, Britneyjar og Federline eða Jennifer Lopez og Mark Anthony. Meirihluti þátttakenda er á því að Jennifer muni hafa vinninginn. Útgáfufyrirtæki Britneyjar hefur staðfest fréttina um trúlofun parsins en enn hefur ekki fengist uppgefið dagsetning giftingarinnar en búist er við henni á næstunni.