Depp vill leika Ozzy

Svo gæti farið að leikarinn Johnny Depp muni leika rokkarann Ozzy Osburne í nýrri mynd um ævi hans. Að sögn Sharon, eiginkonu Ozzy, hefur ákvörðun ekki verið tekin í málinu en Depp er sagður hafa mikinn áhuga á hlutverkinu. Sharon hefur einnig gefið í skyn að Ozzy, sem sló í gegn með hljómsveitinni Black Sabbath, ætli að setjast í helgan stein eftir nokkur ár. Johnny Depp er mjög vinsæll þessa dagana eftir hlutverk sitt í Pirates of the Caribbean. Á meðal fleiri mynda hans eru Chocolat, Edward Scissorhands og Ed Wood.