Erlent

Lyfjuð pokadýr, ekki geimverur

Akurhringir á ópíumræktarsvæðum á eyjunni Tasmaníu eru ekki af völdum gesta frá öðrum hnetti, eins og sumir gætu haldið, heldur dýra í óreglu.

Erlent

Maður sem keyrði á ofurlöggu dæmdur í 23 mánaða fangelsi

Lögreglufulltrúinn Dan Pascoe hefur fengið viðurnefnið "Véllöggan“ í erlendum miðlum, eftir að myndband birtist á vefnum þar sem hann sást rísa upp af götunni og hlaupa á eftir manni sem keyrði um á stolnum bíl, aðeins andartaki eftir árekstur við bílþjófinn.

Erlent

Fjarlægja ofbeldisfulla tölvuleiki úr hillum vegna fjöldamorðanna

Norski verslunarrisinn Coop hefur tímabundið fjarlægt ofbeldisfulla tölvuleiki úr hillum vegna fjöldamorðanna í Útey en hryðjuverkamaðurinn Anders Breivik spilaði slíka leiki. Verslunarmaður í BT segir ekki standa til að hætta sölu á ofbeldisleikjum og hvetur foreldra til að virða aldurstakmörk.

Erlent

Froðukastari dæmdur í sex vikna fangelsi

Jonathan May-Bowles, sem varð heimsþekktur þegar hann kastaði raksápuböku á fjölmiðlamógúlinn Rupert Murdoch þann 20 júlí síðastliðinn, hefur verið dæmdur í sex vikna fangelsi. Hann var í síðustu viku sakfelldur fyrir líkamsárás og áreiti. Hinn 26 ára gamli May-Bowles játaði sök í málinu, en hann veittist að Murdoch og fleygði á hann rakfroðubökunni þar sem fjölmiðlakóngurinn sat fyrir svörum hjá breskri þingnefnd vegna hlerunarmálsins sem varð vikublaðinu News of the World að falli.

Erlent

Safna saman eigum fólksins í Útey

Norska lögreglan byrjar í dag á því þungbæra verkefni að taka saman eigur fólks sem var statt í Útey þegar hryðjuverkamaðurinn Breivik hóf skotárás þar. Ragnar Karlsen, yfirlögregluþjónn, segir í samtali við norska ríkisútvarpið að verkefninu gæti verið lokið á föstudaginn. Tugir manna taki þátt í verkefninu.

Erlent

Skelfilegt að hafa veitt fjöldamorðingja innblástur

Hinn umdeildi danski kvikmyndaleikstjóri, Lars von Trier, undirbýr nú gerð nýrrar erótískrar kvikmyndar sem mun heita Nymphomaniac. Í myndinni verður rakin erótísk saga konu frá því að hún er ungabarn og þar til hún er fimmtug.

Erlent

Smöluðu saman 3.000 minkum á Fjóni

Um 30 íbúar í grennd við Assens á Fjóni í Danmörku eyddu frídegi verslunarmanna við að hafa upp á og smala saman um 3.000 minkum sem sluppu úr búrum sínum á minkabúi sem þarna er staðsett.

Erlent

Fimm ára gömul börn með átröskun

Börn, allt niður í fimm ára að aldri, eru lögð inn á sjúkrastofnanir í Bretlandi vegna lystarstols. Kona sem glímt hefur við lystarstol, eða anorexiu eins og sjúkdómurinn heitir á enska vísu, segir við sky fréttastöðina að glanstímaritum sé ekki um að kenna.

Erlent

Tuttugu þúsund fangar fái frelsi

Fangelsi í Venesúela eru flest öll yfirfull og hafa fangelsisstjórar og fangaverðir lengi varað við ástandinu. Fyrir skömmu létust 25 í uppþotum í einu fangelsanna sem stóðu í rúmar þrjár vikur.

Erlent

Stoltenberg aldrei verið vinsælli

Forsætisráðherra Noregs hefur öðrum fremur verið í sviðsljósinu í kjölfar hryðjuverkanna. Hann hefur aldrei verið vinsælli og hefur hlotið mikið lof fyrir framgöngu sína. Viðbrögð hans allt frá byrjun hafa vakið athygli.

Erlent

Svíakonungur minntist fórnarlambanna í Noregi

Karl Gústaf Svíakonungur heimsótti heimsmót skáta í Svíþjóð. Þar minntist hann fórnarlambanna í Noregi og sagði ódæðisverkin áminningu til skáta að leggja enn harðar að sér í baráttunni við fordóma og illsku í heiminum. Það væri hlutverk fullorðna í skátastarfi að leiðbeina sér yngri skátum og vera þeim fyrirmynd og aðstoða þá við að vera boðbera friðar hvar sem er og hvenær sem er. Karl Gústaf er heiðurforseti World Scout Foundation og hefur verið skáti frá unga aldri.

Erlent

Vitorðsmönnum verður refsað

Allir þeir sem hafa veitt Anders Behring Breivik aðstoð við að skipuleggja fjöldamorðin í Útey og Osló gætu átt yfir höfði sér refsidóma. Í vefútgáfu norska dagblaðsins Verdens gang er haft eftir lögreglu að þunginn í rannsókninni á fjöldamorðunum sé nú kanna hvort Breivik hafi átt einhverja vitorðsmenn. Breivik tók sér mörg ár til að skipuleggja sprengjuárásina í Osló og morðin í Útey og hver sá sem hefur hvatt hann til hryðjuverkanna á þeim tíma gæti borið refsiábyrgð.

Erlent

Netanyahu lofar breytingum

Benjamin Netanyahu, forsætisráðherra Ísraels, lofar breytingum og segist ætla að koma til móts við óánægjuraddir Ísraela. Breytinga sé þörf hvað nálgun og áherslur í efnahagsmálum varðar sem bein áhrif hafi á helstu stoðir samfélagsins.

Erlent

Dagblað sektað vegna ritdóms

Breska blaðið The Daily Telegraph hefur verið sektað vegna ritdóms Lynns Barber frá árinu 2008 um bókina Seven Days in the Art World sem Sarah Thornton skrifaði.

Erlent

Drusluganga í Nýju-Delí

Hundruð kvenna tóku þátt í druslugöngu í Nýju-Delí í dag en líkt og í öðrum sambærilegum göngum er ætlunin að vekja athygli á fordómum sem endurspeglast í áherslu á klæðaburð og ástand brotaþola í umræðu um kynferðisofbeldi.

Erlent

Réttað yfir Hosni Mubarak í lögregluskóla

Réttarhöld yfir Hosni Mubarak, fyrrverandi forseta Egyptalands, sem hefjast á miðvikudaginn hafa verið færð til af öryggisástæðum. Til stóð að rétta yfir honum í miðborg Kaíró eða í strandbænum Sharm el-Sheikh þar sem Mubarak og fjölskylda hans hafa dvalið frá því hann hrökklaðist frá völdum fyrr á árinu. Nú hefur verið tekin ákvörðun um að réttarhöldin fari fram í lögregluskóla í útjaðri Kaíró. Þetta er gert til að tryggja öryggi Mubarak, dómara og annarra sem verða viðstaddir réttarhöldin.

Erlent

Mótmælendur handteknir í Ísrael

Tugir mótmælenda voru handteknir víðsvegar um Ísrael þegar fram fóru einhver víðtækustu mótmæli í landinu í áratugi. Talið er að yfir 150 þúsund manns hafi komið saman í 12 borgum í gær til að mótmæla auknum álögum og um leið undirstrika nauðsyn þess að víðtækar breytingar verði gerðar á ísraelsu samfélagið. Fólkið vill auk þess hærri meðallaun og að ódýrara verði að ala upp börn í Ísrael. Fjölmenn mótmæli voru í Tel Aviv, Jerusalem og Haifa sem eru stærstu borgir Ísraels. Þá komu að því er talið um fimm þúsund mótmælendur saman fyrir utan og í grennd við heimili Binyamin Netanyahu, forsætisráðherra, í Jerúsalem.

Erlent

Enn eykst stuðningur við norska Verkamannaflokkinn

Fylgi norska Verkamannaflokksins, flokks Jens Stoltenbergs forsætisráðherra, hefur aukist mikið eftir hryðjuverkaárásirnar í Ósló og á Útey. Fylgi annarra flokka hefur minnkað samkvæmt skoðanakönnun Dagbladet sem fór fram í gær og fyrradag. Stuðningur við Verkamannaflokkinn mælist nú 41,7% sem er um 11% aukning frá því í júní. Stoltenberg þykir hafa staðið sig afar vel undanfarna daga.

Erlent

Eyðileggingin mikil í Osló og Útey

Talið er að um þúsund verslanir og önnur þjónustufyrirtæki hafi skemmst í sprengingunni í Ósló fyrir rúmri viku. Mörg fyrirtækjanna eru á svæði sem lögreglan lokaði af eftir árásirnar og hafa því verið lokuð. Nokkrar verslanir hafa reynt að bregðast við með því að selja skemmdar vörur á lægra verði.

Erlent

Mest lesið