Fréttir

Vilja skjóta kóalabirni

Kóalabirnir og kengúrur eru sjálfsagt þekktustu dýrategundir Ástralíu. Íbúar Kengúrueyju hafa þó fengið nóg af kóalabjörnum og krefjast þess að fá að skjóta þá. 

Erlent 13.10.2005 18:51

Ekki í stríð við olíufélögin

Landhelgisgæslan á að kaupa eldsneyti af Skeljungi og getur gert það í Reykjavík, á Austfjörðum og í Færeyjum. Þetta er í samræmi við rammasamning um eldsneytiskaup Landhelgisgæslunnar, Hafrannnsóknastofnunar og Flugmálastjórnar sem tók gildi 1. nóvember.

Innlent 13.10.2005 18:51

Ráðinn forstjóri Húsasmiðjunnar

Steinn Logi Björnsson, framkvæmdastjóri markaðs-og sölusviðs Flugleiða eða Icelandair, hefur verið ráðinn forstjóri Húsasmiðjunnar í stað Árna Haukssonar. Steinn Logi hefur störf 11. mars næstkomandi. Hann segist hlakka til að takast á við nýja starfið og segir fyrirtækið öflugt og eigendur þess metnaðarfulla.

Viðskipti innlent 13.10.2005 18:51

Samkeppnisstofnun varaði við sölu

Samkeppnisstofnun varaði við áhrifum af sölu grunnnets Landssímans fyrir fjórum árum. Stofnunin taldi það hafa alvarlegar afleiðingar ef ekki yrði gripið til hliðaraðgerða vegna símasölunnar.

Innlent 13.10.2005 18:51

Umsóknin ekki dregin til baka

Breska verslanakeðjan Iceland hefur ekki enn dregið umsókn sína til baka um einkaleyfi á orðinu Iceland í löndum Evrópusambandsins. Stjórnarformaður Iceland segir að það verði gert en lögmaður íslenskra hagsmunaaðila segist ekki hafa fengið staðfestingu á þessu hjá fyrirtækinu, þó svo að eftir því hafi verið leitað.

Innlent 13.10.2005 18:51

Fossett setti heimsmet

Auðkýfingurinn Steve Fossett setti heimsmet í gærkvöld þegar hann varð fyrsti maðurinn til að fljúga hnattflug einsamall, viðstöðulaust og án millilendingar eða eldsneytisáfyllingar. Richard Branson, stofnandi Virgin-samsteypunnar og félagi Fossetts í ævintýramennskunni, fjármagnaði flugið.

Erlent 13.10.2005 18:51

18 mánaða börn greind einhverf

Hægt er að greina einhverfu í börnum allt niður í átján mánaða aldur. Einn helsti sérfræðingur heims á þessu sviði segir það skipta gríðarlegu máli að börnin greinist sem fyrst. 

Innlent 13.10.2005 18:51

Fossett að takast ætlunarverkið

Búist er við að flugkappinn og skátinn Steve Fossett lendi í Kansas í Bandaríkjunum eftir stutta stund. Takist það verður hann fyrstur manna til að fljúga einn í kringum hnöttinn án þess að millilenda.

Erlent 13.10.2005 18:51

Mjöll Frigg uppfyllir skilyrði

Klórverksmiðja Mjallar Friggjar á Akureyri uppfyllir í grunnatriðum kröfur og skilyrði sem sett eru, segir Alfreð Schiöth, sviðstjóri mengunarvarnasviðs Heilbrigðiseftirlits Norðurlands eystra. Verksmiðjan hefur verið flutt frá Kópavogi, þar sem ekki fékkst starfsleyfi, til Akureyrar.

Innlent 13.10.2005 18:51

Birgðir af strimlum uppi í skáp

Þess hafa verið dæmi að einstaklingar ættu margra mánaða birgðir af blóðstrimlum uppi í skápum hjá sér áður en Tryggingastofnun breytti reglugerð um hjálpartæki 1. desember, að sögn Þuríðar Björnsdóttur, formanns Samtaka sykursjúkra.

Innlent 13.10.2005 18:51

Margar hugmyndir um miðbæinn

Metþátttaka var í hugmyndasamkeppni um miðbæ Akureyrar, „Akureyri í öndvegi“. Hundrað og fjörutíu tillögur bárust víðsvegar að úr heiminum sem er mun meiri þátttaka en búist var við.

Innlent 13.10.2005 18:51

Fyrsta skrefið en ekki það stærsta

Fyrsta skrefið en alls ekki það stærsta. Þannig líta stuðningsmenn Evrópusambandsins á samþykkt Spánverja á stjórnarskrá sambandsins í síðustu viku. Í tíu löndum til viðbótar fær almenningur að kjósa um stjórnarskrána og í mörgum þeirra bregður til beggja vona.

Erlent 13.10.2005 18:51

Veitt var í þrjá daga

Dragnótaveiðum Sólborgar á veiðsvæðinu milli Hríseyjarvita og Hjalteyrar í Eyjafirði er lokið, þrátt fyrir að enn sé einn og hálfur mánuður þar til leyfi sjávarútvegráðuneytis til fyrirtækisins rennur út.

Innlent 13.10.2005 18:51

Þyngstu refsingar krafist

Í dag hefst í Héraðsdómi Reykjavíkur aðalmeðferð í máli ríkissaksóknara gegn Hákoni Eydal, banamanni Sri Rahmawati. Ákært er fyrir manndráp af ásetningi og krafist þyngstu refsingar sem íslensk lög leyfa. Enn fremur verður gerð krafa um 22 milljónir í skaðabætur fyrir þrjú börn Sri.

Innlent 13.10.2005 18:51

Dýrasta hús Bretlands til sölu

Dýrasta hús Bretlands er til sölu. Húsið heitir Updown Court og er rétt utan við London í nágrenni við heimili Elísabetar Englandsdrottningar og Elton John. Húsið er 103 herbergja, með hesthúsi, kvikmyndasal, keilubraut, tennisvelli, fimm sundlaugum, þyrlupalli, bílskúr sem rúmar átta stóra fólksbíla og upphitaða innkeyrslu úr marmara.

Erlent 13.10.2005 18:51

200 námsmannaíbúðir í Grafarholti

Borgarráð samþykkti í dag að úthluta Byggingafélagi námsmanna lóðum undir allt að 200 námsmannaíbúðir við Klausturstíg og Kapellustíg í Grafarholti. Í fréttatilkynningu frá aðstoðarmanni borgarstjóra kemur fram að framkvæmdir við þessar íbúðir hefjist fljótlega.

Innlent 13.10.2005 18:51

Afhending vegabréfsins vandasöm

Það að Fischer hafi ekki fengið vegabréfið íslenska afhent á sér eðlilegar skýringar segir Davíð Oddsson utanríkisráðherra. Hann segir að kannað hafi verið hvort starfsmaður íslenska sendiráðsins í Japan gæti komið vegabréfinu til Fischers en þá verið bent á að erlendir sendifulltrúar hefðu ekki leyfi til að hafa samskipti við „landlausa“ menn í þessum búðum sem skákmeistarinn er í.

Innlent 13.10.2005 18:51

Samskip orðið stærra en Eimskip

Samskip er orðið stærra en Eimskip. Í dag var tilkynnt um kaup Samskipa á hollenska skipafélaginu Geest.

Innlent 13.10.2005 18:51

Umhverfis jörðina í einum rykk

Milljónamæringurinn Steve Fossett heldur ótrauður áfram leiðangri sínum umhverfis jörðina, þrátt fyrir að hafa misst rúmlega eitt tonn af eldsneyti skömmu eftir flugtak. Takist Fossett að klára ferðina verður hann fyrstur allra til þess að fara einn síns liðs umhverfis hnöttinn án millilendingar.

Erlent 13.10.2005 18:51

Afhending vegabréfsins vandasöm

Það að Fischer hafi ekki fengið vegabréfið íslenska afhent á sér eðlilegar skýringar segir Davíð Oddsson utanríkisráðherra. Hann segir að kannað hafi verið hvort starfsmaður íslenska sendiráðsins í Japan gæti komið vegabréfinu til Fischers.

Innlent 13.10.2005 18:51

Flugmálastjórn nýtur 75% trausts

Flugmálastjórn Íslands nýtur trausts tæplega 75 prósenta þjóðarinnar samkvæmt skoðanakönnun Gallups. Háskóli Íslands nýtur ein opinberra stofnana meira trausts en Flugmálastjórn, af þeim stofnunum sem Gallup kannaði.

Innlent 13.10.2005 18:51

Samskip orðið stærra en Eimskip

Samskip er orðið stærra en Eimskip. Í dag var tilkynnt um kaup Samskipa á hollenska skipafélaginu Geest.

Innlent 13.10.2005 18:51

Gæslan siglir framhjá sköttunum

Landhelgisgæslan keypti alla sína skipagasolíu í Færeyjum í fyrra og losnaði með því við greiðslu opinberra gjalda innanlands. Tollstjórinn í Reykjavík segir að þetta sé í lagi meðan olían sé ekki flutt milli skipa. Forstjórinn segir að olía hafi verið flutt milli skipa.

Innlent 13.10.2005 18:51

Hæstiréttur felldi niður refsingu

Hæstiréttur felldi niður refsingu gegn manni sem hafði, að mati héraðsdóms, gerst sekur um alvarlega líkamsárás. Með þessu snéri Hæstiréttur við dómi Héraðsdóms Reykjaness sem hafði dæmt manninn í 30 daga skilorðsbundið fangelsi.

Innlent 13.10.2005 18:51

Opnað fyrir skil vefframtala

Opnað hefur verið fyrir skil vefframtala á Netinu. Í fyrra skiluðu 82% einstaklinga hér á landi framtali sínu með þeim hætti sem er hæsta hlutfall innan OECD. Frestur til að skila skattframtölum rennur út 21. mars næstkomandi en hægt er að sækja um frest og fá öðrum degi úthlutað.

Innlent 13.10.2005 18:51

Eldklerkur dæmdur

Dómstóll í Indónesíu dæmdi í gær múslimaklerkinn Abu Bakar Bashir í tveggja og hálfs árs fangelsi fyrir aðild hans að sprengjuárásinni á Balí haustið 2002. Bashir var hins vegar sýknaður af alvarlegri ákærum, til dæmis að hafa fyrirskipað árásirnar.

Erlent 13.10.2005 18:51

Fischer er í einangrun

Hvorki Sæmundur Pálsson né Miyoko Watai fengu að hitta skákmeistarann Bobby Fischer í gær. Fischer er í einangrun og fær hvorki heimsóknir né að taka við símtölum.

Innlent 13.10.2005 18:51

Fimm látnir og fimm særðir

Tvær bílsprengjur sprungu nærri innanríkisráðuneyti Íraks í morgun með þeim afleiðingum að fimm lögreglumenn létu lífið. Þá særðust að minnsta kosti fimm lögreglumenn til viðbótar í árásinni.

Erlent 13.10.2005 18:51

Reynir Baugur yfirtöku að nýju?

Baugur er talinn líklegur til að reyna nýja leið til að yfirtaka bresku matvælakeðjuna Somerfield Plc. samkvæmt heimildamanni Reuters-fréttastofunnar. Þar er ekki endilega átt við að hærra tilboð verði gert í keðjuna en það sem gert var í febrúar þegar Baugur bauð 190 pens á hlut.

Viðskipti innlent 13.10.2005 18:51

1500 bandarískir hermenn fallnir

Mannfall í Írak vex dag frá degi en fimmtán hundruðasti bandaríski hermaðurinn týndi þar lífi í gær. Tífalt fleiri óbreyttir borgarar hafa þó dáið síðan innrásin var gerð á sínum tíma.

Erlent 13.10.2005 18:51