Tískuhúsið Prada vill skrá sig á markað

Ítalska tískuhúsið Prada vill skrá sig á markað í Hong Kong í júlí næstkomandi. Þetta hefur Bloomberg fréttaveitan eftir heimildarmönnum.

Mikil verðhækkun á olíu í dag

Mikil verðhækkun hefur orðið á heimsmarkaðsverði á olíu í dag. Tunnan af Brent olíu hefur hækkað um 2 dollara frá því í morgun og er komin í 117,25 dollara. Þetta er 1,8% hækkun innan dagsins.

Fokið í skattaskjól á Seychelleseyjum

Norrænu ríkin, þ.e. Ísland, Danmörk, Finnland, Noregur og Svíþjóð auk Færeyja og Grænlands undirrituðu í vkunni samkomulag við yfirvöld á Seychelleseyjum um skipti á skattaupplýsingum. Samkomulagið er enn einn áfanginn í viðamiklu starfi á vegum Norrænu ráðherranefndarinnar til að sporna gegn skattaflótta til annarra landa.

Hæsta hótel í heimi opnar í Hong Kong

Hinn 118 hæða hái turn í Hong Kong, International Commerce Center, hefur tilkynnt að búið sé að opna hótel á 16 efstu hæðum turnsins. Um er að ræða Ritz-Carlton hótelið og er það þar með orðið að hæsta hóteli heimsins.

Skortur á íslenskum fiski á Grimsby markaðinum

Fiskkaupendur í Bretlandi hafa nú vaxandi áhyggjur af skorti á íslenskum fiski á fiskmarkaðinum í Grimsby. Um er að ræða stærsta fiskmarkað Bretlandseyja en um 75% af fiskinum þar hefur komið frá Íslandi.

Viðskipti með hluti í írskum bönkum stöðvuð

Búið er að taka ákvörðun um að stöðva viðskipti með hluti í bönkunum Bank of Ireland og Allied Irsh Bank á markaðinum í Dublin í dag. Þetta kemur fram í tilkynningu frá seðlabanka landsins. Eftir lokun markaðarins í dag verða birtar niðurstöður álagsprófa á írsku bankana.

Viðræðum um kaupin á All Saints slitið

Viðræðum um kaupin á bresku tískukeðjunni All Saints hefur verið slitið. Skilanefndir Kaupþings og Glitnis hafa átt í þessum viðræðum við fjárfestingarfélagið M1 Group og Rchard Sharp fyrrum starfsmann Goldman Sachs.

Spánverjar vilja framseljanlegan kvóta

Samtök spænskra útgerðarmanna (CEPESCA) telja að framtíðarfyrirkomulag fiskveiðistjórnunar innan Evrópusambandsins muni byggjast á framseljanlegum aflaheimildum í samræmi við reglur innri markaðar sambandsins.

Allir írsku bankarnir gætu endað í ríkiseigu

Írsk stjórnvöld gætu neyðst til þess að taka yfir ráðandi hlut í Bank of Ireland og Irsh Life & Permanent í kjölfar birtingar á álagsprófunum á írsku bönkunum eftir lokun markaða á morgun. Þar með væru írsk stjórnvöld komin með ráðandi hlut í öllum innlendum bönkum Írlands.

Kjarnorkuslys veldur þangkreppu í sushigerð

Kjarnorkuslysið í Fukushima í Japan er farið að hafa áhrif á sushigerð víða um heiminn. Innflytjendur eru farnir að segja nei takk við soja, þangi, wasabi og grænmeti frá Japan. Í staðinn getur almenningur og matvælafyrirtæki utan Japan vænst þess að fá lélegri eftirlíkingar frá Kína til sushigerðar.

Leituðu í höfuðstöðvum Banque Havilland

Menn frá sérstökum saksóknara, efnahagsbrotadeild bresku lögreglunnar (SFO) og lögreglunni í Lúxemborg leituðu í höfuðstöðvum Banque Havilland í Lúxemborg í morgun. Þetta kemur fram í tilkynningu sem Banque Havilland hefur sent frá sér.

Pólverjar selja hluta af erfðasilfri sínu

Pólsk stjórnvöld hafa ákveðið að selja hluta af eign sinni í PKO Bank Polski bankanum en hann er stærsti banki Austur-Evrópu sem er alfarið í eigu innlendra aðila.

Buffett varar við Facebook bólu

Ofurfjárfestirinn Warren Buffett varar við því að samskiptasíður á borð við Facebook séu verðmetnar alltof hátt og að viðskipti með hluti í þeim gæti orðið næsta bóla á markaðinum.

Ekkert lát á verðhækkunum á kaffibaunum

Ekkert lát er á verðhækkunum á kaffibaunum á hrávörumörkuðum heimsins. Verðið hefur nær tvöfaldast á liðnu ári og ekki er útlit fyrir annað en að verðið eigi enn eftir að hækka töluvert.

Meira líf í bandarísku efnahagslífi en talið var

Meira líf reyndist í bandarísku efnahagslífi en búist var við í fyrra. Hagvöxtur mældist 3,1 prósent á fjórða ársfjórðungi, sem er 0,3 prósentustigum meira en vænst var, og hagvöxtur á árinu öllu nam 2,9 prósentum.

Klámfengin forn vasaúr undir hamarinn

Maður nokkur í Sviss hefur sett lífsverk sitt á uppboð en hans helsta ástríða var að safna klámfengnum vasaúrum frá 17. og 18. öld. Úrasafn þetta verður boðið upp á vegum Antiquorum í Genf sem sérhæfir sig í sölu á fágætum og verðmætum úrum.

Methagnaður hjá Danfoss í Danmörku

Methagnaður varð hjá iðnaðarfyrirtækinu Danfoss í Danmörku á síðasta ári. Hagnaðurinn nam tæpum 3,3 milljörðum danskra kr. eða um 66 milljörðum kr. Til samanburðar nam tapið hjá Danfoss árið áður tæpum 1,5 milljörðum danskra kr.

Danskur einstaklingur á að baki 101 gjaldþrot

Danskur einstaklingur á að baki 101 gjaldþrot í Danmörku á síðustu tíu árum. Þrjár persónur hafa hver um sig á undanförnum tíu árum verið stjórnendur í tæplega 40 félögum/fyrirtækjum sem orðið hafa gjaldþrota í Danmörku. Tæplega 430 persónur hafa hver um sig verið stjórnendur eða forstjórar í fimm félögum sem orðið hafa gjaldþrota á síðustu tíu árum.

Dönsk ríkisskuldabréf seljast eins og heitar lummur

Samkvæmt nýjum upplýsingum frá Nationalbanken, danska seðlabankanum, keyptu erlendir fjárfestar dönsk ríkisskuldabréf fyrir 21 milljarð danskra kr. í febrúar s.l. Þar með eiga útlendingar nú um 321 milljarð danskra kr., eða tæplega 6.500 milljarða kr., í dönskum ríkisskuldabréfum.

Óttinn eykur eftirspurn eftir dómsdagsíbúðum

Óttinn er orðinn að miklum viðskiptatækifærum í Bandaríkjunum. Þeir sem framleiða svokallaðar dómsdagsíbúðir anna ekki eftirspurn eftir þeim þessa dagana.

Danskir lífeyrissjóðir kaupa vind fyrir 120 milljarða

Tveir danskir lífeyrissjóðir hafa keypt helminginn vindmyllugarðinum Anholt Havmöllepark af DONG Energy, hinu opinbera orkufyrirtæki Dana. Verðið er 6 milljarðar danskra kr. eða rúmlega 120 milljarðar kr. Um er að ræða stærstu einstöku fjárfestingu danskra lífeyrissjóða hingað til.

Kjell Inge Røkke hvetur til meiri olíuleitar við Noreg

Aðaleigandi Aker Exploration, Kjell Inge Røkke, sem sótti um að fá að leita að olíu á íslenska Drekasvæðinu fyrir tveimur árum, segir að stórauka verði olíuleit við Noreg.

Solomon er nýtt andlit Iceland

Stacey Solomon er nýtt andlit Iceland matvörukeðjunnar. Solomon er fyrrverandi keppandi í X Factor og komst í úrslit árið 2009. Hún mun á næstunni birtast í fjölda auglýsinga á vegum Iceland.

Bretar lækka bensínskattinn og breyta fyrirkomulaginu

Bíleigendur í Bretlandi fengu góðar fregnir í gær þegar tilkynnt var um skattalækkun á eldsneyti. Fjármálaráðherrann George Osborne kynnti fjárlög næsta árs í breska þinginu í gær þar sem hann greindi frá þeirri ákvörðun sinni að lækka skattinn sem nemur einu pensi á lítrann eða um 1,8 krónur íslenskar.

Hættur að rannsaka Kaupþing

Mick Randall, yfirmaður hjá efnahagsbrotadeild bresku lögreglunnar, SFO, sem stýrir rannsókninni á hruni Kaupþings hefur sagt upp störfum. Þetta kemur fram á fréttavef Financial Times. Einungis tvær vikur eru síðan Randall stýrði handtökum á bræðrunum Robert og Vincent Tchenguiz og fimm öðrum mönnum í Bretlandi í þágu rannsóknar málsins.

Lýst eftir lukkupeningi Jóakims frænda

Iðnaðarsafn Danmerkur í Horsens leitar nú með logandi ljósi að eintaki af lukkupeningi Jóakims frænda frá Andabæ. Hefur safnið raunar lýst eftir slíkum peningi vegna sýningar sem er framundan á safninu.

Líbíumenn eiga 180 milljarða geymda í Svíþjóð

Muammar Gaddafi, einræðisherra í Líbíu, og samverkamenn hans eiga um 10 milljarða sænskra króna geymda í Svíþjóð. Stjórnvöld þar hafa fryst eignirnar á grundvelli Evróputilskipunar. Enn er hart barist í Líbíu þrátt fyrir flugbannið sem sett var fyrir helgi.

Michelin heiðrar danska smurbrauðsstofu

Michelin bókin, biblía allra matarunnenda, er loksins komin á bragðið hvað danskt smurbrauð verðar. Í nýjustu útgáfu Michelin er danska smurbrauðsstofan Restaurant Schönnenmanns sérstaklega heiðruð með lofsamlegri umfjöllun.

Tjónið í Japan metið á 35.000 milljarða

Samkvæmt nýju mati japanskra stjórnvalda er tjónið vegna náttúruhamfaranna þar í landi nú metið á allt að 35.000 milljarða kr. eða sem samsvarar landsframleiðslu Íslands í 200 ár.

Netið dælir milljörðum í danska hagkerfið

Netið spilar orðið stórt hlutverk í danska hagkerfinu. Útreikningar benda til að netið leggi hagkerfinu til um 98 milljarða danskra kr., eða um 2.000 milljarða kr., á hverju ári eða sem nemur 5,8% af landsframleiðslu landsins.

Irma skilar besta uppgjöri í 124 ár

Danska dagvörukeðjan Irma skilaði besta ársuppgjöri sínu, fyrir árið í fyrra, í 124 ára gamalli sögu sinni. Hagnaður af rekstrinum nam tæpum 80 milljónum danskra kr. eða um tæpum 1,6 milljarði kr. af veltu sem nam 2,2 milljörðum danskra kr.

FIH var peningabaukur fyrir milljarðaklúbbinn

Meðan að FIH bankinn í Danmörku var í íslenskri eigu virðist bankinn hafa virkað sem peningabaukur fyrir áhættufjárfestingar á vegum manna sem almennt gengu undir nafninu Milljarðamæringaklúbburinn. Þessir menn eru flestir orðnir gjaldþrota í dag eða á leið í þá stöðu.

Kröftug uppsveifla á markaðinum í Tókýó

Kröftug uppsveifla varð á hlutabréfamarkaðinum í Tókýó í nótt en Nikkei vísitalan hækkaði um tæp 4,4%. Þetta er þriðji dagurinn í röð sem hlutabréf hækka í verði á markaðinum.

Gaddafi situr ofan á gullfjalli

Þrátt fyrir að alþjóðasamfélagið hafi skorið Muammar Gaddafi og stjórn hans í Líbíu frá fjármunum sínum erlendis og fryst bankareikninga hefur Gaddafi enn aðgang að miklum fjármunum heima fyrir enda má segja að hann sitji á gullfjalli. Með því getur hann fjármagnað her sinn og málaliða jafnvel árum saman.

Roman Abramovich elskar stangarstökk

Milljarðamæringurinn Roman Abramovich er þekktur fyrir áhuga sinn á fótbolta en hann er eigandi enska úrvalsdeildarliðsins Chelsea. Abramovich virðist einnig elska stangarstökk og aðrar frjálsíþróttagreinar.

Könnun: Stóriðja ekki brýnasta atvinnumálið

Í nýrri netkönnun sem Miðlun ehf. hefur unnið kemur fram að almenningur telur ekki að stóriðja sé það brýnasta í atvinnumálum Íslendinga. Í fyrsta sæti er uppbygging á innlendum iðnaði (30,8%), í öðru sæti er aukinn stuðningur við nýsköpunarfyrirtæki (18,1%) og í þriðja sæti er samkomulag um starfsumhverfi sjávarútvegsins (14,7%).

Vikutilboð í Netto: Geimferð fyrir 10 milljónir

Tilboðabæklingur verslunarkeðjunnar Netto í Danmörku fyrir þessa viku er með nokkuð óvenjulegu sniði. Á milli auglýsinga um að kassinn af dósaöli sé á tæpar 80 danskra kr. og stór flaska af gosdrykkjum á 12 kr. danskar er að finna tilboð um geimferð á rúmlega hálfa milljón danskra kr. eða rúmlega 10 milljónir kr.

Yfir 600.000 Danir þreyttir á vinnu sinni

Samkvæmt nýrri könnun sem YouGov hefur gert fyrir danska blaðið metroXpress eru yfir 600.000 Danir orðnir þreyttir á þeirri vinnu sem þeir stunda og vilja skipta um starf.

AGS óttast nýja kreppu á Vesturlöndunum

Alþjóðagjaldeyrissjóðurinn (AGS) óttast að ný fjármálakreppa skelli bráðlega á Vesturlöndunum ef ekki verður gripið strax í taumanna. Það eru gríðarlegar opinberar skuldir þróuðustu ríkja heims sem valda ótta AGS en í fyrsta sinn í sögunni frá lokum seinni heimsstyrjaldarinnar eru þessar skuldir að meðaltali orðnar yfir 100% af landsframleiðslu þessara ríkja.

Buffett sér mikil tækifæri á japanska hlutabréfamarkaðinum

Ofurfjárfestirinn Warren Buffett sér nú mikil tækifæri á japanska hlutabréfamarkaðinum sem tekið hefur mikla dýfu síðan að náttúruhamfarirnar skullu á landinu fyrir rúmlega viku síðan.

Morrison að skoða kaup á Iceland Foods

Financial Times greinir frá því á vefsíðu sinni að William Morrison Supermarkets hafi áhuga á að skoða kaup á verslunarkeðjunni Iceland Foods sem er að mestu í eigu Landsbankans og Glitnis.

Heimsmarkaðsverð á olíu fer aftur hækkandi

Heimsmarkaðsverð á olíu fer nú aftur hækkandi í kjölfar loftárása bandamanna á skotmörk í Líbíu yfir helgina. Verðið á Brent olíunni hefur hækkað um rúm 2% í morgun og stendur í rétt tæpum 116 dollurum á tunnuna.

Meðalverð á hótelgistingu hækkar í fyrsta sinn síðan 2007

Verð á hótelgistingu í heiminum hækkaði um 2% að meðaltali á síðasta ári. Þetta kemur fram á vefsíðunni hotel.com en þar segir að þetta sé fyrsta árið síðan 2007 að hótelgisting hækkar í verði.

Hafa sett þak á íbúðalánin

Mágur Tchenguizbræðra flæktur í Kaupþingsmálið

Viðskiptajöfurinn Vivian Imerman, mágur Tchenguiz bræðranna, hefur dregist inn í rannsókn efnahagsbrotadeildar bresku lögreglunnar á viðskiptum bræðranna við Kaupþing.