Fleiri fréttir

Speisað vinnuspeis

Í myndasafni má sjá myndir, líkan og teikningar af skrifstofuhúsnæði sem er staðsett í Shanghai í Kína. Hönnunin er eftir Taranta arkítekta. Vinnustöðvarnar eru skemmtilega hannaðar með það í huga að efla sköpun á meðal starfsmanna. Á neðri hæð skrifstofunnar má sjá loftið falla niður í mitt rýmið líkt og um stóran vatnsdropa væri að ræða. Þá er gólfið á efri hæðinni nýtt sem skrifstofuborð eins og sjá má hér.

Naomi Campbell hannar gallabuxnalínu

Ofurfyrirsætan Naomi Campbell hefur verið fengin til að hanna gallabuxnalínu fyrir ítalska tískumerkið Fiorucci. Sögur herma að línan verði frumsýnd á herratískuvikunni í Mílanó sem fram fer um þessar mundir.

Lampi í anda Eyjafjallajökuls

"Þegar Eyjafjallajökull og öskuskýið tóku yfir fréttatímann og dagblöðin í heiminum í fyrra heillaðist ég af myndunum sem birtust og þaðan kom hugmyndin að lampanum," segir Mia E. Göransson, sænskur leirhönnuður sem hefur hannað lampa sem ber nafnið Eyjafjallajökull.

Hvítt heltekur Hollywood

Meðfylgjandi myndir sýna að Hollywoodstjörnurnar eru hrifnar af skjannahvítum kjólum. Sjáðu Kim Kardashian, Carrie Underwood, Kate Middleton, Lucy Liu, Evu Longoria og fleiri í myndasafni.

Spennandi tækifæri

Herborg Eðvaldsdóttir er á leið í starfsnám í postulínsverksmiðjunni Kahla í Þýskalandi. „Þetta verður skemmtileg upplifun,“ segir Herborg Eðvaldsdóttir en tilkynnt var um valið á alþjóðlegu sýningunni DMY í Berlín á dögunum, þar sem sjö nemendur skólans sýndu verk sín.

Dýrgripir úr ólíkum þræði

Sýningin Þræðir var opnuð á þjóðhátíðardaginn í Sparki á Klapparstíg 33. Þar mætast tvær kynslóðir sem fást við skartgripagerð á ólíkan hátt en þó eiga þær margt sameiginlegt.

Sundlaugin kallar á mann

Sundlaugin við húsið sem staðsett er í Ástralíu kallar svo sannarlega á mann. Húsið, sem er hannað af arkitektum sem kalla sig Vibe Design Group, er sérstak í útliti eins og sjá má í myndasafni en lögð var áhersla á að birtan fengi að njóta sín og að allar hliðar hússins myndu gleðja íbúa þess þegar kemur að útliti og notagildi.

Kaupendur hanna fötin

Fyrsti íslenski internetklæðskerinn sem sérhæfir sig í sérsaumuðum og sérhönnuðum jakkafötum á karlmenn og drögtum á konur hefur hafið rekstur. Áætluð er útrás til Skandinavíu og Bretlands.

Kaðlar og krúsidúllur

Tískuvikunni í Sao Paulo lauk á dögunum en þar mátti sjá kvenleg snið og múlbundnar fyrirsætur.

Klikkað útsýni í strandhúsi

Litagleðin er allsráðandi í skemmtilegu strandhúsi sem staðsett er í Perú eftir Longhi arkitekta eins og sjá má í myndasafni. Ekki spillir útsýnið fyrir stemningunni í svefnherberginu. Skoða egglaga hús á stærð við hjóhýsi hér.

Barnvænt hús í Belgíu

DmvA arkítektar hönnuðu húsið sem skoða má í meðfylgjandi myndasafni. Húsið, sem er í Belgíu, var teiknað fyrir fjölskyldufólk sem lagði ríka áherslu að húsið væri barnvænt og að umferðin fyrir utan húsið hyrfi um leið og stigið væri inn í það. Garðurinn snýr ekki að götunni og það á einnig við um svefnherbergin og stofuna.

Litaðar gallabuxur rokka

Meðfylgjandi má m.a. sjá myndir af Hollywoodstjörnum eins og Kylie Minogue, Siennu Miller, Hayden Panettiere, Hilary Duff og Khloe Kardashian sem allar eiga það sameiginlegt að ganga í lituðum gallabuxum í sumar. Skoða buxurnar betur í meðfylgjandi myndskeiði.

Gaman að byrja svona vel

Emilía Borgþórsdóttir iðnhönnuður hlaut gullverðlaun á stærstu húsgagnasýningu Bandaríkjanna, NeoCon, sem haldin er árlega í Chicago. Verðlaunin þykja mikill heiður og reynist mörgum stökkpallur í fremstu línu hönnuða á heimsvísu. Emilía fékk verðlaun í flokki sófaborða en sérstaka athygli vekur ytra að fyrsta vara hönnuðar, eins og raunin er með borð hennar, hljóti svo stóra viðurkenningu.

Þetta er almennileg lofthæð

Meðfylgjandi má skoða myndir af húsi í Tokyo í Japan hannað af Ikimono arkitektum. Við hönnun hússins, sem líkist helst skemmu, var lögð áhersla á mikla lofthæð og endalaust rými sem lætur íbúum hússins líða eins og þeir séu staddir úti en ekki inni. Ryðfrítt stál er aðaluppistaða hússins eins og sjá má á myndunum.

Lela Rose - haust 2011

Fatahönnuðurinn Lela Rose fékk hugmyndina að munstrinu sem hún notar í haustlínunni sinni fyrir árið 2011, sem skoða má í myndasafni, á listasýningu þýska listamannins Gerhard Richter í Chicago. Sjá haustlínu Lelu í meðfylgjandi myndasafni.

Kalt hús í steikjandi hitanum

Meðfylgjandi má sjá glæsilegt hús í Aigina í Grikklandi hannað af arkitektinum Helen Sfakianaki. Eins og sjá má í myndasafni kjósa íbúar hússins að kæla sig niður í miðhlutanum, eða öllu heldur í skugganum þar sem gluggar hússins eru færanlegir. Bæði lag og útlit hússins harmonerar afskaplega vel við hlýtt loftslagið og fagurblátt hafið. Sjá myndir hér.

Hrá steypan nýtur sín þarna

Meðfylgjandi má skoða hús í Schliersee í Þýskalandi. Við byggingu hússins var lögð rík áhersla á einfaldleikann. Eins og sjá má er flæðið gott í húsnæðinu þar sem viðurinn mætir steypunni á ljómandi fallegan hátt.

Mjúkar og léttar línur að sunnan

Tískuvikan í Ástralíu var haldin hátíðleg fyrstu vikuna í maí og var margt fallegt að sjá á tískupöllunum þar eins og myndirnar bera vitni um. Forvitnilegt er að fylgjast með tískustraumunum sem þar ríkja og eru ástralskir hönnuðir engir eftirbátar þeirra frönsku eða ítölsku.

Klikkað kaffihús

Mocha – Mojo er kaffihús í Chennai á Indlandi eftir Mancini arkítekta þar sem húsgögn staðarins eru að mestu dýnur og púðar. Kaffihúsið er ævintýralegt, eins og sjá má í myndasafni, nánast í líkingu við Legoland. Áhersla var lögð á að skapa þrívíddar umhverfi á staðnum sem heppnaðist líka svona afburða vel.

Stórar og ýktar augabrúnir eru málið

Stúlkur, fleygið plokkaranum og leyfið augabrúnunum að vaxa villtum. Á tískupöllunum í haust mátti víða sjá fyrirsætur bera ýktar og dökkar augabrúnir með sóma og eiga augabrúnirnar því að taka vaxtarkipp með gróðrinum í vor.

Gamlir gimsteinar í Nostalgíu

Verslunin Nostalgía við Laugaveg hefur fyrst verslana tekið til sölu "vintage“ hönnunarflíkur og geta tískuunnendur nú fest kaup á kjólum frá Pucci og Yves Saint Laurent, skóm frá Prada, tösku frá Moschino og ýmsu öðru girnilegu.

Egglaga hús

Veggirnir í egglaga húsi, sem skoða má í meðfylgjandi myndasafni, eftir dmvA arkítekta, eru afskaplega vel nýttir. Sofa má í hliðum hússins, elda, vaska upp sem og geyma ýmsa hluti. Þá er einnig klósett í öðrum enda hússins. Húsið, sem er á stærð við hjólhýsi, má nota sem gestaherbergi, vinnustofu eða móttöku. Það er færanlegt hvert sem er.

Hvítt, hið nýja svart

Þrátt fyrir yfirvofandi litadýrð í sumartískunni verður hvíti liturinn einnig áberandi og hafa rómantískir kjólar, hvítar blúndur og gegnsæ pils sjaldan verið heitari.

Fjölskylduvænt hús þar sem sólin skín

Arkitektinn Bernando Rodrigues lagði ríka áherslu á að öllum fjölskyldumeðlimum liði vel í húsinu eftir hann sem skoða má í meðfylgjandi myndasafni. Húsið, sem er staðsett á Azore, eyjaklasa í Atlantshafi vestur af strönd Portúgals þar sem hlý sólin kemur upp í suðri og kaldur vindurinn blæs úr norðri, er skemmtilega hannað með tilliti til veðráttunnar þar sem börnin geta svo sannarlega unað sér vel á þakinu.

Sjá næstu 50 fréttir

Mest lesið