Á toppnum á topplausum

Það væri fúll bílasali sem ætti ekki alltaf flottan bíl og alltaf sama bílinn," segir Guðfinnur Halldórsson bílasölueigandi, sem hefur notið sín í botn í blíðunni undanfarið við að aka um á rauða blæjubílnum sínum af gerðinni Mercedes-Benz 500SL. "Það er aðeins ein bílategund í heiminum sem reglulega gaman er að keyra og það er Benz.

Söluhæsti BMW bíllinn frá upphafi

Þrátt fyrir að BMW þrjú línan sé komin á sjöunda framleiðsluár er hún enn að seljast í Evrópu í svipuðu magni og á síðasta ári og er orðin söluhæsti bíll BMW frá upphafi. Sígild og sterk hönnun, góð tækni og frábærir aksturseiginleikar er meðal þess sem Helga Guðrún Jónasdóttir, kynningastjóri hjá B&L, telur skýra vinsældir bílsins.

Bílum fjölgar enn

Skráningum nýrra bíla hefur fjölgað um tæp 19 prósent það sem af er árinu og stefnir í töluverða aukningu á sölu bíla á árinu. Í fyrra voru skráðir rétt um 13.300 nýir bílar samanborið við um 8.500 bíla árið 2002.

Í efsta sæti gæðakönnunar

Hyundai Getz var í efsta sæti gæðakönnunar breska neytendablaðsins Which nýlega en hann var laus við bilanir þá tólf mánuði sem könnunin náði yfir. Fyrsta sætinu deildi Getz með Mazda 323, MG ZT/ZT-T, Toyota Corolla og Toyota Corolla Verso en allir þessir bílar reyndust líkt og Getz áreiðanlegastir með enga bilun.

Líður vel í Þingholtunum

Uppáhaldshúsið húsið hans Guðjóns Davíðs Karlssonar leiklistarnema, betur þekktur sem Gói, er húsið sem hann býr í á Bergstaðarstrætinu. "Mér finnst húsið mjög notalegt og þar er bara svo gott að vera, úti er góður garður og alltaf sól. Foreldrar mínir búa í þessu húsi og bý ég í kjallaranum og þangað niður kemur alltaf ljómandi góður ilmur úr eldhúsinu.

Flytja starfsemi annað

Fleiri fyrirtæki flytja nú starfsemi sína til landa í Austur-Evrópu og Asíu. Í þeim löndum komast þau upp með að ráða starfskraft á miklu lægri launum en í Svíþjóð. Lönd sem um er að ræða eru helst Indland, Kína, Tékkland og Pólland.

Iðnaðarmenn í bullandi atvinnu

Mér finnst ekki ganga nógu vel að fækka atvinnulausu fólki innan skrifstofu- og verslunargeirans og þar gengur enn margt fólk með tölvukunnáttu og reynslu í sölustarfsemi atvinnulaust," segir Jón Baldvinsson hjá Ráðningarþjónustunni á Háaleitisbraut.

Rósaleppaprjón í nýju ljósi

Í sumar hefur Hélene Magnússon unnið að verkefni um rósaleppaprjón en til þess fékk hún styrk frá Nýsköpunarsjóði námsmanna. Hélene er frönsk og hefur búið á Íslandi í sjö ár en í vor útskrifaðist hún frá Listaháskóla Íslands úr textíl- og hönnunardeild. "Ég tek íleppamynstrið, stækka það og nota í peysur, vettlinga og fleira.

Leiðsögn um landið dásamleg vinna

Ásta Þorleifsdóttir jarðfræðingur er ein þeirra mörgu sem hafa haft leiðsögn að aukastarfi og er nýkomin úr gönguferð um Viðey þegar við hittum hana. Þar hafði hún verið að uppfræða hóp af Íslendingum og segir ekkert síður þörf á góðri leiðsögn fyrir Íslendinga en útlendinga. "Ég hef leiðsagt talsvert fyrir Ferðafélag Íslands og fyrir 20 árum vissu þeir sem voru í hópnum oft miklu meira en ég en á tímabili breyttist það.

Hallur selur Loftkastalann

Kafla í íslenskri leiklistarsögu er lokið. Veldi Loftkastalamanna heyrir sögunni til en nýverið gekk Hallur Helgason frá sölu á leikhúsinu. Þrátt fyrir mikinn uppgang í byrjun hefur rekstur Loftkastalans staðið í járnum undanfarin ár.

Nauðsynlegar fyrir haustið

Þeir sem lagt hafa leið sína í Gallerí Reykjavík í Iðu-húsinu við Lækjargötu hafa eflaust tekið eftir skærlitum töskum úr þæfðri ull sem eru þar til sýnis. Þessar töskur eru nýlega komnar í galleríið og er hönnuður þeirra myndlistarkonan Jóhanna Helga Þorkelsdóttir.

Lazy Daisy plattinn leynivopn

"Lazy Daisy-plattinn minn er tvímælalaust mitt leynivopn í eldhúsinu en þetta er svona kringlóttur viðarplatti á snúningshjóli," segir Hrefna Hallgrímsdóttir leikkona. "Ég er ógeðslega léleg í eldhúsinu en alveg mögnuð í uppvaskinu, það er mín sérgrein. Plattann nota ég mikið og hann auðveldar heilmikið þegar kemur að uppvaskinu.

Eldhúshnífarnir þrír

Hnífar eru bráðnauðsynlegir í eldhúsið og það getur verið vandasamt að finna gæðahnífa á viðráðanlegu verði. Sem betur fer er nú komið í ljós að það þarf aðeins þrjár gerðir hnífa til að framkvæma allar helstu eldhúsaðgerðir.

Humar í sérstöku uppáhaldi

Elvu Ósk Ólafsdóttur leikkonu, finnst gaman að elda góðan mat og eru sjávarréttir í sérstöku uppáhaldi hjá henni. "Uppáhaldsmaturinn minn er að sjálfsögðu humar. Ég matreiði hann þannig að ég sker hann endilangan, fletti út og set á hann mikið af hvítlauks- og paprikusalti. Síðan snöggsteiki ég hann upp úr smjöri og helli síðan hvítvíni yfir hann og pínu rjóma.

Berin eru sprottin

Í kjölfar góðviðrisins sem hefur tröllriðið landinu þetta sumarið má búast við magnaðri berjasprettu í móum sveita og einnig á runnum bæjarbúa. Þegar er farið að glitta í ber og sást til þroskaðra bláberja og krækiberja á Norðurlandi um verslunarmannahelgina.

Moore gagnrýnir hótel í Kína

Fyrrverandi James Bond leikarinn, Sir Roger Moore, segir að hóteleigendur og skólar í Peking, ættu að skammast sín fyrir að taka ekki á móti 72 kínverskum börnum sem eru með alnæmi. Börnin voru að sækja þriggja daga sumarbúðir á vegum UNICEF

Guðdómlegar tilviljanir réðu för

Aðalsteinn Ásberg Sigurðsson, rithöfundur og tónlistarmaður, fór í óvænta ævintýraferð á dögunum. "Einn daginn þegar ég kom heim var konan mín búin að kaupa ferð handa okkur til Krítar í eina viku. Hún vissi sem var að mig hefur alltaf langað til Grikklands og gaf mér ekki færi á að væflast neitt heldur ákvað þetta bara.

Norskir og danskir dagar

Norskir dagar á Seyðisfirði eru haldnir um helgina en dagarnir eru haldnir í tengslum við fæðingardag Ottos Wathne, föður Seyðisfjarðar. Áhersla verður á tengslin við Noreg ásamt kynningu á norskri menningu. Tónlistarfólk verður í Bláu kirkjunni og víðar. Sútunarkonur frá Noregi sýna skinn og sútun, familifest, markaður, kertafleyting, ball og margt fleira.

Eitt af bestu sjávarsíðuhótelunum

Breska blaðið The Independent hefur valið Hótel Búðir á Snæfellsnesi sem eitt af fimm bestu sjávarsíðuhótelum í heimi. Í blaðinu er jöklasýn og allt umhverfi þess dásamað auk þess sem sagt er frá því að Jules Verne lét söguna Leyndardóma Snæfellsjökuls gerast á þessum slóðum. Þá er saga hótelsins rakin í stuttu máli og sagt frá því að það hafi verið byggt eftir að eldra hótel á sama stað brann og að þar sé að finna ljósmyndir frá 19. öld og glerlampa sem bjargað var úr eldinum í bland við nútímaleg húsgögn.

Lumar á ýmsu í fataskápnum

Ég luma nú á ýmsu í fataskápnum. Ég á hlébarðabuxur, sebrabuxur og latexbuxur, netaboli, Hawaiskyrtur og kúrekaskyrtur og fullt af jakkafötum svo eitthvað sé nefnt. Mér þykir mjög vænt um fötin mín," segir tónlistarmaðurinn Ceres4. "Mér er einstaklega annt um dýr í útrýmingarhættu og ég klæðist þessum fötum við sérstök tilefni," segir Ceres en hann verslar yfirleitt þessi "öðruvísi" föt erlendis

Fjölbreyttasta landslag í heimi

Íslendingum býðst að kynnast töfrum Nýja Sjálands í sérstakri hópferð frá ferðaskrifstofunni Úrval Útsýn sem stendur frá 15. október til 6. nóvember. Þetta mun vera fyrsta sérferðin sem farin er héðan til beggja eyja Nýja Sjálands og komið er við í Singapore á leiðinni út. Ferðin er skipulögð af Ara Trausta Guðmundssyni jarðeðlisfræðingi og Andy Dennis sem er nýsjálenskur og talar íslensku.

Alltaf heimabakað með kaffinu

Birna Hjaltalín Pálsdóttir rekur kaffihús og gistiheimili í Læknishúsinu á Hesteyri í Jökulfjörðum og hefur gert undanfarin ár en eins og margir vita er Hesteyri í eyði á öðrum árstímum. Birna er þekkt fyrir að hafa heimilislegt í kringum sig og eiga ávallt eitthvað heimabakað með kaffinu.

Undir bláhimni besta söluvaran

Hlutir sem minna á horfna tíma, eins og sauðskinnsskór og rósaleppar, vekja athygli í Upplýsingamiðstöð ferðamála í Varmahlíð í Skagafirði. Þar eru þeir innan um nýtískulegri muni af ýmsu tagi og þegar farið er að forvitnast kemur í ljós að það er handverkshópurinn Alþýðulist sem stendur að framleiðslunni.

Ólöglegar lýtaaðgerðir

Kona hefur verið handtekin í Atlanta í Bandaríkjunum fyrir að stunda lýtalækningar án lækningaleyfis en hún er sögð hafa sprautað sílikoni í brjóst og mjaðmir kvenna sem fastar eru í karlmannslíkama. Verna Barnett, 45 ára, sem var þekkt einungis af fyrra nafni sínu í hópi dragdrottninga og kynskiptinga sem voru viðskiptavinir hennar, framkvæmdi aðgerðirnar á heimili sínu í Norcross.

Leiðinlegast að bíða í biðröð

Sóley og Unnur Konráðsdætur eru átta ára tvíburar sem ganga í 3. bekk Laugarnesskóla í vetur. Kannski væri nær að segja hjóla því þær segjast ætla að nota hjólin sem farartæki í skólann.

Hagstæðasti sparnaður sem völ er á

Viðbótarlífeyrissparnaður er tiltölulega nýtt sparnaðarfyrirkomulag á Íslandi þar sem aðilar vinnumarkaðarins og yfirvöld hafa sameinast um ráðstöfun sem felur í sér mikilvæga kjarabót. Enn er löggjöf um viðbótarlífeyrissparnað smám saman að þróast og festast í sessi á vinnumarkaði og fólk að átta sig á möguleikunum sem felst í þeim sparnaði.

Bækur ganga manna á milli

Eftir samræmdu prófin í grunnskóla skiptast námsmennirnir oft í tvær þyrpingar; þeir sem halda áfram í skóla og þeir sem fara út á vinnumarkaðinn. Þeir sem ákveða að feta námsbrautina áfram þurfa allt í einu að hugsa um bókakaup. Áður en skólinn byrjar fá námsmenn bókalista í hönd og þá er vissara að drífa sig út á skiptibókamarkaði til að fá bækurnar sem ódýrastar

Börn skemmtilegri en áður

Börn sætta sig ekki lengur við að vera bara móttakendur og læra steinþegjandi þó að það hafi hentað okkur. Þetta er bara þróun en það er ekki hægt að segja að börnin hafi versnað. Ég mundi ekki taka undir það undir nokkrum kringumstæðum," segir Anna Sigríður Pétursdóttir, sem titluð er talkennari í símaskránni.

Ómissandi í skólann

Þegar valin er skólataska fyrir yngstu kynslóðina þá er mikilvægt að hún sé vel gerð svo hún valdi ekki barninu einhverjum óþægindum. Í Pennanum Eymundsson fást mjög góðar skólatöskur fyrir unga fólkið sem er að feta sín fyrstu spor á skólabrautinni.

Kenndi af mikilli innlifun

"Mér dettur strax í hug tveir fyrrverandi kennarar mínir, annars vegar Jón Böðvarsson sem kenndi mér sögu í Menntaskólanum við Hamrahlíð og hins vegar Rachel, leiklistakennari minn í San Diego í Kaliforníu þar sem ég var eitt sinn skiptinemi," segir Valgerður Matthíasdóttir, arkitekt og sjónvarpskona á Skjá einum, þegar hún er spurð út í eftirminnilegan kennara.

Fæ ferskt loft í lungun

"Ég hjóla mjög mikið. Ég hjóla alltaf í vinnuna þó að ég eigi bíl. Ég bara kýs að hjóla og mér finnst það mjög þægilegt. Þetta er góð hreyfing og ég fæ ferskt loft í lungun. Ég finn mikinn mun á mér síðan ég byrjaði að hjóla og er kominn með mjög gott þol," segir Steinarr Logi Nesheim, söngvari hljómsveitarinnar Kung Fu.

Of mikið af hinu góða

Getur maður gert of mikið af hinu góða? Ég fór að velta þessu fyrir mér og niðurstaða mín er sú að það fer eftir því hvað maður kallar hið góða. Ég veit um marga sem tala um "hið ljúfa líf" og eiga þá við áfengisdrykkju, stórar steikur, vindlareykingar og annað í þeim dúr.

Rösk ganga til heilsubótar

Í byrjun mánaðarins fór af stað kraftgönguhópur í Fossvoginum sem þau Guðmundur A. Jóhannsson og Fjóla Þorsteinsdóttir, einkaþjálfari og þolfimikennari, standa fyrir. Æfingar eru tvisvar í viku og stundar hver hópur þær fjórar vikur í senn.

Óð í gegnum úrslitin

Halldór Halldórsson, betur þekktur sem Dóri DNA, bar sigur úr býtum í Rímnastríðinu 2004. Hann skildi tvo andstæðinga eftir í valnum og óð í gegnum úrslitin en þar mætti hann sigurvegaranum frá því í fyrra, KJ.

Pink með flottasta sjóið á Íslandi

"Pink mætti til landsins í gærdag og fór þá beint upp á hótel til að slappa af og safna kröftum fyrir tónleikana í kvöld," segir Lilja Björk Jensen starfsmaður hjá L Promotion, fyrirtækinu sem flytur söngkonuna Pink til landsins, en sem kunnugt er verður Pink með tónleika í Laugardalshöllinni í kvöld.

McGregor í vísindaskáldsögu

Ewan McGregor mun að öllum líkindum fara með aðalhlutverkið í kvikmyndinni The Island. Um vísindaskáldsögu er að ræða sem verður leikstýrt af Michael Bay. Hann hefur áður leikstýrt stórmyndum á borð við Pearl Harbour og Armageddon.

Kravitz mesti hjartaknúsarinn

Tónlistarmaðurinn Lenny Kravitz hefur verið kjörinn mesti hjartaknúsarinn í Hollywood. Kravitz, sem er fertugur, hefur verið orðaður við margar stórstjörnur í gegnum tíðina, meðal annars Nicole Kidman, Kylie Minogue, Madonnu, Vanessu Paradis og Naomi Campell.

Miðasala á Van Morrison

Miðasala á tónleika Van Morrison í Laugardalshöll 2. október fer fram á heimasíðunum concert.is og esso.is og hefst á hádegi á sunnudag.

Friðrik Óperudraugnum

Friðrik Karlsson, fyrrum gítarleikari Mezzoforte, hefur lagt sitt að mörkum til að gera kvikmyndina The Phantom of the Opera að veruleika. Hann sér um gítarleikinn í kvikmyndinni en Friðrik hefur verið búsettur í London síðustu árin og tekist að koma ár sinni vel fyrir borð þar í landi

Matthías gestur bókmenntahátíðar

Matthías Johannessen er einn af gestum bókmenntahátíðarinnar í Edinborg þetta árið. Af því tilefni hefur bókin "New Journeys" verið gefin út en hún inniheldur úrval af ljóðum Matthíasar sem mörg hver hafa ekki enn komið út en það er Bernand Scudder sem þýðir ljóðin og velur í bókina.

Söngvarinn Rick James látinn

Bandaríski tónlistarmaðurinn Rick James lést í gær, 56 ára. Hann var þekktastur fyrir lagið "Super Freak", sem sló í gegn árið 1981. Rick James lést í svefni á heimili sínu, að því er virðist af eðlilegum orsökum.