KR-ingar í bikarúrslit í sextánda sinn - myndir

KR-ingar tryggðu sér sæti í bikarúrslitaleiknum með því að vinna 4-1 sigur á BÍ/Bolungarvík á Ísafirði í dag. KR-ingar eru þar með komnir í bikarúrslitaleikinn í þriðja sinn á síðustu fjórum tímabilum en þetta verður sextándi bikarúrslitaleikur A-liðs KR frá upphafi.

Chelsea gæti boðið í Luka Modric í þriðja sinn

Ron Gourlay, stjórnarformaður Chelsea, segir að félagið muni taka ákvörðun um það í vikunni hvort að þeir bjóði í þriðja sinn í Luka Modric hjá Tottenham eða gefi það alveg upp á bátinn að reyna að kaupa Króatann frá nágrönnum sínum.

Fyrsti bikar tímabilsins í húsi hjá Manchester City

Manchester City náði í fyrsta bikar tímabilsins í dag þegar liðið vann 3-0 sigur á ítalska liðinu Inter Milan í úrslitaleik Dublin-bikarsins. Mario Balotelli, Edin Dzeko og Adam Johnson voru á skotskónum í leiknum.

Forlan: Aguero hefði átt að fara til Chelsea

Úrúgvæmaðurinn Diego Forlan er á því að Sergio Aguero, fyrrum samherji hans hjá Atletico Madrid, hafi gert mistök með því að fara frekar til Manchester City en til Chelsea.

Henry gerði Arsenal grikk - Red Bulls vann mótið

Arsenal og New York Red Bulls skildu jöfn í Emirates-bikarnum í knattspyrnu í Lundúnum í dag. Lokatölurnar 1-1 en það var Thierry Henry sem var arkitektinn að jöfnunarmarki bandaríska liðsins skömmu fyrir leikslok.

Geir: Þetta eru mótherjar sem við eigum að geta ráðið við

Geir Þorsteinsson, formaður KSÍ, var í viðtali hjá Guðjóni Guðmundssyni í fréttum Stöðvar 2 í kvöld en Geir var í Ríó í Brasilíu í gær þegar dregið var í riðla í undankeppni HM 2014. Ísland lenti þar í riðli með Noregi, Slóveníu, Sviss, Albaníu og Kýpur en að flestra mati er þetta ekki mjög spenandi eða söluvænn riðill.

Rúnar: Bjarni, Viktor og Guðmundur Reynir fara ekki með til Tbilisi

Rúnar Kristinsson, þjálfari KR, kom KR-liðinu í bikarúrslitaleikinn annað árið í röð í kvöld þegar KR vann 4-1 sigur á BÍ/Bolungarvík í undanúrslitum Valitorsbikarsins á Ísafirði. KR-liðið vann 4-0 sigur á Fram undir hans stjórn í undanúrslitaleiknum í fyrra en gerði út um leikinn í dag með því að skora þrjú mörk á síðustu tíu mínútunum.

Hannes Þór Halldórsson: Þetta tók á taugarnar

Hannes Þór Halldórsson, markvörður KR, er kominn í bikarúrslitaleikinn á sínu fyrsta tímabili í Vesturbænum eftir að KR-liðið vann 4-1 sigur á BÍ/Bolungarvík í undanúrslitum Valitorsbikarsins á Ísafirði í kvöld. KR mætir Þór í bikarúrslitaleiknum sem fram fer 13. ágúst.

Guðjón Þórðarson: KR-ingar kláruðu þetta vel

Bikarævintýri Guðjóns Þórðarsonar og lærisveina hans í BÍ/Bolungarvík lauk í kvöld þegar liðið tapaði 1-4 á heimavelli á móti KR í undanúrslitum Valitorsbikarsins á Ísafirði í kvöld. Guðjón fór samt ótrúlega langt með liðið sitt sem er á sínu fyrsta ári í B-deildinni. KR-ingar tryggðu sér sæti í bikarúrslitaleiknum með því að skora þrjú mörk á síðustu tíu mínútunum.

Baldur: Líður vel í hreina loftinu út á landi

Baldur Sigurðsson skoraði tvö mörk fyrir KR í kvöld þegar KR-liðið vann 4-1 sigur á BÍ/Bolungarvík í undanúrslitum Valitorsbikarsins á Ísafirði í kvöld. KR mætir Þór í bikarúrslitaleiknum sem fram fer 13. ágúst.

Veigar Páll í miklu stuði í síðasta leiknum með Stabæk

Veigar Páll Gunnarsson fór á kostum í síðasta leiknum sínum með Stabæk í dag en hann hefur verið seldur til Vålerenga. Veigar Páll skoraði tvö mörk og lagði upp eitt í 4-1 sigri Stabæk á botnliði Start í norsku úrvalsdeildinni í kvöld.

Þjálfari Sviss: Vill bjóða Ronaldo út að borða fyrir að draga Sviss í E-riðil

Ottmar Hitzfeld, þjálfari svissneska landsliðsins, var mjög sáttur með því að lenda í riðli Íslendinga í undankeppni HM 2014 en auk Sviss og Íslands eru í riðlinum Noregur, Slóvenía, Kýpur og Albanía.

Blanc: Hvernig getur Frakkland verið neðar en Grikkland og Noregur?

Laurent Blanc, þjálfari franska landsliðsins í fótbolta, gagnrýndi röðun þjóða í styrkleikaflokka fyrir dráttinn fyrir undankeppni HM 2014 í Brasilíu sem fram fór í gær. Frakkar voru í öðrum styrkleikaflokki og lentu í riðli með Heims- og Evrópumeisturum Spánar.

Glódís Perla: Klikkuð reynsla að spila svona leik

Glódís Perla Viggósdóttir og félagar hennar í 17 ára landsliðinu urðu í fjórða sæti á Evrópumótinu eftir 2-8 tap fyrir geysisterku þýsku liði í leiknum um þriðja sætið í dag. Glódís Perla var í viðtali hjá Írisi Björk Eysteinsdóttur, fjölmiðlafulltrúa íslenska liðsins, eftir leikinn.

KR-ingar í bikarúrslitin annað árið í röð - tvö frá Baldri fyrir vestan

Baldur Sigurðsson skoraði tvö mörk fyrir KR þegar liðið vann 4-1 sigur á BÍ/Bolungarvík í undanúrslitaleik liðanna á Torfnesvelli á Ísafirði í kvöld. KR-ingar skoruðu þrjú mörk á síðustu tíu mínútunum í leiknum. KR mætir Þór í úrslitaleik Valtors-bikarsins sem fer fram á Laugardalsvellinum 13. ágúst næstkomandi.

Dóra María lagði upp mark í sigri Djurgården

Dóra María Lárusdóttir lagði upp mark og Guðbjörg Gunnarsdóttir hélt hreinu þegar Djurgården vann 2-0 útisigur á Piteå IF í sænska kvennafótboltanum í dag.

Eyjólfur tryggði SønderjyskE jafntefli á útivelli

Eyjólfur Héðinsson skoraði jöfnunarmark SønderjyskE tíu mínútum fyrir leikslok þegar liðið gerði 1-1 jafntefli við Silkeborg í dönsku úrvalsdeildinni í dag.

Bjarni Fel mættur vestur til að lýsa leiknum í Útvarpi KR

Útvarp KR er mætt á Ísafjörð og mun lýsa leik BÍ/Bolungarvíkur og KR í undanúrslitum Valitors-bikarsins í dag. Þetta er 323. útsending KR-útvarpsins og hefst hún með upphitun klukkan 15.00.

Stórt tap hjá stelpunum í bronsleiknum

Íslenska 17 ára landslið kvenna í fótbolta endaði í fjórða sæti á Evrópumótinu eftir 2-8 stórtap á móti Þýskalandi í leiknum um þriðja sætið í Nyon í Sviss í dag. Telma Þrastardóttir og Aldís Kara Lúðvíksdóttir skoruðu mörk Íslands í leiknum.

Leikmenn BÍ/Bolungarvíkur syngja: Við erum harðir eins og hafið

BÍ/Bolungarvík leikur í dag stærsta leikinn í sögu félagsins þegar liðið tekur á móti KR í undanúrslitum Valitors-bikarinn. BÍ/Bolungarvík er í B-deildinni en KR-ingar eru á toppnum í Pepsi-deildinni og hafa ekki tapað leik í deild eða bikar í sumar.

Eiður Smári náði ekki að skora í leik númer tvö með AEK

Eiður Smári Guðjohnsen og félagar í AEK léku í gær æfingaleik við serbneska liðið FK Rad Belgrade og lauk leiknum með 1-1 jafntefli. Þetta var síðasti leikur liðsins í æfingaferðinni til Slóveníu.

Stelpurnar spila um bronsið við Þjóðverja klukkan tólf

Íslenska 17 ára landslið kvenna verður í eldlínunni klukkan 12.00 þegar liðið mætir Þýskalandi í leik um þriðja sætið í úrslitakeppni Evrópumótsins en leikið er í Nyon í Sviss.

Norsku landsliðsmennirnir ánægðir með HM-dráttinn

Norsku landsliðsmennirnir Jonathan Parr, Espen Bugge Pettersen og Simen Brenne voru afar ánægðir með HM-dráttinn þegar norska Dagblaðið talaði við þá í gær. Norðmenn eru í riðli með Íslandi, Kýpur, Albaníu, Sviss og Slóveníu.

Haakonsen: Veigar Páll er besti sóknarmaður norsku deildarinnar

Veigar Páll Gunnarsson skrifaði í gær undir þriggja ára samning við norska úrvalsdeildarliðið Vålerenga og er íþróttastjóri félagsins sannfærður um að Veigar sé besti sóknarleikmaður deildarinnar.

Liðsfélagi Grétars Rafns í Bolton fótbrotnaði illa í gær

Lee Chung-yong, miðjumaður Bolton og suður-kóreska landsliðsins, verður frá níu mánuði eftir að hafa fótbrotnað illa í æfingaleik Bolton og velska liðsins Newport í gær. Þetta kemur fram á heimasíðu félagsins.

Roma búið að kaupa hollenska landsliðsmarkvörðinn frá Ajax

Maarten Stekelenburg, markvörður Ajax og hollenska landsliðsins, mun spila í ítölsku deildinni á komandi tímabil eftir að Roma keypti hann í gær frá Ajax.

Owen tryggði Manchester United sigur á Barcelona

Michael Owen kom inn á sem varamaður og tryggði Manchester United 2-1 sigur á Evrópumeisturum Barcelona í æfingaleik liðanna í Washington í Bandaríkjunum í nótt.

Öryggislögreglan fjarlægði myndir af Twitter síðu Rio Ferdinand

Rio Ferdinand, varnarmaður enska meistaraliðsins Manchester United, fór aðeins yfir strikið í myndabirtinum á Twitter síðu sinni eftir heimsókn Man Utd í Hvítahúsið í Washington. Bandaríska leyniþjónustan lét fjarlægja myndirnar og kom það leikmanninum á óvart.

Ólafur var ekki viðstaddur þegar dregið var í riðla í Brasilíu

Ólafur Jóhannesson þjálfari íslenska landsliðsins í knattspyrnu var ekki viðstaddur þegar dregið var í riðla fyrir heimsmeistaramótið 2014 í Brasilíu í dag. Það vekur óneitanlega athygli að Ólafur skuli ekki hafa verið viðstaddur en samningur Ólafs rennur út eftir undankeppni EM sem lýkur í haust. Nánar í frétt Stöðvar 2 sem birt var í kvöld.

Mörkin úr leik Arsenal og Boca Juniors á Emirates mótinu

Arsenal og Boca Juniors frá Argentínu skildu jöfn 2-2 á Emirates mótinu sem fram fer í London á heimavelli Arsenal. New York Red Bulls frá Bandaríkjunum hafði betur, 1-0, gegn franska liðinu Paris SG í fyrri leiknum í keppninni í dag. Mörkin úr leik Arsenal og Boca Juniors má sjá í fréttinni sem birtist á Stöð 2 í kvöld.

Arsenal missti niður tveggja marka forskot

Arsenal og Boca Juniors gerðu 2-2 jafntefli í Emirates-bikarnum í knattspyrnu í Lundúnum síðdegis í dag. Arsenal komst í 2-0 en argentínska liðið jafnaði leikinn. Í fyrri leik dagsins vann New York Red Bulls óvæntan 1-0 sigur á Paris Saint Germain.

Ísland í riðli með Noregi í undankeppni HM í Brasilíu

Dregið var í riðla í undankeppni Heimsmeistarakeppninnar í fótbolta sem fram fer í Brasilíu 2014 í kvöld. Ísland dróst í E-riðil og er aðra forkeppnina í röð með Noregi og Kýpur í riðli.

Antonio Valencia mun skrifa undir nýjan samning við Man Utd

David Gill, stjórnarformaður Manchester United, segir að Antonio Valencia muni skrifa undir langtímasamning í næstu viku. Valencia, sem er frá Ekvador, er aðeins hálfnaður með samninginn sem hann skrifaði undir til fjögurra ára árið 2009 þegar hann var keyptur frá Wigan fyrir um 19 milljónir punda eða sem nemur 3,6 milljörðum kr.

Guðlaugur Victor lék í sigri Hibernian

Guðlaugur Victor Pálsson lék allan leikinn þegar Hibernian sigraði Inverness Caledonian Thistle 1-0 á útivelli í annarri umferð skosku úrvalsdeildarinnar sem hófst í dag.

Bankaði upp á hjá Ferguson með DVD disk og fékk að spreyta sig

Max Lonsdale er ekki þekktasta nafnið í fótboltaheiminum. Hann virðist vera með bein í nefinu því hinn 18 ára gamli leikmaður er nú á reynslu hjá Manchester United eftir að hann bankaði upp á hjá Alex Ferguson og lét hann fá DVD disk sem innihélt hápunkta úr ýmsum leikjum hjá Lonsdale. Sir Alex tók vel á móti drengnum sem var látinn fara frá Macclesfield Town á síðustu leiktíð og Lonsdale er nú til reynslu hjá enska meistaraliðinu.

Torres tryggði Chelsea Asíubikarinn

Chelsea sigraði Aston Villa 2-0 í úrslitum Asíubikarsins í dag þar sem Fernando Torres tryggði sigurinn með marki skömmu eftir að hafa komið inná sem varamaður.

Eriksson telur að Mourinho sé rétti maðurinn fyrir England

Svíinn Sven Göran Eriksson, sem var þjálfari enska landsliðsins í fótbolta, telur að Portúgalinn Jose Mourinho ætti að sækjast eftir því að komast í það starf. Eriksson telur að Mourinho sé rétti maðurinn fyrir England en Ítalinn Fabio Capello er þjálfari liðsins.

Andrés Már komin til Haugesund

Norska úrvalsdeildarfélagið Haugesund hefur staðfest að Andrés Már Jóhannesson sé orðinn leikmaður félagsins.

Guðmundur samdi við ÍBV til tveggja ára

Guðmundur Þórarinsson hefur skrifað undir tveggja ára samning við ÍBV en hann gekk í raðir úrvalsdeildarliðsins fyrir þetta keppnistímabil í Pepsideildinni í fótbolta. Guðmundur er frá Selfossi og er bróðir Ingólfs sem oftast er kenndur við Veðurguðina.

Fer Tevez til Inter í skiptum fyrir Eto‘o?

Forráðamenn enska úrvalsdeildarliðsins Manchester City og Inter frá Ítalíu eru í viðræðum um leikmannaskipti samkvæmt heimildum breska dagblaðsins Telegraph. Viðræðurnar snúast um að Argentínumaðurinn Carlos Tevez fari til Inter í skiptum fyrir Samuel Eto‘o, landsliðsframherjann frá Kamerún

Steven Gerrard missir af upphafi keppnistímabilsins

Steven Gerrard, fyrirliði Liverpool, mun missa af upphafi keppnistímabilsins í ensku úrvalsdeildinni vegna sýkingar í nára. Gerrard, sem er 31 árs gamall, er á sýklalyfjum og dvelur á sjúkrahúsi og er búist við að hann verði þar í nokkra daga.

Aston Villa keypti N'Zogbia fyrir um 2 milljarða kr.

Enska úrvalsdeildarliðið Aston Villa virðast hafa tröllatrú á miðjumanninum Charles N'Zogbia því hann skrifaði undir fimm ára samning við liðið í gær en hann var áður í herbúðum Wigan. N'Zogbia er 25 ára gamall franskur landsliðsmaður. Hann segir í viðtali á heimasíðu félagsins að hann hafi tekið stórt skref á ferlinum þar sem að Aston Villa sé stórt félag sem ætli sér stóra hluti á næstu árum.

Veigar Páll fer til Vålerenga eftir allt saman

Norskir fjölmiðlar telja sig hafa sterkar heimildir fyrir því að Veigar Páll Gunnarsson sé á förum til Vålerenga í Osló en hann virtist vera búinn að semja við Noregsmeistaralið Rosenborg í Þrándheimi fyrir nokkrum dögum. Veigar er ein verðmætasta söluvara Stabæk sem er í miklum fjárhagsörðugleikum.

WBA fær Foster að láni frá Birmingham

Ben Foster fær tækifæri til þess að leika í ensku úrvalsdeildinni á næstu leiktíð þrátt fyrir að hafa upplifað fall með Birmingham í lokaumferðinn s.l. vor. Markvörðurinn verður lánaður til grannaliðsins WBA sem einnig er staðsett í Birmingham og er lánssamningurinn til eins árs. Birmingham fær Boaz Myhill í staðinn frá WBA.

Aron Einar: Byrjaður að vaxa mosi á mér á hótelinu

Aron Einar Gunnarsson leikmaður Cardiff tekur ekki þátt í æfingaleik Cardiff gegn Parma á Þúsaldarvellinum í Cardiff á morgun. Malky Mackay knattspyrnustjóri Cardiff vill hvíla Aron sem fékk lítið sumarfrí vegna anna með landsliðum Íslands.