Fulham gerir tilboð í Matt Taylor

Fulham, lið Heiðars Helgusonar í ensku úrvalsdeildinni, hefur gert Portsmouth formlegt tilboð í fyrrum U-21 árs landsliðsmanninn Matthew Taylor, ef marka á fréttavef Sky. Umboðsmaður Taylor hefur staðfest að tilboð hafi verið gert í leikmanninn og því kemur væntanlega í ljós fljótlega hvort af viðskiptunum verður.

Hættu að tala um að hætta

Ralf Schumacher, ökumaður Toyota og bróðir fyrrum heimsmeistarans Michael Schumacher hjá Ferrari, hefur aldrei verið feiminn við að tjá skoðanir sínar á bróður sínum og nú hefur hann gefið það út að Michael ætti að hætta að tala um að leggja stýrið á hilluna og einbeita sér að því að vinna titla með liði sínu.

Serena í erfiðleikum

Serena Williams var ekki langt frá því að fara sömu leið og systir hennar Venus í fyrstu umferð opna ástralska meistaramótisins í tennis í dag, en vann þó nauman sigur á lítt þekktum andstæðingi sínum Li Na. Mari Sharapova og Lindsey Davenport unnu sína leiki nokkuð örugglega og eru komnar áfram.

Nálægt því að landa Bent

Úrvalsdeildarlið Charlton er nú komið á fremsta hlunn með að landa framherjanum Marcus Bent frá Everton, að því talið er fyrir um tvær milljónir punda. Charlton verður því líklega níunda liðið sem Bent leikur fyrir á tíu árum, en hann hefur átt erfitt uppdráttar hjá Everton í vetur.

Áfrýjar rauða spjaldinu á Ronaldo

Manchester United hefur ákveðið að áfrýja rauða spjaldinu sem miðjumaðurinn Cristiano Ronaldo fékk að líta í grannaslag Manchester United og Manchester City á laugardaginn. Ronaldo fékk beint rautt spjald fyrir tæklingu á Andy Cole um miðjan síðari hálfleikinn og vill félagið meina að brottvísunin hafi verið óréttmæt.

Stærsta áfallið á ferli hans

Aðstoðarmaður Sven-Göran Eriksson, landsliðsþjálfara Englendinga í knattspyrnu, segir að gildran sem blaðamenn News of the World leiddu hann í um helgina sé stærsta áfall sem hann hafi orðið fyrir á ferli sínum sem þjálfari, en tekur fram að Eriksson sé 100% einbeittur í starfi sínu sem landsliðsþjálfari og muni ekki segja af sér.

Henman tapaði aftur fyrir Trusunov

Breski tenniskappinn Tim Henman féll úr keppni í fyrstu umferð opna ástralska meistaramótsins í tennis. Henman tapaði fyrir Rússanum Dmitri Tursanov 7-5, 3-6, 4-6 og 5-7, en Tursanov sló Henman einmitt úr keppni á Wimbledon-mótinu á síðasta ári.

Toronto stöðvaði sigurgöngu New York

Lið Toronto Raptors stöðvaði í nótt sex leikja sigurgöngu New York Knicks með 129-103 sigri á heimavelli sínum í Kanada. New York var fyrir leikinn eina taplausa liðið í NBA á árinu, en 31 stig frá Jalen Rose áttu stóran þátt í þessum sigri, sem jafnframt bauð upp á mesta stigaskor í sögu Toronto liðsins. Eddy Curry skoraði 20 stig fyrir New York og Stephon Marbury var með 18 stig og 13 stoðsendingar.

Venus Williams tapaði óvænt

Bandaríska tenniskonan Venus Williams féll mjög óvænt úr keppni á opna ástralska meistaramótinu í tennis í nótt, þegar hún tapaði fyrir búlgörsku stúlkunni Tszvetlönu Pironkovu á opnunardegi mótsins, en hún er aðeins 18 ára gömul og er í 94. sæti styrkleikalista alþjóða tennissambandsins. Pironkova sigraði 2-6, 6-0 og 9-7.

Southampton neitar tilboði Arsenal

Southampton hefur neitað tilboði upp á rúmlega tólf milljónir punda í hinn kornunga Theo Walcott. Að sögn forráðamanna Southampton eru Chelsea að undirbúa enn stærra boð í framherjann efnilega.

Sigraði á opna Sony-mótinu

David Toms sigraði örugglega á Opna Sony-mótinu á Sunnudag sem haldið var á Hawaí. Var hann vel a sigrinum kominn þar sem hann fór síðasta hringinn á einungis 59 höggum.

Mourinho sættir sig við rauða spjaldið

Jose Mourinho knattspyrnustjóri Chelsea hafði ekki yfir miklu að kvarta eftir 2-1 útisigur sinna manna gegn botnliði Sunderland í dag sunnudag. Hann segir dómarann hafa gert rétt þegar hann vísaði Arjen Robben af velli fyrir að fagna sigurmarki sínu með áhorfendum en sá hollenski stökk yfir auglýsingaskilti og henti sér í áhorfendaskarann.

Roma lagði AC Milan

Brasilíski kantmaðurinn Alessandro Mancini tryggði Roma óvæntan 1-0 sigur á AC Milan í ítölsku úrvalsdeildinni í fótbolta í kvöld. Sigurmarkið kom á 81. mínútu þvert gegn gangi leiksins en Milan liðið var mun betri aðilinn í leiknum en fóru illa með fjöldamörg færi sín.

Zidane með þrennu fyrir Real Madrid

Real Madrid lyfti sér upp í 4. sæti spænsku úrvalsdeildarinnar í fótbolta í kvöld þegar liðið sigraði Sevilla 4-2. Zinedine Zidane var sjóðheitur og skoraði þrennu fyrir Madridarliðið sem var mun betri aðilinn í leiknum.

17. sigur Barcelona í röð

Óvænt úrslit urðu í spænsku úrvalsdeildinni í fótbolta í dag þegar botnlið Alaves vann 2-0 útisigur á Deportivo Coruna. Þetta var fyrsti leikur Alaves undir stjórn nýja knattspyrnustjórans Juan Carlos Oliva. Barcelona vann 17. leik sinn í röð í öllum keppnum talið þegar Katalóníurisinn vann 2-1 sigur á Athletic Bilbao á Nou Camp í kvöld.

Ungverjar lögðu Þjóðverja

Ungverjar sem verða í riðli með Íslandi á Evrópumótinu í handbolta í lok mánaðarins, unnu Þjóðverja í dag, 34-30 á fjögurra þjóða móti í Króatíu í dag. Slóvenar og Króatar leika til úrslita í kvöld.

Chelsea í 61 stig

Chelsea heldur áfram magnaðri sigurgöngu sinni í ensku úrvalsdeildinni í knattspyrnu og vann sigur á botnliði Sunderland nú síðdegis, 1-2 á útivelli. Eiður Smári Guðjohnsen lék allan leikinn í liði Chelsea en þetta var han 250. leikur fyrir félagið.

Juventus slær 56 ára stigamet

Alessandro Del Piero skoraði sigurmark Juventus sem vann Reggina, 1-0 í ítalska fótboltanum í dag en með sigrinum sló liðið 56 ára gamalt stigamet nú þegar deildin er hálfnuð. Juve er með 52 stig, tíu stiga forskot á Inter Milan sem lagði Cagliari 3-2 með tveimur mörkum frá brasilíska sóknarmanninum Adriano.

Bætti 16 ára gamalt met

Sveinn Elías Elíasson úr Fjölni bætti í gær 16 ára gamalt Íslandsmet í 200 metra hlaupi karla á Reykjavíkurleikunum sem fram fóru í Laugardalshöllinni. Sveinn hljóp á 22,15 sekúndum og bætti met Gunnars Guðmundssonar frá árinu 1990 um 0.2 sekúndur.

Jafnt í hálfleik gegn Norðmönnum

Jafnt er í hálfleik, 19-19, í úrslitaviðureign Íslands og Noregs á þriggja þjóða æfingamótinu í handbolat karla í Noregi. Guðjón Valur Sigurðsson er markahæstur Íslands en hann hefur skorað 8 mörk í fyrri hálfleik og Sigfús Sigurðsson þrjú.

Eiður í byrjunarliðinu

Eiður Smári Guðjohnsen er í byrjunarliði Chelsea sem mætir Sunderland á útivelli í ensku úrvalsdeildinni nú kl. 16. Leikurinn í dag markar tímamót fyrir Eið en þetta er 250. leikur hans fyrir félagið.

W.B.A. upp í 16. sætið

WBA vann mikilvægan sigur á Wigan á útivelli í ensku úrvalsdeildinni í knattspyrnu í dag, 1-0 og lyfti sér upp í 16. sæti deildarinnar. Martin Albrechtsen skoraði sigurmarkið á 56. mínútu og var sigurinn einkar frækinn þar sem gestirnir léku manni færri frá 43. mínútu þegar Darren Moore fékk að líta rauða spjaldið.

Frakki fór með sigur af hólmi

Frakkinn Luc Alphand fór með sigur af hólmi í París-Dakar-rallýinu sem lauk í Senegal í morgun. Alphand ók á Mitsubishi Prototype og var forysta hans 17.53 mínútur á Suður-Afríkumanninn Giniel de Villiers og Tina Thörner frá Svíþjóð sem urðu í 2. sæti en þau óku á Volkswagen Touareg.

Dómarinn leggur okkur í einelti

Sam Allardyce, knattspyrnustjóri Bolton stendur í þeirri meiningu að Mike Riley dómari leggi leikmenn sína í einelti á knattspyrnuvellinum. Hann fékk enn eina ferðina að á ósanngjarnri dómagæslu hans í gærkvöldi að eigin mati. Bolton náði þá stigi á útivelli gegn Blackburn í markalausum leik liðanna þar sem lið Bolton lék manni færri í um klukkutíma.

Jafntefli gegn Noregi

Ísland og Noregur skildu jöfn nú síðdegis, 32-32 í úrslitaleik á æfingamótinu í handbolta sem fram fór í Noregi. Ísland var yfir þegar örfáar sekúndur voru eftir af leiknum en manni færri eftir að Sigfús Sigurðsson var rekinn út af þegar hálf mínúta var eftir.

James með 46 stig í tapleik Cleveland

Hinn tvítugi LeBron James skoraði 46 stig fyrir Cleveland Caveliers í NBA-deildinni í körfubolta í nótt en þrátt fyrir það tapaði Cleveland fyrir Phoenix, 115-106. Þá skoraði Kobe Bryant 38 stig fyrir Los Angeles Lakers sem unnu Golden State Warriors 110-104.

Þormóður æfir með Stjörnunni

Rooney og Ferguson misstu stjórn á sér

Sir Alex Ferguson knattspyrnustjóri Manchester United og sóknarmaður liðsins, Wayne Rooney misstu stjórn á skapi sínu í hálfleik í 3-1 tapleiknum gegn Man City í ensku úrvalsdeildinni í dag. Tvímenningarnir helltu úr skálum reiði sinnar á leið til búningsherbergja yfir dómarann Steve Bennett sem átti slæman dag með flautuna.

Sjö marka sigur Arsenal

iverpool vann 1-0 sigur á Tottenham í ensku úrvalseildinni í knattspyrnu nú síðdegis og saxaði á forskot Man Utd niður í eitt stig. Arsenal var þó í aðalhlutverki á Englandi í dag en liðið tók Middlesborough í bakaríið, 7-0 þar sem Thierry Henry skoraði þrennu. Heiðar Helguson lék allan leikinn með Fulham sem lagði Newcastle 1-0, sömuleiðis Hermann Hreiðarsson í liði Charlton sem lagði Birmingham 2-0.

Enn eitt banaslysið

Banaslys einkenna París-Dakar rallýið sem lýkur á morgun en í dag lést 12 ára drengur sem varð fyrir aðstoðarbíl. Atvikið átti sér stað á milli senegölsku borganna Tambacounda og Dakar á fjórtándu sérleiðinni en bíllinn ók eftir sérstökum vegi fyrir aðstoðarökutæki.

19 ára miðjumaður til Arsenal

Arsenal hefur fest kaup á 19 ára gömlum frönskum miðjumanni, Vasiriki Abou Diaby fyrir að talið er vera um 2 milljónir punda. Diaby var fyrirliði U19 ára landsliðs Frakka sem varð Evrópumeistari síðasta sumar en hann kemur úr yngri flokkum franska liðsins Auxerre.

Aðeins tveir Íslendingar með í dag

Ívar Ingimarsson og Brynjar Björn Gunnarsson eru báðir í byrjunarliði Reading sem nú leikur við Coventry í ensku 1. deildinni í knattspyrnu. Jóhannes Karl Guðjónsson er í leikbanni hjá Leicester sem er 0-1 yfir á útivelli gegn Sheffield Wednesday.

Eiður baunar á Sir Alex

Eiður Smári Guðjohnsen tekur upp hanskann fyrir knattspyrnustjórann sinn Jose Mourinho í viðtali við Sky Sports fréttavefinn í dag og segir stjóra sinn stórlega vanmetinn. Eiður pundar meðal annars á Alex Ferguson, stjóra Man Utd, sem einnig hefur spreðað ófáum milljónum en ekki í réttu leikmennina.

City lagði 10 manna lið Man Utd

Manchester City lagði granna sína í Man Utd 3-1 í fyrsta leik dagsins í ensku úrvalsdeildinni í knattpsyrnu í dag. Trevor Sinclair, Darius Vassel og Robbie Fowler skoruðu mörk heimamanna. Ruud van Nistelrooy skoraði mark gestanna þegar hann minnkaði muninn í 2-1.

Nágrannaslagur í Kaplakrika

Fimm leikir fara fram í DHL-deild kvenna í handbolta í dag og hófst sá fyrsti kl. 14:00 þar sem topplið ÍBV tekur á móti Fram í Eyjum. Kl. 16:15 mætast í nágrannaslag liðin í öðru og þriðja sæti, FH og Haukar.

Man City 2-0 yfir gegn Man Utd

Manchester City er 2-0 yfir í hálfleik á heimavelli sínum gegn grönnunum í Man Utd í ensku úrvalsdeildinni í knattspyrnu. Trevor Sinclair skoraði fyrra markið á 32. mínútu en Darius Vassel hið síðara á 39. mínútu.

Evra í byrjunarliði Man Utd

Franski varnarmaðurinn Patrice Evra er í byrjunarliði Manchester United sem nú mætir nágrönnum sínum í Man City í ensku úrvalsdeildinni í knattspyrnu en leikurinn hófst í hádeginu. Trevor Sinclair skoraði fyrir heimamenn á 32. mínútu og er staðan 1-0 fyrir Man City.

Indiana - Washington í beinni

Leikur Indiana Pacers og Washington Wizards verður sýndur í beinni útsendingu á NBA TV á Digital Ísland í kvöld og hefst klukkan tólf á miðnætti. Indiana hefur unnið 19 leiki og tapað 14, en Washington hefur unnið 14 og tapað 19. Bæði lið unnu stórsigra í síðasta leik sínum, Indiana valtaði yfir Milwaukee 112-88 og Washington sigraði Atlanta 103-72.

Ísland valtaði yfir Katar

Íslenska landsliðið í handknattleik valtaði yfir Katar 41-20 í fyrsta leik sínum á Umbro Cup mótinu sem fram fer í Noregi um helgina. Guðjón Valur Sigurðsson skoraði hvorki meira né minna en 17 mörk í leiknum, sem eins og lokatölurnar gefa til kynna, var aldrei mjög spennandi.

Defoe orðaður við Liverpool

Breska slúðurpressan gerir því nú skóna að Rafael Benitez, stjóri Liverpool, muni gera Tottenham kauptilboð í enska landsliðsframherjann Jermain Defoe í sumar. Benitez er þó ekki sagður muni bjóða hátt í framherjann, því honum þykir verðmiðinn á enskum leikmönnum vera út í hött.

Arsenal kaupir Adebayor

Arsenal hefur fest kaup á framherjanum Emmanuel Adebayor frá Mónakó í Frakklandi. Arsene Wenger, stjóri Arsenal, greindi frá því seinnipartinn í dag að félagið væri á höttunum eftir hinum 21 árs gamla landsliðsmanni Afríkuríkisins Tógó, en hlutirnir gengu hratt fyrir sig nú undir kvöldið og nú hafa félögin komist að samkomulagi um söluna.

Óvíst með bardaga Hopkins og Jones

Draumabardagi þeirra Bernard Hopkins og Roy Jones Jr gæti nú verið í hættu, því illa gengur að semja um peningahliðina á bardaganum, sem fyrirhugaður var þann 11. mars næstkomandi. Báðir hnefaleikarar mega að vísu muna fífil sinn fegurri, en þó var talið víst að húsfyllir yrði þegar þessir fyrrum kóngar í sínum þyngdarflokki mættust aftur í hringnum.

Rooney bestur í desember

Framherjinn Wayne Rooney hjá Manchester United var í dag útnefndur leikmaður desembermánaðar í ensku úrvalsdeildinni í knattspyrnu. Rooney skoraði fimm mörk í sjö leikjum í desember og hefur því alls skorað tíu mörk í deildinni. Þetta er í annað sinn sem hinn tvítugi leikmaður hlýtur þennan heiður, en hann var áður kjörinn leikmaður mánaðarins í febrúar í fyrra.

Benitez stjóri mánaðarins

Rafa Benitez, stjóri Liverpool, var í dag kjörinn knattspyrnustjóri mánaðarins í ensku úrvalsdeildinni, annan mánuðinn í röð. Liverpool hefur verið á mikilli sigurgöngu í deildinni og vann meðal annars tíu leiki í röð.

Hefur áhuga á Adebayor

Arsene Wenger hefur lýst yfir áhuga sínum á að fá sóknarmanninn Emmanuel Adebayor hjá Mónakó í raðir Arsenal og segir að tíðinda gæti verið að vænta strax í kvöld. Wenger líkir Tógómanninum við Nwankwo Kanu og segir hann hafa allt til að bera til að geta hjálpað liði sínu, því hann sé fljótur og sterkur í loftinu.