Hvatt til aðgerða vegna horfinna flóttamanna

Alþjóððadagur fórnarlamba mannshvarfa er í dag. Sameinuðu þjóðirnar hvetja ríki heims til að grípa til aðgerða vegna horfinna flóttamanna og rannsaki afdrif þeirra.

Börn í Afríku verða í meirihluta sárafátækra í heiminum árið 2030

Fátækt meðal barna í Afríku kemur til með að aukast á næstu árum, að mati fræðimanna hjá Overseas Development Institute (ODI) í Bretlandi.

Skortur á hreinu vatni hættulegri börnum en byssukúla

Samkvæmt nýrri skýrslu UNICEF búa 210 milljónir barna við skert aðgengi að hreinu vatni og tvöfalt fleiri, eða 420 milljónir barna, hafa ekki aðgang að viðunandi salernisaðstöðu.

Parísarsamkomulagið dugar of skammt

António Guterres aðalframkvæmdastjóri Sameinuðu þjóðanna telur að Parísarsamkomulagið um aðgerðir í loftslagsmálum dugi of skammt og hvetur ríki heims til að gera betur.

Ákall eftir þátttöku fyrirtækja í þróunarsamvinnu

Öll helstu íslensku félagasamtökin í mannúðarstarfi og alþjóðlegri þróunarsamvinnu munu endurvekja átakið "Þróunarsamvinna ber ávöxt“ í samstarfi við utanríkisráðuneytið. Áhersla lögð á þátttöku fyrirtækja í þróunarsamvinnu.

Al­þjóða­bankinn varar við hættu­á­standi vegna versnandi vatns­gæða

Heimurinn stendur frammi fyrir hættuástandi vegna versnandi vatnsgæða víða um heim. Mengað vatn ógnar velferð manna og umhverfis og skerðir efnahagslega möguleika þessara svæða.

Esther kjörin ungmennafulltrúi Íslands

Esther Hallsdóttir hefur verið kjörinn ungmennafulltrúi Íslands hjá Sameinuðu þjóðunum. Þetta er í fyrsta sinn sem Ísland skipar ungmennafulltrúa en hann kemur til með að sitja í umboði íslenskra ungmenna og sækja allsherjarþing Sameinuðu þjóðanna í New York í september.

Genfar­samningar í sjö­tíu ár

Sjötíu ár eru í dag liðin frá samþykkt Genfarsamninganna fjögurra. Þessir samningar, sem byggðir eru á fyrri Genfarsamningum og Haagsamningnum, marka þáttaskil í þróun alþjóðlegra mannúðarlaga. Með þeim er lögfest mun ríkari vernd en áður þekktist fyrir fórnarlömb stríðsátaka.

Tveir íslenskir sendifulltrúar til Sýrlands á vegum Rauða krossins

Rauði krossinn á Íslandi hefur tilkynnt að tveir íslenskir sendifulltrúar hefðu í nýliðnum mánuði farið til Sýrlands þar sem þeir starfa í neyðartjaldssjúkrahúsi í Al-Hol flóttamannabúðunum.

WFP áætlar að 40 milljarða þurfi í matvælaaðstoð í Zimbabwe

Þriðjungur íbúa Zimbabwe, um 5,5 milljónir manna, býr við fæðuskort og þarf á matvælaaðstoð að halda. Matvælaáætlun Sameinuðu þjóðanna (WFP) telur að jafnvirði 40 milljarða króna þurfi til að aðstoða bágstadda í Zimbabwe.

Malaví grípur til aðgerða vegna plastmengunar

Malaví hefur bæst í hóp Afríkuríkja sem tekið hafa upp bann við plastpokum og öðrum hlutum úr þunnum plastefnum.

Tólf þúsund börn myrt eða alvarlega særð í átökum á síðasta ári

Árleg skýrsla aðalframkvæmdastjóra Sameinuðu þjóðanna um börn og vopnuð átök kom út í gær og nær til tuttugu átakasvæða í heiminum. Samkvæmt henni voru rúmlega 12 þúsund börn ýmist myrt og lífshættulega særð á síðasta ári.

Heimurinn dofinn gagnvart blóðbaðinu í Sýrlandi

Michelle Bachelet mannréttindastjóri Sameinuðu þjóðanna gagnrýnir valdamestu þjóðir heims fyrir tómlæti gagnvart mannskæðum loftárásum í Sýrlandi. Rúmlega 400 þúsund manns hafa lent á vergangi vegna loftárása í norðvesturhluta Sýrlands á síðustu þremur mánuðum og hermt er að 740 óbreyttir borgarar hafi fallið.

WFP tvöfaldar dreifingu matvæla í Kongó

Matvælaáætlun Sameinuðu þjóðanna (WFP) hyggst tvöfalda dreifingu á matvælum til íbúa í Lýðstjórnarlýðveldinu Kongó sem smitast hafa af ebólu og vandamanna þeirra, alls um 440 þúsund manns.

Ísland skipar í fyrsta sinn ungmennafulltrúa hjá Sameinuðu þjóðunum

Íslenskur ungmennafulltrúi hjá Sameinuðu þjóðunum á sviði mannréttinda verður valinn í næsta mánuði. Hann kemur til með að sitja í umboði íslenskra ungmenna og sækja allsherjarþing Sameinuðu þjóðanna í New York í september.

„Lítil áhersla lögð á að græða félagsleg sár af völdum ebólunnar“

Mestur þungi aðgerða á sviði endurhæfingar vegna ebólufaraldursins í Síerra Leone hefur verið lagður í efnahagslega endurreisn landsins en lítil áhersla lögð á að græða félagsleg sár. Þetta segir verkefnastjóri Rauða krossins.

Neyðarkall: Fimmtán milljónir á barmi hungursneyðar

Rúmlega fimmtán milljónir íbúa á Horni Afríku þurfa á neyðaraðstoð að halda vegna langvarandi þurrka, að sögn hjálparsamtakanna Oxfam. Fulltrúar samtakanna hvöttu framlagsríki í morgun til að bregðast við vandanum.

Heimsmarkmiðin: Of lítil framfaraskref

Ljóst er eftir ráðherrafund Sameinuðu þjóðanna í New York að þjóðir heims þurfa að herða róðurinn til þess að uppfylla heimsmarkmiðin sem eiga að vera í höfn árið 2030. Tæp fjögur ár eru liðin frá því þjóðarleiðtogar sammæltust um sautján heimsmarkmið um sjálfbæra þróun.

UN Women fagnar niðurstöðu í máli gegn stríðsherra

Jafnréttisstofnun Sameinuðu þjóðanna (UN Women) fagnar niðurstöðu Alþjóða sakamáladómstólsins sem sakfelldi Bosco Ntaganda, stríðsherra í Lýðstjórnarlýðveldinu Kongó, fyrir stríðsglæpi og glæpi gegn mannkyni.

Eitt barn sveltur en annað ekki – í sömu fjölskyldu

Fátækt dreifist með mjög misjöfnum hætti innan þjóða og jafnvel innan fjölskyldna. Þetta sýnir ný skýrsla frá Þróunaráætlun Sameinuðu þjóðanna (UNDP). Í Pakistan eru þess dæmi að sum börn svelta en önnur ekki, í einni og sömu fjölskyldu.

Margfalda þarf framlög til mæðraverndar

Fjármagn til að koma í veg fyrir að konur látist af barnsförum þarf að sexfaldast ef horft er til heimsmarkmiða Sameinuðu þjóðanna, segir í frétt frá Mannfjöldasjóði Sameinuðu þjóðanna (UNFPA).

WHO: Neyðarástandi ekki lýst yfir til fjáröflunar

Alþjóðaheilbrigðisstofnunin (WHO) lýsti í gær yfir neyðarástandi á heimsvísu vegna ebólufaraldursins í Lýðstjórnarlýðveldinu Kongó. Faraldurinn er orðinn sá annar skæðasti í sögunni. Óttast er að sjúkdómurinn eigi eftir að breiðast út.

Ísland og Malaví stóðu að sameiginlegri málstofu um ungmenni

Katrín Jakobsdóttir forsætisráðherra opnaði sameiginlega málstofu Íslands og Malaví um ungmenni, menntun og atvinnutækifæri, á árlegum ráðherrafundi um heimsmarkmiðin í Sameinuðu þjóðunum í New York í gær.

Ísland kynnti landsrýni sína á heimsmarkmiðunum

Katrín Jakobsdóttir, forsætisráðherra, kynnti stöðu innleiðingar Íslands á heimsmarkmiðum Sameinuðu þjóðanna um sjálfbæra þróun á árlegum ráðherrafundi um heimsmarkmiðin í höfuðstöðvum SÞ í gær.

Tæplega 20 milljónir barna óbólusettar

Rúmlega eitt af hverjum tíu börnum í heiminum eða tæplega 20 milljónir barna voru ekki bólusett á síðasta ári gegn lífshættulegum sjúkdómum.

Enn fjölgar fólki sem lifir við hungurmörk

Þriðja árið röð fjölgar fólki í heiminum sem lifir við hungurmörk. Einn af hverjum níu jarðarbúum býr nú við sult. Alvarlega vannærðum fjölgaði um tíu milljónir milli ára.

Ungmenni í forgrunni á fundi um heimsmarkmiðin

Ísland kynnir á morgun stöðu innleiðingar heimsmarkmiða Sameinuðu þjóðanna um sjálfbæra þróun á árlegum ráðherrafundi í New York. Tveir fulltrúar úr ungmennaráði heimsmarkmiðanna ávarpa fundinn.

Aðeins 0,5% af framlögum til mannúðarmála til barnaverndar

Börn á stríðshrjáðum svæðum voru á síðasta ári um 50 milljónir talsins, eða tvöfalt fleiri en árið 1990, og síðustu níu árin hefur þreföldun orðið á tilkynningum um alvarleg brot gegn börnum.

SOS: Stuðningur við sex hundruð barnafjölskyldur á Filippseyjum

SOS Barnaþorpin á Íslandi hófu í apríl síðastliðnum undirbúning verkefnis til stuðnings 600 barnafjölskyldum í nágrenni tveggja SOS barnaþorpa í Calbayog og Tocloban.

Reiknað með tvöföldun íbúafjölda í Afríku fram til 2050

Á síðustu þremur áratugum hefur jarðarbúum fjölgað um þrjá milljarða. Jarðarbúar eru núna hartnær átta milljarðar – og heldur áfram að fjölga.

Sjö milljónir íbúa Suður-Súdan við hungurmörk

Alvarlegur matarskortur hrjáir tæplega sjö milljónir íbúa Suður-Súdan, eða 61% þjóðarinnar, fleiri en nokkru sinni fyrr í sögu yngstu þjóðarinnar í heiminum. Í vikunni voru átta ár liðin frá sjálfstæði Suður-Súdan en nánast allan þann tíma hefur verið ófriður í landinu.

Jafnréttisskólinn með námskeið um kynjajafnrétti í Malaví og Úganda

Jafnréttisskóli Háskóla Sameinuðu þjóðanna við Háskóla Íslands (UNU-GEST) hefur staðið fyrir tveimur, fimm daga námskeiðum, í samstarfslöndum Íslands í alþjóðlegri þróunarsamvinnu, það sem af er árinu.

Fundur um heimsmarkmiðin hafinn í New York

Árlegur ráðherrafundur um heimsmarkmið Sameinuðu þjóðanna hófst í New York í gær. Ísland er þar meðal 47 þjóða sem kynna landrýniskýrslur.

Marel og Thoregs hljóta styrki úr samstarfssjóði við atvinnulífið

Tvö verkefni sem byggja á íslensku hugviti og verkþekkingu hafa fengið styrk úr Samstarfssjóði við atvinnulíf um heimsmarkmið Sameinuðu þjóðanna.

Þór H. Ásgeirsson ráðinn forstöðumaður Sjávarútvegsskólans

Þór Heiðar Ásgeirsson hefur verið ráðinn forstöðumaður Sjávarútvegsskóla Háskóla Sameinuðu þjóðanna.

Ofbeldi innan fjölskyldna oft lífshættulegt konum

Í nítján löndum eru konur enn lagalega skyldar til að hlýða eiginmönnum og þrír milljarðar kvenna búa í löndum þar sem nauðgun í hjónabandi er ekki refsiverð.

Alþjóðlegt flóttamannaráð sett á laggirnar

Flóttamannastofnun Sameinuðu þjóðanna hefur sett alþjóðlegt flóttamannaráð á laggirnar. Fyrsti fundur ráðsins verður haldinn um miðjan desember í Genf í Sviss.

Nemendafjöldinn tvöfaldaðist meðan á námskeiðinu stóð

Efnalitlar konur í Bashay þorpi í norður Tansaníu luku valdeflingarnámskeiði á vegum Women Power samtakanna. Námskeiðið er styrkt af utanríkisráðuneytinu og fjölmörgum öðrum bakhjörlum.

Sendifulltrúi Rauða krossins til Úganda vegna ebólu

Magna Björk Ólafsdóttir, sendifulltrúi Rauða krossins á Íslandi, tekur þátt í forvarnarstarfi vegna ebólu í Úganda.

Heimsmarkmiðagátt opnuð

Verkefnastjórn stjórnvalda um heimsmarkmið Sameinuðu þjóðanna hefur opnað Heimsmarkmiðagátt þar sem fólki gefst kostur á að koma verkefnum tengdum heimsmarkmiðum Sameinuðu þjóðanna á framfæri.

Tekið á móti 75 flóttamönnum á þessu ári

Tekið verður á móti 75 flóttamönnum af hálfu íslenskra stjórnvalda í samstarfi við Flóttamannastofnun Sameinuðu þjóðanna (UNHCR), innlend sveitarfélög og Rauða krossinn á Íslandi á þessu ári.

Dvalarheimili á Indlandi fjármagnað með íslenskri erfðagjöf

Anna Kristín Ragnarsdóttir lést árið 2010 en hafði 17 árum áður gert erfðaskrá sem kvað á um að eigur hennar skyldu renna til SOS Barnaþorpanna. Erfðagjöfinni, 15 milljónum króna, hefur nú allri verið ráðstafað samkvæmt óskum Önnu í þremur úthlutunum.

Ísland tekur í dag sæti í stjórn Alþjóðabankans

Geir H. Haarde, fyrrverandi sendiherra Íslands í Washington, tók í dag við stöðu aðalfulltrúa kjördæmis Norðurlandanna og Eystrasaltsríkjanna hjá Alþjóðabankanum.