Augusto Pinochet handtekinn í Chile

Spænska ríkisstjórnin tortryggir Baska

Spænska ríkisstjórnin vill frekari sannanir fyrir því að aðskilnaðarhreyfing Baska, ETA sé hætt ofbeldisverkum, áður en hún gengur til friðarviðræðna.

Danskar konur gagnrýnni á Íraksstríðið en karlar

Danskar konur eru mun gagnrýnni á veru dansks herliðs í Írak en karlar samkvæmt nýrri könnun sem rannsóknarstofnin Catinét hefur gert fyrir Ritzau-fréttastofuna. Tæplega 57 prósent danskra kvenna telur að aldrei hefði átt að senda hermenn til Írak en 27 prósent eru á öndverðri skoðun.

Vill leggja niður Norðurlandaráð

Norðurlandaráð hefur engin völd og leggja ætti það niður, skrifar sænska dagblaðið Dagens Nyheter. Stjórnmálamenn úr öllum flokkum bera hins vegar lof á norrænt samstarf.

Ástarnorn varð að endurgreiða þóknun

Þýsk kona hefur unnið mál gegn "Ástarnorn" sem hafði þegið fé fyrir að fá kærasta konunnar til að snúa til hennar aftur, eftir að slitnaði upp úr sambandinu

Kafa í skipsflak Svartskeggs sjóræningja

Bandarískir fornleifafræðingar eru nú að kafa undan ströndum Norður-Karólínu, til þess að skoða skipsflak sem þeir telja vera flaggskip Svartskeggs sjóræningja.

Forseti Ísraels neitar að víkja

Moshe Katsav, forseti Ísraels, hefur neitað að segja af sér meðan saksóknarar skoða hvort eigi að leggja fram ákærur á hendur honum um nauðganir og kynferðislega áreitni.

Vilja að múslimaklerkur dragi sig í hlé

Hart er lagt að áströlskum múslimaklerki að segja af sér, eftir að hann lýsti því yfir í predikun að fáklæddar konur væru að biðja um að þeim væri nauðgað.

Beðið úrslita í Kongó

Síðari umferð forsetakosninganna í Kongó fór fram í gær og stóð baráttan milli sitjandi forseta og fyrrverandi leiðtoga uppreisnarmanna. Þetta voru fyrstu lýðræðislegu kosningarnar í landinu rúma fjóra áratugi. Verið er að telja atkvæði nú og endanlegra úrslita að vænta í lok vikunnar.

Hungruðum fækkar ekki

Tíu árum eftir að leiðtogar heimsbyggðarinnar strengdu þess heit að fækka hungruðum um helming, hefur lítið gerst, samkvæmt nýrri skýrslu Matvælastofnunar Sameinuðu þjóðanna.

Afgerandi sigur

Luis Inacio Lula da Silva var endurkjörinn forseti Brasilíu með miklum meirihluta atkvæða um liðna helgi. Búið er að telja nærri því öll atkvæði og hlaut Da Silva um 61% atkvæða. Þetta var síðari umferð kosninganna þar sem valið stóð á milli sitjandi forseta og Geraldo Alckmin, fyrrverandi ríkisstjóra í Sao Paulo.

Alvarleg kreppa yfirvofandi ef ekkert að gert

Loftslagsbreytingar gætu valdið miklum samdrætti í alþjóðlegu efnahagslífi og kostnaður vegna þess orðið jafnvirði tæplega fimm hundruð biljóna íslenskra króna verði ekkert að gert. Þetta kemur fram í skýrslu bresks hagfræðings sem unnin er fyrir bresk stjórnvöld og birt í dag.

Tony Blair ræður Al Gore í vinnu

Tony Blair, forsætisráðherra Bretlands, hefur ráðið Al Gore, fyrrverandi varaforseta Bandaríkjanna sem ráðgjafa ríkisstjórnar sinnar í umhverfismálum.

Kjósendur í Serbíu samþykkja nýja stjórnarskrá

Dagblöð í Serbíu flytja fregnir af því í dag að kjósendur hafi samþykkt nýja stjórnarskrá sem kveður á um að Kosovo sé órjúfanlegur hluti Serbíu. Íbúar í Kosovo fengu þó ekki að taka þátt í kosningunni.

Kongólskur hermaður skýtur tvo til bana

Kongólskur hermaður skaut tvo starfsmenn kosninganna í Kongó til bana í morgun eftir að kosningunum hafði lokið. Talið er að hermaðurinn hafi verið drukkinn.

Lögfræðingur Saddams gengur út úr réttarsal

Aðallögfræðingur Saddams Hussein gekk í dag út úr réttarsalnum eftir að hafa lagt fram lista með tólf kröfum sem hann vildi að yrði fullnægt áður en réttarhaldið myndi halda áfram.

Mecom þarf að reka eittþúsund starfsmenn

Breska fjölmiðlasamsteypan Mecom, sem keppti við Dagsbrún um kaup á norska fjölmiðlarisanum Orkla Media, þarf að reka minnst eittþúsund starfsmenn til þess að dæmið gangi upp, að sögn norska blaðsins Aftenposten.

Höfða mál vegna síðari heimsstyrjaldarinnar

Kínverjar funda með leiðtogum Suðaustur-Asíuríkja

Kínverski forsætisráðherrann Wen Jiabao átti fund með leiðtogum Suðaustur-Asíuríkja í kínversku borginni Nanning í morgun. Með þessu eru Kínverjar að sýna aukin áhrif sín á svæðinu.

Pakistanski herinn gerir árás á þjálfunarbúðir Al Kaída

Allt að 80 íslamskir vígamenn biðu bana í árás pakistanska hersins á íslamskan skóla sem var rekinn af stuðningsmanni Talibana.

Leiðtogi Múslíma í Nígeríu fórst í flugslysi

Leiðtogi Múslíma í Nígeríu fórst í flugslysi þar dag. Flugvélin, sem var af gerðinni Boeing 737 frá nígeríska flugfélaginu ADC, hrapaði í flugtaki nærri höfuðborginni Abuja. Múslímaleiðtoginn, súltáninn Mohammadu Maccido og tveir þingmenn voru meðal þeirra rúmlega 100 sem létu lífið, en talið er að fjórir hafi komist lífs af.

Bradshaw flokkar ekki ruslið sitt

Ben Bradshaw umhverfisráðherra Bretlands, og einn harðasti gagnrýnandi íslenskra hvalveiða, er tekinn á beinið í Daily Mail í dag fyrir að fara ekki eftir eigin endurnýtingarreglum í sorphirðunni heima hjá sér. Blaðið birtir myndir af húsi ráðherrans, og ruslapokum þar fyrir utan, sem eiga að sýna að ráðherrann flokki ekki endurnýtinanlegt sorp frá öðru rusli.

Endurkoma Schwarzeneggers

Arnold Schwarzenegger tekst að snúa vonlausri stöðu sér í hag og snýr andstæðinginn auðveldlega niður. Þetta er ekki söguþráður í Hollywood kvikmynd heldur raunveruleiki ríkisstjórans Arnolds sem hefur á einu ári náð að vinna sér upp úr verulegum óvinsældum í yfirburðastöðu.

Brennuvargar hvattir til að gefa sig fram

Móðir eins slökkviliðsmannsins sem fórst í skógar- og kjarreldunum í Suður-Kaliforníu um helgina hvetur þá sem kveiktu eldana til að gefa sig fram við lögreglu. Fjórir slökkviliðsmenn týndu lífi í eldunum og einn liggur þungt haldinn á sjúkrahúsi.

Kastró á batavegi

Fídel Kastró, forseti Kúbu kom fram í sjónvarpi í heimalandi sínu í gær í fyrsta sinn í rúman mánuð. Forsetinn, sem varð áttræður í ár, hefur verið að jafna sig eftir erfiða aðgerð. Hann gekk um gólf á upptökunni sem sýnd var og sagði sögur af andláti sínu stórlega ýktar.

Átök á ársafmæli óeirðanna

Kona á þrítugsaldri brenndist illa og þrír fengu vott af reykeitrun þegar hópur ungmenna kveikti í strætisvagni í hafnarborginni Marseilles í Frakklandi í gær. Þau ruddurst inn í vagninn, köstuðu þar frá sér flösku fullri af eldfimum vökva og kveiktu í. Konan fékk annars og þriðja stigs brunasár á höndum, fótum og andliti. Strætisvagninn eyðilagðist. Á föstudaginn var ár liðið frá miklum óeirðum í Frakklandi og var lögreglan því viðbragðsstöðu um helgina ef til átaka kæmi. Aðeins kom til smávægilegra átaka.

5000 egypskir öryggissveitarmenn fluttir að landamærunum að Gaza

Egyptar flutti í kvöld rúmlega fimm þúsund öryggissveitarmenn að landamærunum að Gaza-svæðinu. Þetta var gert eftir að fréttir bárust af því að svo gæti farið að Ísraelar sprengdu göng sem notuð væru til að smygla vopnum inn á palestínskt landsvæði. Egyptar munu einnig hafa gripið til þessara liðsflutninga af ótta við að herskáir Palestínumenn myndi brjóta sér leið í gegnum landamæravegg milli Gaza-svæðisins og Egyptalands. Fyrir voru aðeins 750 landamæraverðir.

Útlit fyrir að Gilad Shalit fái frelsi

Útlit er fyrir að Gilad Shalit, ísraelski hermaðurinn sem herskáir Palestínumenn rændu í sumar, verði látinn laus á næstu dögum. Ránið á Shalit varð kveikjan að átökum Ísraela og Palestínumanna á Gaza-svæðinu í sumar.

Verðlaunum heiti fyrir upplýsingar um brennuvarga

Yfirvöld í Suður-Kaliforníu hafa boðið jafnvirði tæpra 35 milljóna íslenskra króna fyrir upplýsingar sem leitt geta til handtöku þeirra sem grunaðir eru um að hafa kveikt kjarr- og skógarelda sem loga í ríkinu. Fjórir slökkviliðsmenn hafa týnt lífi í baráttunni við eldana og sá fimmti liggur þungt haldinn á sjúkrahúsi.

Friðarviðræður hafnar í Genf

Friðarviðræður milli stríðandi fylkinga á Srí Lanka hófust í morgun í Genf í Sviss. Þar munu fulltrúar stjórnvalda og uppreisnarmanna Tamíltígra reyna hvað þeir geta til að koma í veg fyrir að allsherjar borgarastyrjöld brjótist út í landinu.

Kosið um stjórnarskrá Serbíu

Kjósendur í Serbíu ganga í dag og á morgun að kjörborðinu í morgun til að greiða atkvæði um nýja stjórnarskrá landsins. Samkvæmt henni telst Kósóvó óaðskiljanlegur hluti Serbíu.

7 týndu lífi þegar súrefniskútur sprakk

Minnst 7 týndu lífi þegar súrefniskútur sprakk í Tiblisi, höfuðborg Georgíu í dag. Sprengingin varð á áfyllingarstöði Isani-Samgori hverfi. Byggingin, þar sem fyllt var á súrefniskúta, hrundi. Björgunarmenn eru enn að störfum í rústunum og óttast að fleiri eigi eftir að finnast látnir þar.

Vilja leyfa 30 grömm af maríjúana til einkaneyslu

Íbúar í Nevada-ríki í Bandaríkjunum greiða atkvæði um það í næsta mánuði hvort leyfa eigi fólki sem hefur náð 21. árs aldri að eiga allt að tæpum 30 grömmum af maríjúana og geyma það á eigin heimili. Sem stendur er Alaska eina ríkið í Bandaríkjunum sem refsar ekki þeim sem hafa maríjúana til eigin neyslu undir höndum.

Djúpsteikt Coca Cola vekur lukku í Texas

Tölvunarfræðingur frá Bandaríkjunum bætti á dögunum við úrval djúpsteiktra matvæla þegar hann bauð, fyrstur manna, upp á djúpsteikt Coca Cola.

Bildt selur hlutabréf

Carl Bildt, utanríkisráðherra Svíþjóðar, hefur selt hlutabréf sín í fyrirtæki sem fjárfestir í rússneska orkugeiranum. Andstæðingar hans sögðu hættu á hagsmunaárekstrum ef hann héldi þeim. Bildt segist hafa selt hlutabréf sín í fyrirtækinu fyrir nokkrum vikum.

Samúræji í Þýskalandi

Samúræjarnir svonefndu eru sjaldséð sjón nú til dags. Einn slíkur virðist þó hafa verið á ferli um Hamborg í Þýskalandi í nótt. Sá hafði tekið sér far með neðanjarðarlest en neitaði að greiða fargjaldið. Þegar lögregla kom á vettvang dró þessi þýski samúræi upp stóreflis sverð og sveiflaði því í kringum sig af miklum móð.

Úranvinnsla á öðru stigi

Íranar hafa hafið annars stigs auðgun á úrani en slík vinnsla er talin færa þá nær því að geta búið til kjarnorkusprengju.

Hefndum hótað

Talibanar saka herlið Atlantshafsbandalagsins í Afganistan um þjóðarmorð og hóta grimmilegum hefndum vegna loftárása á saklausa hirðingja í vikunni.

Pronk aftur til Súdans

Sendifulltrúi Sameinuðu þjóðanna í Súdan, Jan Pronk, mun snúa aftur til höfuðborgarinnar Khartoum þrátt fyrir að stjórnvöld í Súdan vilji ekki sjá hann. Talsmaður SÞ greindi frá þessu í dag.

Enn kveikt í strætisvagni í Frakklandi

Tveir vopnaðir menn kveiktu í strætisvagni rétt norður af París, höfuðborg Frakklands, í dag. Franska lögreglan greindi frá þessu. Í dag er eitt ár frá því til alvarlega óeirða kom í Frakklandi. Minningarganga var farin í einu úthverfa Parísar í dag þar sem óeirðirnar í fyrra blossuðu fyrst upp.

Salerni fyrir kynskiptinga?

Hvaða salerni á kynskiptingur að nota í ítalska þinghúsinu í Róm? Þessari spurningu reyna nú þingmenn að svara á neðri deild þingsins þangað sem kynskiptingur hefur fyrst náð kjöri í Evrópu. Vladimir Luxuria er fæddur karlmaður en gengur um í kvennfötum. Hann á eftir að gangast undir kynskiptiaðger. Kona sem situr á þingi fyrir hægriflokk hefur gert athugasemd við það að Vladimir noti salerni kvenna.

Argentínumenn vilja kaupa hergögn frá Rússum

Stjórnvöld í Argentínu hafa afhent Rússum eins konar innkaupalista yfir þau hergögn sem Argentínumenn ásælist og vilji kaupa af þeim. Sergei Ivanov, varnarmálaráðherra Rússlands, greindi frá þessu eftir viðræður við starfsbróður sinn frá Argentínu í dag. Itar-Tass fréttastofan rússneska greinir frá þessu.

Gefur út handtökuskipun á hendur Pinochet

Dómari í Chile hefur gefið út handtökuskipun á hendur Augusto Pinochet, fyrrverandi einræðisherra í landinu vegna glæpa sem framdir voru í leynilegu fangelsi sem starfrækt var í valdatíð hans í Chile.

Tveim múslimum sleppt úr haldi í Danmörku

Dönsk yfirvöld hafa látið lausa tvo af sjö ungum múslimum sem voru handteknir í Óðinsvéum í september síðasliðnum. Þeir eru grunaðir um að hafa undirbúið hryðjuverk í Danmörku.

Óeirðanna í Frakklandi minnst

Að minnsta kosti 500 manns tóku þátt í göngu í Clichy-sous-Bois, úthverfi Parísar, í dag til að minnast tveggja táningspilta sem léstust úr raflosti fyrir ári. Talið var að drengirnir hefðu verið að flýja lögreglu en dauði þeirra leiddi til óeirða meðal fátækra innflytjenda víða um Frakkland þar sem kveikt var í bæði bílum og húsum.