Bílbeltið gaf sig

Bílbelti slitnaði á ögurstund, með þeim afleiðingum að ökumaður á tvítugsaldri liggur alvarlega slasaður á gjörgæsludeild Landspítalans eftir að hann ók út af Sandgerðisvegi um klukkan hálf sjö í gærkvöldi og bílinn valt. Hann var einn í bílnum og kastaðist út úr honum eftir að beltið slitnaði.

Lokað fyrir fullt og fast

Umferð um aðalhlið varnarsvæðisins á Miðnesheiði hefur verið hætt. Hliðið var tekið í notkun í mars 2005, fyrir fimmtán mánuðum. Kostnaður við framkvæmdir vegna þess nam rúmum 130 milljónum króna en reist voru ný varðskýli og bygging fyrir vegabréfaumsýslu auk breytinga á bílastæðum og girðingu.

Flugumferðarstjóri þvingaður til vinnu veikur

Flugumferðarstjóri á Reykjavíkurflugvelli, sem tilkynnti sig veikan í gærmorgun, var úrskurðaður vinnufær af trúnaðarlækni og í framhaldinu sagt að mæta til vinnu. Formaður Félags íslenskra flugumferðarstjóra segir atburðinn fáheyrðan og stórhættulegan.

Slasaðist alvarlega eftir útafakstur

Ökumaður á tvítugsaldri var fluttur alvarlega slasaður á slysadeild Landspítalans eftir útaf akstur á Sandgerðisvegi um klukkan hálf sjö í kvöld. Ökumaður var einn í bílnum. Hann mun hafa kastast út úr ökutækinu eftir að bílbelti slitnaði. Tildrög slyssins eru ókunn en lögreglan í Reykjanesbæ fer með rannsók þess. Ekki liggja fyrir frekari upplýsingar um líðan mannsins að svo stöddu.

Sala jókst um 85% milli ára

Sala Össurar á öðrum ársfjórðungi þessa árs nam 4,8 milljörðum íslenskra króna. Söluaukningin jókst um 85% frá öðrum árstjórðungi árið 2005, mælt í Bandaríkjadölum. Þá var söluaukning vegna innri vaxtar 8%. Jón Sigurðsson, forstjóri Össurar, segir að aukning í sölu á stoðtækjum hafi verið umfram væntingar og sala á spelkum og stuðningsvörum hafi verið í takt við áætlanir.

Sútað fiskroð gefur vel í aðra hönd

Sútað fiskroð með merkinu Nike eða Prada gefur vel í aðra hönd. Rekstrargrundvöllur fyrirtækisins Sjávarleðurs á Sauðárkróki virðist tryggur og í fyrsta sinn frá stofnun þess árið 1995 er það farið að skila hagnaði.

Fornt akkeri á þurrt

Fornleifafræðingum á vegum Hólarannsóknarinnar tókst í dag að losa af hafsbotni við Kolkuós í Skagafirði fornt akkeri sem er talið staðfesta kenninguna um skipalægi suður af Elínarhólma. Talið er að Kolkuós hafi verið ein meginhöfn Norðlendinga á öldum áður og Elínarhólmi landfastur og því heppilegur til uppskipunar.

Brýnt að veita fjármagni til fornleifarannsókna

Þorgerður Katrín Gunnarsdóttir menntamálaráðherra segir brýnt að veita fjármagni til fornleifarannsókna svo hægt sé að ljúka þeim. Hún telur ástæðu til að styrkja Forneleifasjóð þar sem Kristnuhátíðarsjóðs njóti ekki lengur við.

Réðist með ofbeldi inn á skrifstofur Bónusvideo

Karlmaður á þrítugsaldri réðst inn á skrifstofur Bónusvídeós í Hafnarfirði í dag, barði tvær konur og reyndi að ræna töskum með peningum í. Hann var yfirbugaður af vegfarendum eftir að hafa stokkið út um glugga í meira en fjögurra metra hæð.

Litlu stærra en höfuðborgarsvæðið

Helsta átakasvæðið í Líbanon er litlu stærra en Stór-Reykjavíkursvæðið. Íbúar höfuðborgarinnar Beirút fara ekki varhluta af árásunum í suðurhluta landsins, því ekki eru nema um áttatíu kílómetrar þarna á milli.

RARIK hf. tekur formlega við á morgun

Hlutafélagið RARIK hf. tekur formlega við allri starfsemi Rafmagnsveitna ríkisins á morgun, fyrsta ágúst. Á stofnfundi hlutafélagsins í dag var kjörið í fimm manna stjórn og ákveðið ganga til samninga við Tryggja Þór Haraldsson í stöðu forstjóra RARIK hf. Tryggvi Þór hefur verið settur rafmagnsveitustjóri undanfarin misseri.

Jarðhitinn sparar okkur 30 milljarða árlega í hitakostnað

Jarðhitinn á Íslandi sparar þjóðarbúinu 30 milljarða árlega í upphitun húsa. Brenna þyrfi 800 þúsund tonnum af jarðeldsneyti á ári, ef kynda ætti allan húsakost landsmanna upp með olíu. Jarðvarminn á Íslandi er þannig jafnvel verðmætari en fólk gerir sér grein fyrir að mati Sigurðar Friðleifssonar hjá Orkusetri.

Leiðsegir fólki um Kárahnúkasvæðið

Ómar Ragnarsson fréttamaður segir ferðamenn um Kárahnúkasvæðið marga hverja vera undrandi á umfangi miðlunarlónsins sem senn verður fyllt. Hann mun verja sumarfríi sínu á Kárahnjúkum í sumar til að fræða ferðamenn um svæðið.

Áverkar sem eiga heima í stríði

Áverkar sem hljótast af ofbeldi í miðborg Reykjavíkur um helgar eiga heima í stríði - ekki í skemmtanalífi. Þetta segir yfirlæknir á slysadeild Landspítalans. Hann vill að fræðsla um ofbeldi og slæmar afleiðingar þess hefjist strax í leikskóla.

Fundur um varnarsamstarf Íslands og Bandaríkjanna

Næsti fundur samninganefnda Íslands og Bandaríkjanna um varnarsamstarf ríkjanna verður haldinn í Washington, höfuðborg Bandaríkjanna, dagana 3. og 4. ágúst n.k. Albert Jónsson, sendiherra, fer fyrir íslensku samninganefndinni en hún er skipuð fulltrúum úr forsætis-, utanríkis-, fjármála- og dómsmálaráðuneyti.

Fíkniefni finnast á Sauðárkróki

Rúmlega tvítugur maður var handtekinn á Sauðárkróki aðfaranótt sunnudags fyrir vörslu fíkniefna. Maðurinn var tekinn í teiti í heimahúsi og fundust á honum rúm sex grömm af hassi og tæplega þrjú grömm af amfetamíni sem hann ætlaði til sölu. Málið telst upplýst.

Umræðufundur um ástandið í löndunum fyrir botni Miðjarðarhafs

Ástandið, í löndunum fyrir botni Miðjarðarhafs, verður tekið fyrir á opnum umræðufundi í Valhöll á morgunn.

Malbikunarframkvæmdir á Suðurlandsvegi

Malbikunarframkvæmdir hefjast í kvöld á Suðurlandsvegi í Hveradalabrekku. Gert er ráð fyrir að verkið taki einn og hálfan sólarhring og mega vegfarendur búast við umferðartöfum á meðan á því stendur.

Vélarvana bátur úti fyrir Rifi

Um klukkan tvö fékk Neyðarlínan tilkynningu um vélarvana bát eina sjómílu norður af Rifi á Snæfellsnesi. Björgunarskipið Björg var komið að bátnum tuttugu mínútum seinna og dró hann í land. Báturinn er 8 metra langur línu- og handfærabátur og var einn maður um borð.

Ingólfur Hartvigsson ráðinn sóknarprestur í Kirkjubæjarklausturprestakalli

Ingólfur Hartvigsson hefur verið ráðinn í embætti sóknarprests í Kirkjubæjarklausturprestakalli frá og með 1. ágúst.

Rán í Hafnarfirði

Rán var framið um eitt leitið í dag á skrifstofum Bónusvídeó í Hafnarfirði. Tveir menn eru taldir koma við sögu. Einn hefur verið handtekinn en annar komst undan á bíl.

Tónleikar Sigur Rósar í kvikmyndahúsi í London

Tónleikar Sigur Rósar á Miklatúni í gærkvöldi voru ekki bara vel sóttir hér á landi heldur var fullt hús í kvikmyndahúsinu National Film Theatre í London þar sem tónleikunum var sjónvarpað beint á kvikmyndatjald.

Sjávarleður skilar hagnaði

Fyrirtækið Sjávarleður á Sauðárkróki er farið að skila hagnaði, í fyrsta sinn frá stofnun þess árið 1995 og forsvarsmaður þess segir að reksturinn gangi jafnvel betur nú en í fyrra, þegar gerður var samningur við hinn þekkta íþróttavöruframleiðanda NIKE.

Siv í formann eða varaformann?

Spenna fer vaxandi meðal framsóknarmanna fyrir flokksþingið eftir þrjár vikur, vegna óvissu um framboð Sivjar Friðleifsdóttur til formanns eða varaformanns.

Laun stjórnenda fjármálafyrirtækja hækka meira en annarra

Laun stjórnenda fjármálafyrirtækja hækka mun meira en laun annarra stjórnenda í þjóðfélaginu, samkvæmt samantekt Frjálsrar verslunar, og höfðu fimm tekjuhæstu mennirnir í þeim flokki á bilinu tíu til tuttugu og tvær milljónir króna á mánuði.

Fimm í haldi í strippbúllustríði

Fimm voru handteknir á skemmtistaðnum Bóhem í Reykjavík laust eftir miðnætti í gærkvöldi. Þeir héldu starfsfólki staðarins í gíslingu. Lögreglan auk sérsveitarmanna handtók mennina sem eru enn í haldi.

Borgarráð í viðræðum um hverfislöggæslu

Borgarráð hefur samþykkt að taka upp viðræður við dómsmálaráðuneytið og Lögregluna í Reykjavík um að koma á fót sýnilegri hverfislöggæslu í öllum hverfum borgarinnar. Dagur B. Eggertsson segir í yfirlýsingu, sem hann sendi frá sér í dag, að í ljósi þess hversu mikið ofbeldi hefur átt sér stað í miðborginni undanfarið ætti einnig að athuga grundvöll fyrir aukinni miðborgarvakt lögreglu.

Straumur-Burðarás kaupir hlut í ráðgjafafyrirtæki

Straumur-Burðarás hefur keypt 50% hlut í breska ráðgjafafyrirtækinu Stamford Partners og gert kaupréttarsamning um annað hlutafé félagsins. Þetta kemur fram í morgunkorni Glitnis.

Bíll alelda

Bíll stóð í ljósum logum og mikinn reyk lagði frá honum á Suðurlandsbraut rétt fyrir klukkan tíu í morgun. Slökkviliðið var kallað á svæðið og gekk greiðlega að slökkva eldinn. Bíllinn var yfirgefinn og ekki á númerum. Ekki er vitað hver upptök eldsins voru.

Um fimmtán þúsund manns á Sigur Rós

Lögregla telur að um fimmtán þúsund manns hafi verið á hljómleikum Sigur Rósar og Aminu á Klambratúni, eða Miklatúni í gærkvöldi.

Smáskjálftar út frá Gjögurtá

Hrina smáskjálfta varð út frá Gjögurtá, út af austanverðu mynni Eyjafjarðar í gær. Alls mældust 69 skjálftar og voru þeir sterkustu 1,7 á Richter. Jarðvísindamenn á Veðurstofunni segja hrynur sem þessar algengar út af Norðurlandi og að hrinan í gær viti ekki á frekari tíðindi.

Mótmæli við Kárahnjúka

Hópur fólks mótmælti virkjanaframkvæmdum við Kárahnjúka í gær með því að fara inn á vinnusvæði og leggjast þar á vegi. Við það stöðaðist umferð.

Húsnæðisveltan dregst saman

Húsnæðisveltan á höfuðbörgarsvæðinu dregst enn saman og var aðeins hundrað og fjórum kaupsamningum þinglýst í síðustu viku.

Bifhjólamaður stingur af

Bifhjólamaður mældist á 145 kílómetra hraða á Hafnarfjarðarvegi um Kópavog í gærkvöldi, en hann sinnti ekki stöðvunarmerkjum lögreglu og stakk af til Reykjavíkur.

Ekið á sex ára stúlku á reiðhjóli

Ekið var á sex ára stúlku á reiðhjóli, á mótum Hofsvallagötu og Hringbrautar, rétt fyrir klukkan níu í morgun. Stúlkan er ekki talin alvarlega slösuð. Hún meiddist þó á vinstri fæti og var flutt á slysadeildina í Fossvogi.

Allur úrgangur endurunninn

Moltugerð á Sauðárkróki í tilraunaskyni gaf það góða raun að innan tíðar verður farið að vinna 18 rúmmetra af úrgangi á dag í þremur stórum tromlum. Hlutafélagið Jarðgerð stendur fyrir því að nýta með þessum hætti allan lífrænan úrgang sem til fellur hjá sveitarfélaginu og nágrenni, sem ekki er hægt að nýta í fóðurgerð.

Gætu verið elstu prentuðu bækur landsins

Tvær bækur fundust í uppgreftrinum á Skriðuklaustri í einni og sömu gröfinni sem er einsdæmi. Önnur bókanna var hugsanlega prentuð í fyrstu prentsmiðju landsins að Hólum. Margir af helstu fornleifasérfræðingum heims hafa komið hingað til lands að undanförnu til að taka þátt í rannsóknum á þeim munum sem finnast í uppgreftrum fornleifafræðinga víða um land.

Húsfyllir á Belle & Sebastian

Góð stemning var á einum mestu tónleikum sem fram hafa farið á Borgarfirði eystra þegar Belle and Sebastian steig á stokk á eftir Emilíönu Torrini. Fólksfjöldi sveitarfélagsins tífaldaðist meðan á tónleikunum stóð.

Laus úr haldi

Ingi Tamimi, íslenski drengurinn sem ísraelskir öryggisverðir tóku til yfirheyrslu á flugvellinum í Tel Aviv í morgun, er nú laus. Hann var í rúmar þrettán klukkustundir í gæslu öryggisvarða og fékk hvorki vott né þurrt allan þann tíma. Móðir hans segir að honum hafi verið sleppt nú síðdegis. Síðast þegar fréttist var hann á leið til frænku sinnar, sem býr í Jerúsalem. Ingi er sautján ára.

Fjórar hassplöntur gerðar upptækar

Fjórar hassplöntur fundust í heimahúsi í Kópavogi í nótt. Lögreglunni barst tilkynning um hugsanlega fíkniefnaneyslu í íbúðinni og við nánari athugun fundust tæki og tól til fíkniefnaneyslu sem og hassplönturnar fjórar. Húsráðandi var handtekinn og færður til yfirheyrlsu og plönturnar gerðar upp tækar.

Friðarhlaupi lýkur

Hinu alþjóðlega kyndilhlaupi World Harmony Run lýkur í dag. Hlaupnir hafa verið yfir 1500 kílómetrar hringinn í kringum landið. Hlaupararnir hafa lagt mikið á sig við að bera kyndilinn kringum landið. Í morgun hlupu þeir þó ekki heldur syntu yfir sjálfan Hvalfjörðinn.

Brotist inn í íþróttaverslun

Brotist var inn í íþróttaverslun í Keflavík í nótt. Vegfarandi tilkynnti lögreglu um innbrotið sem kom á staðinn og greip innbrotsþjófana glóðvolga þar sem þeir voru að stinga á sig skóm og fleira smálegu. Þeir voru færðir í fangafeymslur lögreglunnar.

Tekinn á 164 km hraða á bifhjóli

Einn maður á bifhjóli var tekinn fyrir of hraðan akstur á Sæbraut í nótt þar sem hann ók á 164 km hraða en þar er hámarkshraði 60 kílómetrar á klukkustund. Maðurinn, sem er erlendur ferðamaður, var sviptur ökuréttindum á staðnum.

Íslendingur í haldi

Sautján ára Íslendingur, Yousef Ingi Tamimi, er búinn að vera í haldi öryggisvarða á flugvellinum í Tel Aviv í tíu klukkustundir. Hann fær engar upplýsingar um hvers vegna honum er haldið.

Tónleikar Sigur Rósar í kvöld

Hljómsveitin Sigur Rós heldur tónleika á Klambratúni í kvöld og eru tónleikarnir liður í tónleikaferð sveitarinnar um Ísland. Viðbúnaður lögreglu er mikill því búist er við miklu fjölmenni. Tónleikaröðin verður tekin upp á myndband og síðar á að gera heimildamynd um hana.