Vill að Menningarnótt verði færð á sunnudag

Geir Jón Þórisson, yfirlögregluþjónn í Reykjavík, ætlar enn að hvetja til þess að hátíðarhöld á menningarnótt verði færð yfir á sunnudag, í stað laugardags. Þetta telur hann affarasælast til að koma í veg fyrir mikla unglingadrykkju í kjölfar listadagskrár menningarnætur.

Kínverjinn á batavegi

Kínverjinn sem ráðist var á, í vinnubúðum Impregilo við Kárahnjúka, er á batavegi og líklegt er að hann verði útskrifaður seinna í dag.

Enn á gjörgæslu

Maðurinn, sem slasaðist í umferðarslysi á Vesturlandsvegi í gærnótt er enn á gjörgæslu Landspítalans í Fossvogi. Maðurinn er alvarlega slasaður og er honum haldið sofandi í öndunarvél. Maður á fimmtudgsaldri lést í slysinu en það varð með þeim hætti að hross hljóp í veg fyrir bíl sem ekið var í átt til Reykjavíkur. Við það missti ökumaður stjórn á bílnum sem kastaðist yfir á öfugan vegarhelming og lenti á öðrum bíl.

Eldurinn sást langar leiðir

Töluverður eldur kviknaði þegar sprenging varð í gasleiðslu í Austur-Tyrklandi í gær. Sprengingin varð þar sem leiðslan liggur í gegnum Agri-hérað. Sprengingin mun hafa verið svo kröftug að nálæg hús hristust. Nálægri dælustöð var lokað. Eldinn mátti sjá loga í margra kílómetra fjarlægð.

Leyniskyttur fella um 20 pílagríma

Að minnsta kosti 20 pílagrímar féllu fyrir hendi leyniskyttna í Bagdad, höfuðborg Íraks, í dag. 300 þeirra særðust. Sjíar voru þar á leið að helgidómi til að votta látnum trúarleiðtoga virðingu sína. Öfgamenn úr röðum súnnía eru sagðir standa að baki ódæðunum.

Börn nota sprengjur sem leikföng

Ótal virkar sprengjur af ýmsum gerðum er að finna á götum Suður-Líbanon og hafa þær limlest marga íbúa þar eða orðið þeim að fjörtjóni. Björgunarfólk hefur reynt að merkja sem flestar sprengjur kirfilega áður en sprengjusérfræðingar gera þær óvirkar.

Meðhöndlaðir sem landráðamenn

Líbönsk stjórnvöld segja að hart verði tekið á þeim sem rjúfi vopnahlé Ísraela og Hizbollah-skæruliða. Ísraelar halda fast við þá skýringu að áhlaup á Austur-Líbanon í gær hafi verið gert til að stöðva vopnasendingu til skæruliða. Framkvæmdastjóri Sameinuðu þjóðanna segir Ísraela hafa brotið gegn skilmálum vopnahlésins.

Maður á fimmtugsaldri þungt haldinn

Starfsmaður Impregilo við Kárahnjúkavirkjun varð fyrir alvarlegri líkamsárás á vinnusvæðinu í morgun. Hann var fluttur mikið slasaður með flugi til Reykjavíkur um klukkan ellefu. Samvkæmt upplýsingafulltrúa Impregilo virðist sem ráðist hafi verið á manninn í svefni með bareflum. Lokað hefur verið fyrir alla umferð úr starfsmannabúðum á meðan málið er í rannsókn lögreglu. Maðurinn, sem er kínverskur og á fimmtugsaldri, mun hafa misst mikið blóð og er hann með töluverða áverka á höfði.töluverða áverka á höfði.

Bankaræningi tekin höndum

Lögreglan í Portúgal handtók í fyrradag mann sem tók annan mann í gíslingu þegar sá fyrri reyndi að ræna banka í Almada, úthverfi Lissabon. Manninum, sem er starfsmaður bankans, var sleppt úr gíslingu eftir að lögregla skarst í leikinn. Ekki liggur fyrir hvernig lögregla fékk gíslatökumanninn til að láta manninn lausann. Látið var til skarar skríða eftir að erfiðlega hafði gengið að semja um lausn mannsins. Umsátrið stóð í þrjár klukkustundir og var nágrenni bankans girt af á meðan reynt var að semja við bankaræningjann. Bankinn sem hér um ræðir hefur verið rændur fjórum sinnum áður.

Fyrsti unginn í átta ár

Starfsmenn dýragarðsins í Cincinnati í Bandaríkjunum fögnuðu á dögunum fæðingu fyrstu górillunnar þar í átta ár. Muke fæddi þar heilbrigða, karlkyns górillu og er það þriðja fæðing hennar. Muke er tuttugu og fjögurra ára en faðirinn, Jomo, er fimmtán ára og lánaður frá dýragarðinum í Toronto. Górillurnar í dýragarðinum í Cincinnatti hafa verið nokkuð duglegar við að eignast afkvæmi og höfðu tæplega fimmtíu fæðst þar fram til ársins 1998 en þá bættist ekkert í hópinn, þar til fyrir viku.

Ætla taka hart á vopnasmygli

Líbanar ætla að taka hart á tilraunum til að smygla vopnum til Hizbollah-skæruliða í Líbanon. Ísraelar halda fast í þá skýringu að skyndiáhlaupið á svæði skæruliða í Austur-Líbanon í gær hafi verið gert til að koma í veg fyrir slíkt og fleiri aðgerðir mögulegar ef sama staða komi upp. Kofi Annan, framkvæmdastjóri Sameinuðu þjóðanna, er ekki á sama máli og segir Ísraela hafa brotið gegn vopnahlé milli þeirra og Hizbollah-skæruliða með áhlaupi sérsveitarmanna snemma í gær. Hann segir aðgerðirnar valda áhyggjum. Elias al-Murr, varnarmálaráðherra Líbanons, sagði í morgun að her landsins myndi bregðast hart við hvers kyns tilraunum til að brjóta gegn vopnahlé Ísraela og Hizbollah-skæruliða. Ef flugskeyti verði skotið frá Líbanon á ísraelskt landsvæði þá gagnist það Ísraelum í stríði þeirra og gaf ráðherrann þar í skyn að slíkt myndi gefa Ísraelum átillu til að hefja árásir á Líbanon að nýju. Hann sagðist sannfærður um að skæruliðar Hizbollah myndu halda að sér höndum. Murr segir Líbansher ráða svæðinu við landamæri að Sýrlandi og taka hart á tilraunum til að flytja vopna þar yfir. Hizbollah-liðar hafa greitt hverri þeirri fjölskyldu sem missti heimili sitt í Suður-Beirút jafnvirði tæpra sjö hundruð þúsunda króna og halda því áfram. Fólk sótti fjárstuðning í morgun í skóla í borginni. Líbanar lofa Hizbollah-skæruliða fyrir gjafmildi. Á sama tíma koma utanríkisráðherrar Arabaríkja saman í Kairó í Egyptalandi til að ræða hvernig fjármagan megi endurbyggingu landsins. Spenna magnast milli flestra hófsamra ríkja í Arabaheiminum og Sýrlendinga, sem eru helstu bakhjarlar Hizbollah. Deilt er framtíð Líbanons. Hófsamir óttast að stríðið í Líbanon hafi gefið Írönum og herskáum aröbum byr undir báða vængi og telja því mikilvægt að sættast á áætlun sem miðið að því að koma friðarferlinu í Mið-Austurlöndum aftur á skrið. Assa, Sýrlandsforseti, sagði í ræðu fyrir helgi að stríðið hefði afhjúpað hvaða þjóðum í heiminum væri stýrt af liðleskjum hverjum ekki. Þau ummæli hafa vakið mikla reiði meðal margra ráðamanna í þessum heimshluta.

Ólöglegur innflytjandi leitar hælis í kirkju

Umsátursástand hefur skapast fyrir utan kirkju í Chicago í Bandaríkjunum þar sem kona sem komst ólöglega inn í landið hefur leitað hælis. Fulltrúar bandaríska innflytjendaeftirlitsins bíða fyrir utan kirkjuna en þeim er ætlað að fylgja henni aftur til Mexíkó. Stuðningmenn konunnar, Elviru Arellano, krefjast þess að yfirvöld fresti því að vísa að konunni úr landi. Ef það fáist ekki séu allar líkur til þess að yfirvöld sæki hana með valdi inn í kirkjuna. Konan heldur þar til ásamt sjö ára syni sínum sem er bandarískur ríkisborgari. Elvira hefur nokkrum sinnum komist ólöglega yfir landamærin síðan 1997 og frá árinu 2003 hafa yfirvöld þrisvar frestað því að vísa henni úr landi. Elvira segist vilja dvelja áfram í landinu til að tryggja syni sínum betra líf.

Eldur í íbúðarhúsi í Hörðalandi

Slökkviðliðið var kallað að íbúðarhúsi í götunni Hörðalandi á ellefta tímanum í morgun eftir að tilkynnt hafði verið um reykjaskynjara í gangi og að reykj legði út um glugga. Vitað var að ein kona var inn í húsinu og voru þrjár stöðvar ræstar út. Þegar komið var á vettvang var konan komin út af sjálfsdáðum. Í ljós kom að pottu hefði verið skilinn eftir á eldavél og var eldur því lítill en reykræsta þurfti húsið.

Nítíu þúsund manns fylgdust með flugeldasýningunni

Níutíuþúsund manns fylgdust með flugeldasýningunni við Hafnarbakkann í Reykjavík á menningarnótt. Ölvun var mikil í miðbænum og töluvert um ryskingar. Talið er að flestir hafi haldið heim á leið að flugeldasýningunni lokinni en að um fimmtán þúsund hafi orðið eftir í miðbænum. Övun var nokkuð mikil eða með svipuðum hætti og á síðasta ári. Mikið var um riskingar og höfðu sjúkraflutningamenn í nógu að snúast við að flytja fólk með skurði og skrámur á slysadeild. Engin slasaðist þó alvarlega. Mest var að gera hjá lögregunni á milli klukkan tólf og fjögur í nótt og voru áttatíu lögreglumenn á vakt þegar mest var. Varðstjóri lögreglunnar í Reykjavík þakkar mikilli löggæslu að engar alvarlegar árásir hafi orðið í nótt. Á áttunda og níunda tímanum í morgun var lögreglan að hriða upp þá síðustu sem höfðu sofnað hér og þar um bæinn sökum ölvunar. Þá flutti lögreglan tuttugu ungmenni í foreldrahúsið í Vonarstæti þangað sem forráðamenn voru fengnir til að sækja þau og fóru þau síðustu heim klukkan fimm í nótt.

Lést í umferðarslysi á Vesturlandsvegi

Maður á fimmtugsaldri lést í umferðarslysi á Vesturlandsvegi eftir að bifreið ók á hross sem hljóp yfir veginn um miðnætti í nótt. Einn var fluttur alvarlega slasaður og gekkst hann undir aðgerð í nótt. Að sögn vakthafandi læknis á gjörgæslu Landspítalans er hann í öndunarvél.

Ekki búið að selja kvótann

„Þetta er allt í stoppi núna,“ segir Óli Bjarni Ólason, útgerðarmaður í Grímsey, en hann vinnur að sölu aflaheimilda sinna sem eru um tólf hundruð þorskígildistonn. Málið er mjög stórt fyrir Grímseyinga þar sem aflaheimildir Óla nema fjörutíu prósentum allra aflaheimilda í eynni.

Þéttir og bætir ríkisstjórnina

Geir H. Haarde telur niðurstöðu landsfundar framsóknarmanna til þess fallna að þétta og bæta ríkisstjórnarsamstarfið. Hann segir þó ómögulegt að spá hvort verulegar áherslubreytingar fylgi nýrri forustu. „Ég tel fullvíst að við í Sjálfstæðisflokknum eigum áfram gott samstarf við ráðherra Framsóknarflokksins.“

Ætum vírusum dreift á mat

Bandarísk heilbrigðisyfirvöld hafa leyft notkun á blöndu vírusa sem úðað verður á kjötálegg, pylsur og kjúklinga. Vírusarnir éta bakteríur sem geta valdið lífshættulegum sýkingum.

Framkvæmdirnar njóta stuðnings

Forsætisráðherra heimsótti virkjanasvæði Kárahnjúka í gær ásamt Ómari Ragnarssyni. Ráðherrann sá stóran hluta þess svæðis sem fer undir vatn í fyrsta sinn.

Boðar samstöðu og sættir flokksmanna

Jón Sigurðsson, nýr formaður Framsóknarflokksins, ætlar að gera allt sem í hans valdi stendur til að jafna ágreining innan flokksins. Guðni Ágústsson var endurkjörinn varaformaður og Sæunn Stefánsdóttir var kosin ritari.

Ekki auðvelt að setjast í stól Halldórs

Jón Sigurðsson, formaður Framsóknarflokksins, lauk lofsorði á Halldór Ásgrímsson í ræðu á flokksþinginu í gær og þakkaði honum árangursrík störf fyrir land og þjóð. Siv Friðleifsdóttir segir stöðu sína innan flokksins hafa styrkst.

Jón Sigurðsson er formaður Framsóknarflokksins

Jón Sigurðsson, iðnaðar- og viðskiptaráðherra,er nýr formaður Framsóknarflokksins. Þetta var tilkynnt á flokksþingi Framsóknar sem stendur sem hæst í Reykjavík. Hann hlaut rúm 54% atkvæða og hafði þar betur en andstæðingar hans Siv Friðleifsdóttir, heilbrigðisráðherra, og Haukur Haraldsson.

Guðni endurkjörinn

Guðni Ágústsson, landbúnaðarráðherra, var endurkjörinn varaformaður Framsóknarflokksins á flokksþingi sem stendur nú sem hæst. Þar með lagði hann mótframbjóðanda sinn, Jónínu Bjartmarz, umhverfisráðherra. Guðni fékk 60,91% atkvæða en Jónína 36,54%. 841 voru á kjörskrá, 718 greiddu atkvæði eða 85,4%.

Stjórnvöld á Srí Lanka fagna fjölgun eftirlitsmanna

Stjórnvöld á Srí Lanka fagna þeirri ákvörðun íslenskra stjórnvalda að tvöfalda fjölda Íslendinga í norræna friðareftirlitinu í landinu. Í yfirlýsingu frá stjórnvöldum á Srí Lanka segir að íslensk stjórnvöld hafi sýnt staðfestu gagnvart skuldbindingu þeirra um að tryggja friðarferlið á Srí Lanka.

Nýjar upplýsingar um sjávardvöl laxsins

Upplýsingar um sjávardvöl laxins, sem aldrei áður hafa fengist, skiluðu sér til Veiðimálastofnunar í vikunni þegar þrír laxar með rafeindamerki komu úr sjóferð sinni í Kiðafellsá í Kjós.

Vopnahlésbrot segja Líbanar

Ísraelar gerðu snemma í morgun skyndiáhlaup á bæinn Boudai í Austur-Líbanon, að sögn til að koma í veg fyrir flutning vopna til Hizbollah-skæruliða. Forsætisráðherra Líbanons segir þetta freklegt brot á vopnahlé í landinu en Ísraelar segjast þvert á móti vera að fylgja skilmálum þess.

Sæunn nýr ritari Framsóknarflokksins

Sæunn Stefánsdóttir, fyrrverandi aðstoðarmaður heilbrigis- og tryggingamálaráðherra, er nýr ritari Framsóknarflokksins en hún var kjörinn í það embætti á flokksþingi fyrir stundu. Sæunn hlaut afgerandi kosningu eða 75,43% atkvæða en mótframbjóðandi hennar, Haukur Logi Karlsson, hlaut 14,19% atkvæða.

Ísraelsher handtekur varaforsætisráðherra Palestínu

Ísraelskir hermenn handtóku í dag varaforsætisráðherra palestínsku heimastjórnarinnar í Ramallah á Vesturbakkanum. Hermenn réðust inn á heimili Nasser Shaer og járnuðu hann. Eiginkona hans segir mann sinn hafa farið huldu höfði síðan Ísraelsmenn hófu að handtaka þingmenn Hamas-liða og ráðherra þeirra í heimastjórninni í júní eftir að palestínskir byssum rændu hermanni á Gaza-svæðinu. Þar með eru fjórir ráðherrar í stjórn Hamas í haldi Ísraelsmanna og tuttugu og átta þingmenn. Fjórir ráðherrar hafa einnig verið teknir höndum en þeim síðan sleppt. Ísraelski hermaðurinn Gilad Shalit er enn í haldi mannræningja sinna. Ísraelar segja handtökurnar ekki tengjast mannráninu, aðeins sé verið að handtaka þá sem grunur leiki á að hafi átt þátt í hryðjuverkum.

Grunaður um að hafa komið fyrir sprengjum í lestum

Lögreglan í Þýskalandi handtók í morgun mann sem er grunaður um að hafa átt þátt í að koma fyrir sprengjum í tveimur lestum þar í landi í síðasta mánuði. Sprengjurnar fundust í lestum í borgununum Dortmund og Koblenz. Maðurinn talinn annar tveggja sem sést á upptöku í öryggismyndavél á aðallestarstöðinni í Köln en báðar lestirnar fóru um hana. Maðurinn var handtekinn á aðallestarstöðinni í Kiel í norðurhluta Þýskalands. Í gær greindu þýsk lögregluyfirvöld frá því að grunur léki á að þeir sem komu sprengjunum fyrir tengdust hryðjuverkasamtökum.

Íranar með stórfelldar heræfingar

Íransher hóf stórfelldar heræfingar í landinu í dag. Þeim er ætlað að ýta úr vör nýrri varnarstefnu landsins að sögn íranskra fjölmiðla. Æft verður í fjórtán af þrjátíu héruðum landsins og áætlað að æfingarnar standi í allt að fimm vikur. Íranar eru enn beittir þrýstingi af alþjóðasamfélaginu vegna kjarnorkuáætlunar sinnar og ásakaðir um að styðja við skæruliða Hizbollah í Líbanon. Því hafa Íranar neitað og auk þess sagst ælta að nota kjarnorku í friðsamlegum tilgangi.

Árás á olíuleiðslu

Herskáir andspyrnumenn gerðu í morgun árás á olíuleiðslu suður af Bagdad, höfuðborg Íraks. Þykkan reyk lagði frá árásarstaðnum. Leiðslan flytur olíu til orkuversins í Musayyib og hefur áður verið skotmark andspyrnumanna. Íbúar í nágrenninu hafa krafist þess að stjórnvöld verji leiðsluna af ótta við umhverfismengun og sýkingarhættu. Andspyrnumann hafa gert árásir á olíuleiðslur víða í Írak til að reyna að tefja fyrir flutningum og skaða olíuverslun Íraka

Mikill fjöldi í miðbænum

Mikill fjöldi gesta er í miðbæ Reykjavíkur til berja dagskrárliði menningarnætur augum. Búið er að loka fjölda gatna, þar á meðal Laugarveginum en þar er komið heljarmikið tónlistarsvið þar sem hinir ýmsu hæfileikamenn troða upp í dag. Mælt er með því að þeir sem koma á einkabílum leiti sér að stæðum við Háskólann eða við Sæbraut. Hinn virðulegi farskjóti Menningarstrætó þykir einnig góður kostur en upplýsingar um ferðir hans má meðal annars nálgast á vefsíðunni menningarnott.is.

Birkir Jón og Kristinn H. draga framboð til ritara til baka

Framsóknarþingmennirnir Birkir Jón Jónsson og Kristinn H. Gunnarsson hafa báðir dregið framboð sitt til ritara Framsóknarflokksins til baka. Þeir hvetja kjósendur á flokksþingi til að velja Sæunni Stefánsdóttur í embætti ritara svo ein kona verði í framvarðarsveit flokksins. Eftir í kjöri eru því Sæunn og Haukur Logi Karlsson.

28 flúðu úr fangelsi í Belgíu

28 fangar flúðu úr Termond fangesli í austurhluta Flanders í Belgíu í nótt og í morgun. Sex þeirra hafa þegar fundist en hinna er enn leitað.

Látinna leitað eftir eldgos

Björgunarmenn leita nú 30 manna sem enn er saknað eftir að eldfjallið Tungurahua í Ekvador gaus á fimmtudaginn. Einn lést í gosinu svo vitað sé, fimmtugur karlmaður, sem sagður er hafa snúið aftur til síns heima til að sækja sjónvarpið sitt.

Formannskjör í Framsóknarflokknum hafið

Flokksþing Framsóknarflokksins stendur núna sem hæst og hófs formannskosning fyrir rúmum hálftíma síðan. Úrslit verða kynnt kl. 11:30 og verður sýnt beint frá því á NFS.

Börðust í návígi í Bekaa-dal

Skæruliðar Hizbollah börðust í návígi við sérsveitarmenn Ísraelshers í Bekaa-dal í Austur-Líbanon snemma í morgun. Að minnsta kosti einn hermaður féll. Herliðið var sent þangað til að koma í veg fyrir flutning vopna til skæruliðanna.

Alvarlegt bílslys

Einn slasaðist alvarlega í bílslysi í Vopnafirði í nótt og var fluttur með sjúkraflugi til Reykjavíkur. Engar frekari upplýsingar liggja fyrir að svo stöddu.

Höfuðkúpu- og kjálkabeinsbrotnaði

Maður höfuðkúpubrotnaði og var fluttur meðvitundarlaus á slysadeild eftir að félagi hans réðst á hann í heimahúsi í Skerjafirði í gærkvöld. Hann komst þó fljótt til meðvitundar en er auk höfuðkúpubrotsins, kjálkabeinsnbrotinn og með brotinn augnbotn og augntóft. Ekki er ljóst hvað gerðist en að sögn lögreglu voru þrjú vitni að árásinni.

Nú er mál að linni – nú stíg ég af sviðinu

Halldór Ásgrímsson kvaddi flokkssystkini sín í ræðu á flokksþingi Framsóknarflokksins í gær. Sagði hann Framsóknarflokkinn hafa gefið sér miklu meira en hann flokknum. Halldór var hylltur með löngu lófataki að ræðunni lokinni.

Pinochet sviptur friðhelgi

Augusto Pinochet, fyrrverandi einræðisherra Chile, á yfir höfði sér ákærur vegna skattsvika sem talið er að nemi jafnvirði tæplega tveggja milljarða íslenskra króna. Hæstiréttur Chile ákvað í dag að svipta Pinochet friðhelgi vegna málsins. Pinochet, sem er níræður, hefur ekki verið sóttur til saka fyrir ákærur um mannréttindabrot vegna heilsubrests. Hann er sagður þjást af vægum vitglöpum sem eru afleiðing nokkurra smávægilegra heilablóðfalla.

Vopnahlé rofið?

Ísraelskar herþotur, þyrlur og mannlaus loftför flugu yfir Bekaa-dal í Austur-Líbanon og norðurhluta landsins í kvöld. Að sögn Reuters-fréttastofnunar var engum sprengjum varpað líkt og haldið var fram í erlendum miðlum fyrr í kvöld. Skotið var á vélarnar úr loftvarnarbyssum en engin þeirra varð fyrir skoti og skothríðinni var ekki svarað. Ísraelsher hefur ekki viljað tjá sig um atburði kvöldsins. Ísraelskum herflugvélum er flogið margsinnis í gegnum líbanska lofthelgi.

Jón Baldvin hafnaði myndun vinstri stjórnar 1995

Jón Baldvin Hannibalsson, þáverandi formaður Alþýðuflokksins hafnaði myndun vinstri stjórnar árið 1995 að sögn Halldórs Ásgrímssonar, fráfarandi formanns Framsóknarflokksins.

Guðni skýtur á R-listann

Frambjóðendur til varaformanns Framsóknarflokksins fóru vítt í ræðum sínum. Guðni sakaði samfylkingarmenn í R-listanum fyrir að hafa stolið heiðrinum af störfum Framsóknarmanna og skaut á Actavis í umræðu um hátt verðlag. Jónína Bjartmarz eignaði framsóknarmönnum það besta í ríkisstjórnarsamstarfinu og talaði fyrir verndun Íbúðalánasjóðs.

Hugmynd um kláf upp á Gleiðarhjalla

Fæðst hefur sú hugmynd á Ísafirði að byggja kláf upp á Gleiðarhjalla sem liggur fyrir ofan bæjinn.