Körfubolti

Pablo Bertone aftur í Val

Ingvi Þór Sæmundsson skrifar
Pablo Bertone fagnar eftir sigur Vals á Tindastóli í oddaleik um Íslandsmeistaratitilinn vorið 2022.
Pablo Bertone fagnar eftir sigur Vals á Tindastóli í oddaleik um Íslandsmeistaratitilinn vorið 2022. vísir/bára

Körfuboltamaðurinn Pablo Bertone er genginn í raðir Vals á ný. Hann varð Íslands- og bikarmeistari með Val síðast þegar hann lék með liðinu.

Á síðasta tímabili lék Bertone, sem er 36 ára bakvörður, með Stjörnunni. Í tuttugu leikjum í Bónus deildinni skoraði hann 10,6 stig að meðaltali, tók 3,4 fráköst og gaf 2,0 stoðsendingar.

Bertone kom upphaflega hingað til lands tímabilið 2020-21 þegar hann lék með Haukum.

Bertone lék með Val næstu tvö tímabil. Hann varð Íslandsmeistari með liðinu 2022 og bikarmeistari 2023.

Valur endaði í 4. sæti Bónus deildarinnar á síðasta tímabili og féll úr leik gegn Grindavík í undanúrslitum, 3-2.

Valur hefur einnig samið við Dwayne Lautier-Ogunleye, stigahæsta leikmann Bónus deildarinnar á síðasta tímabili. Hann kom frá Njarðvík. Frank Aron Booker er hins vegar farinn til Álftaness.

Bónus-deild karla Valur

Mest lesið


Fleiri fréttir

Sjá meira


×

Mest lesið