Einn um borð þegar eldur kviknaði í fiski­bát

Í tilkynningu þess efnis frá Landsbjörg segir að áhafnir björgunarskipanna Kobba Láka í Bolungarvík og Guðmundar í Tungu á Ísafirði hafi strax verið boðaðar út á mesta forgangi ásamt áhöfn björgunarbátsins Stellu á Flateyri.

Liðsmenn slökkviliðs Ísafjarðar hafi með Guðmundi í Tungu. Áhöfn þyrlu hafi einnig boðuð út auk þess sem nærstaddir bátar hafi haldið þegar á staðinn til aðstoðar.

Eldurinn hafi virst loga í vélarrúmi og slökkvikerfi bátsins hafi verið virkjað og lokað niður í vélarrúm. Einn maður hafi um borð og þegar aðstoð barst hafi hann verið úti á dekki, óhultur og ekki í hættu.

Eldurinn virtist hafa kafnað nokkuð hratt en reykur hafi staðið úr vélarrúmi í einhvern tíma.

Þegar björgunarskipin komu á vettvang hafi Kobbi Láka tekið bátinn í tog en hitamyndavél um borð í Guðmundi í Tungu hafi verið notuð til að meta stöðuna og sjá hvort mikill hiti væri í vélarrúmi og þar með hugsanlega enn logandi eldur. Svo hafi ekki virst ekki vera.

Báturinn hafi svo verið dreginn til hafnar á Suðureyri þangað sem skipin komu rétt um ellefu leitið en þá hafi slökkvilið verið mætt á hafnarkantinn til að tryggja að enginn eldur logaði.

Björgunarskip og bátar hafi svo verið komin til heimahafnar og gerð klár rétt um hádegið.