Poga­car á „annarri plánetu“ en hinir í Frakk­lands­hjól­reiðunum

Þessi 27 ára gamli hjólreiðamaður vann þarna sinn fimmta heildarsigur í Tour de France en aðeins fjórir hjólreiðamenn í sögunni hafa afrekað það sama.

Slóveninn hafði í raun þegar unnið fyrir dagleiðina í dag, að því gefnu að hann myndi forðast byltur eða klára keppnina, sem hann átti alls engin vandræði með. Hann hafði gríðarlega yfirburði í keppninni í ár.

Pogacar skráði sig einnig á spjöld sögunnar þegar hann setti tímamet upp hið alræmda Alpe d'Huez á nítjándu dagleið keppninnar.

„Ég kallaði hann besta hjólreiðamann allra tíma fyrir stuttu. Það sem hann er að gera er á annarri plánetu. Hann hefur hæfileika sem við höfum ekki séð áður í hjólreiðaíþróttinni,“ sagði Øivind Lukkedal, hjólreiðasérfræðingur norska ríkisútvarpsins, um keppnina.

Mathieu van der Poel vann dagleiðina í dag, rétt á undan þeim sem leiddi í heildarkeppninni. Þetta var annar dagleiðasigur Hollendingsins í Frakklandshjólreiðunum í ár.