Barns­móðir og dætur Eyjólfs fluttar til Ís­lands

Skrúfudagurinn fór fram laugardaginn 21. mars síðastliðinn í gamla Sjómannaskólanum við Háteigsveg. Þar gafst gestum kostur á að skoða aðstöðuna, heilsa upp á nem­endur og starfs­fólk og prófa ýmis­legt spenn­andi svo sem vélstjórnar- og skipstjórnarherma og netaviðgerð.

Fjöldi fyr­ir­tækja og stofnana í sjáv­ar­út­vegi takaþátt í Skrúfu­deg­inum, svo sem Landhelgisgæslan, Slysavarnarfélagið Landsbjörg, Greenfish og fleiri til. 

Þá voru bæði Logi Már Einarsson, menningar-, nýsköpunar- og háskólaráðherra, og Eyjólfur Ármannsson innviðaráðherra mættir.

Eyjólfur kom þó ekki einn heldur komu Suzanne, arkitekt og barnsmóðir Eyjólfs, og tvær dætur þeirra, þriggja ára og tveggja mánaða, með í gamla Sjómannaskólann. Það er ekki í frásögur færandi nema hvað Eyjólfur hefur haldið sínu persónulega lífi nánast alveg frá almenningi. Mæðgurnar hafa jafnframt búið í Noregi síðustu ár en eru nýlega fluttar til Íslands.

Eyjólfur og Suzanne eignuðust dóttur 8. janúar síðastliðinn og deildi Eyjólfur mynd af sér með henni með textanum: „Lítil stúlka kom í heiminn klukkan 09:32. Fæðingin gekk vel og barni og móður heilsast vel. Við foreldrarnir erum í sjöunda himni og óendanlega þakklát með þetta kraftaverk lífsins - algjörir töfrar!“

Hér að neðan má sjá skemmtilegar myndir frá Skrúfudeginum sem Hulda Margrét tók:

Uppfært: Í upphaflegu fréttinni sagði að Suzanne og dætur hennar byggju í Noregi en samkvæmt upplýsingum aðstoðarmanni ráðherra eru mæðgurnar nú allar búsettar hér á Íslandi ásamt Eyjólfi.