Einn ný­liði í lands­liðinu

Veigar Páll Alexandersson, leikmaður Njarðvíkur, er sá eini í íslenska hópnum sem hefur ekki leikið landsleik. Veigar gat ekki beitt sér á fullu í leik Njarðvíkur og KR í Bónus deildinni í gær vegna meiðsla.

Veigar, sem er 24 ára, hefur skorað 15,6 stig, tekið 5,1 frákast og gefið 3,6 stoðsendingar að meðaltali í leik í Bónus deildinni á þessu tímabili.

Eins og áður hafði verið greint frá verður Martin Hermannsson ekki með í leikjunum gegn Litáen sökum meiðsla.

Ægir Þór Steinarsson er leikjahæstur í íslenska hópnum með 103 landsleiki. Hann er einn átta leikmanna í landsliðshópnum sem leika í Bónus deildinni.

Auk Íslands og Litáens eru Bretland og Ítalía í D-riðli undankeppninnar en liðin hafa öll unnið einn leik og tapað einum. Þrjú efstu liðin í riðlinum komast á næsta stig undankeppninnar. Ísland hefur aldrei komist í lokakeppni HM en var hársbreidd frá því fyrir síðasta mót sem fór fram 2023.

Íslenski hópurinn

Kristinn Pálsson, leikmaður General Contractor Jesi á Ítalíu, kemur aftur inn í íslenska landsliðið en hann missti af fyrstu tveimur leikjunum í undankeppninni vegna meiðsla.