Bein út­sending: Barist um for­mennsku í Framsóknar­flokknum

Sigurður Ingi Jóhannsson, fráfarandi formaður, ávarpaði þingið í gær en yfirskrift þess er „Vinna - Vöxtur - Velferð“. Það vísar til grunngilda flokksins.

Ræður frambjóðenda hefjast um klukkan eitt. Í framboði til embættis formanns Framsóknarflokksins eru þær Lilja D. Alfreðsdóttir og Ingibjörg Ísaksen.

Kosning hófst strax að loknum ræðum og lauk henni um stundarfjórðungi fyrir þrjú. Talning stendur yfir og samkvæmt Rafni Ágúst, fréttamanni Sýnar sem er staddur á flokksþinginu, er eftirvæntingin áþreifanleg í salnum. Þeir Framsóknarmenn sem hann hafi rætt við séu sammála um að erfitt sé að segja til um hver úrslitin verði.

Sjá einnig: Framsóknar­menn takast hart á að tjalda­baki

Hægt er að horfa á ræður frambjóðenda og kosningu í embættin í spilaranum hér að neðan eða hér.

Þegar úrslitin liggja fyrir verður Vísir með viðtal við sigurvegarann í beinni útsendingu. Það má finna, þegar þar að kemur í spilaranum hér að neðan.

Dagskrá þingsins:

Laugardagur 14.02

08:30 – Skráning og afhending þingganga

10:00 – Þingsetning

10:10 – Kosning þingforseta, þingritara, kjörbréfanefndar, kjörstjórnar, samræmingarnefndar og dagskrárnefndar

10:15 – Skýrsla ritara

10:30 – Mál lögð fyrir þingið

10:40 – Nefndastörf hefjast

12:30 – Hádegishlé

13:00 – Yfirlitsræða formanns

13:30 – Almennar umræður

16:00 – Nefndastörf

20:00 - Hátíðarkvöldverður

Sunnudagur 15.02

08:30 – Skráning og afhending þinggagna

09:00 – Nefndastörf

10:30 – Afgreiðsla mála

12:00 - Hádegishlé

13:00 – Kosningar: Formaður, varaformaður, ritari, laganefnd, siðanefnd, skoðunarmenn reikninga og löggiltan endurskoðenda

14:30 – Afgreiðsla mála, framhald

17:00 – Þingslit