Körfubolti

Kveður Skaga­fjörðinn og flytur á Skagann

Ágúst Orri Arnarson skrifar
Ivan Gavrilovic í leik með Tindastóli fyrr á tímabilinu.
Ivan Gavrilovic í leik með Tindastóli fyrr á tímabilinu. vísir/Anton

Ivan Gavrilovic er genginn til liðs við ÍA og mun spila með liðinu það sem eftir lifir leiktíðar í Bónus deild karla í körfubolta en hann kemur frá Tindastóli.

Fyrr í dag var greint frá því að Tindastóll hefði fengið finnska landsliðsmanninn Daniel Dolenc í sínar raðir.

Nú hefur verið staðfest að Gavrilovic sé á förum frá Sauðárkróki og Skagamenn bjóða hann velkominn til ÍA.

Gavrilovic er 29 ára gamall, 205 sentimetra hár kraftframherji eða miðherji. Hann hefur skorað 17 stig, gripið 6 fráköst og gefið 1 stoðsendingu að meðaltali í leik á þessu tímabili.

Fyrr á tímabilinu missti hann af Evrópuleik Tindastóls í Kósovó og sat fastur á flugvellinum meðan liðið spilaði.

Bónus-deild karla ÍA Tindastóll

Mest lesið


Fleiri fréttir

Sjá meira


×

Mest lesið