„Yngsti „self made“ milljóna­mæringur undir þrí­tugu“

Metta Sport hefur á örfáum árum orðið eitt eftirsóttasta merki ungs fólks á Íslandi. Samkvæmt Viðskiptablaðinu hagnaðist félagið, sem rekið er undir PS2 ehf., um 93 milljónir króna árið 2023, miðað við 18 milljónir árið áður. Veltan þrefaldaðist á milli ára og nam 357 milljónum króna. Ársreikningur fyrir árið 2024 hefur ekki verið birtur.

Merkið hóf rekstur árið 2021 með vefverslun og verslun í Síðumúla, en er nú til húsa á Barónsstíg 11a. 

Félagarnir hafa ekki aðeins náð frábærum árangri í viðskiptum, heldur hafa þeir einnig ferðast víða um heiminn. Þeir fóru meðal annars með kærustum sínum til Vínarborgar í Austurríki í mars síðastliðnum.

Blár himinn og hvítar stendur

„Já það var nice í Króatíu,“ skrifaði Pétur við skemmtilega myndaröð úr ferðinni sem einkenndist af vellystingum. Þar má meðal annars sjá pörin gera vel við sig í mat og drykk, slaka á við sundlaugarbakkan á glæsihóteli, og njóta samverunnar í sól og blíðu um borð í snekkju.

„Að sjálfsögðu var næs að vera í Króatíu að fagna því að vera yngsti self-made milljónamæringur undir þrítugu!“ skrifaði athafnamaðurinn Jón Davíð Davíðsson með gamansömum hætti við færsluna. Jón Davíð þekkir vel til í fatabransanum en hann er stofnandi fataverslunarinnar Húrra.